Дастаи мунтахаби занонаи Тоҷикистон мусобиқаи интихобии ҶО-2022-ро бо як ғалабаву як бохт ҷамъбаст намуд

Сентябрь 30, 2021 08:55

ДУШАНБЕ, 30.09.2021 /АМИТ «Ховар»/. Шоми  дирӯз  дар Варзишгоҳи марказии ҷумҳуриявии шаҳри Душанбе   бозии  даври ниҳоӣ ва ҳалкунандаи   Мусобиқаи интихобии Ҷоми Осиё-2022 миёни дастаҳои  мунтахаби занонаи Тоҷикистон  бо  Ветнам хеле ҷолиб   баргузор  гардид. Бонувони футболбози тоҷик аз рақиби пурқуввати  худ — дастаи   мунтахаби занонаи    Ветнам  бо ҳисоби  калони 7:0 мағлуб  шуда, аз идомаи мусобиқа дар марҳилаи   ниҳоии чемпионати Осиё  маҳрум  гардиданд, хабар медиҳад шореҳи варзиши АМИТ «Ховар» Меҳрони Қурбон бо истинод ба Федератсияи футболи Тоҷикистон.

Баъди ин  вохӯрӣ дастаи  мунтахаби занонаи  Ветнам ба финали Мусобиқаи интихобии Ҷоми Осиё-2022  роҳхат  ёфта, бо дастаи мунтахаби занонаи  Индонезия рақобат мекунад. Чанд рӯз пеш дастаи   мунтахаби занонаи Тоҷикистон оид ба футбол  дар даври дуюми мусобиқаи интихобии Ҷоми Осиё-2022 дар гурӯҳи «В» бар дастаи мунтахаби занонаи  Малдив бо ҳисоби калони  4:0 ғалаба карда буд. Дар ин  сабқати ҷолиб  голҳои дастаи   мунтахаби занонаи Тоҷикистонро Лайло Ҳалимова, Некубахт Худододова ва Наталя Сотникова ба нишон расонида, пирӯзии дастаашонро таъмин намуда буданд.

Мусобиқаи интихобии Ҷоми Осиё -2022 миёни дастаҳои мунтахаби занона

Гурӯҳи «В». Даври 2-юм

Тоҷикистон – Малдив – 4:0

Голҳо: Лайло Ҳалимова, 2 (1:0). Некубахт Худододова, 13 (2:0). Лайло Ҳалимова, 24 (3:0). Наталя Сотникова, 58 (4:0).

 Даври 3-юм

29 сентябр (чоршанбе)

 Ветнам – Тоҷикистон-7:0

  АКС аз Федератсияи футболи Тоҷикистон

 

Сентябрь 30, 2021 08:55

Хабарҳои дигари ин бахш

Замони баргузории бозиҳои даври 19-уми Чемпионати Тоҷикистон байни дастаҳои Лигаи олӣ муайян шуд
ҶОМИ ОСИЁ-2027. Дастаи мунтахаби Тоҷикистон тими Малдивро мағлуб намуд
ҶОМИ ОСИЁ-2027. Имрӯз дастаи мунтахаби Тоҷикистон дар марҳилаи интихобӣ бо тими Малдив бозӣ мекунад
ҶОМИ ОСИЁ-2027. Дастаи мунтахаби Тоҷикистон барои баргузории бозӣ бо Малдив ба шаҳри Мале рафт
Мусобиқаи байналмилалӣ оид ба камонварӣ ҷамъбаст гардид
Тоҷикистон дар Бозиҳои сеюми кишварҳои аъзои ИДМ соҳиби мақоми ҳафтум гардид
ҶОМИ ОСИЁ-2027. Имрӯз дастаи мунтахаби Тоҷикистон дар даври интихобӣ бо тими Малдив бозӣ мекунад
БОЗИҲОИ СЕЮМИ КИШВАРҲОИ АЪЗОИ ИДМ. То 8 октябр варзишгарони тоҷик соҳиби 22 медал гардиданд
ҶОМИ ОСИЁ-2027. Бозии Тоҷикистон ва Малдивро гурӯҳи доварон аз Қирғизистон ҳакамӣ мекунад
ФУТБОЛ. Дастаи мунтахаби Тоҷикистон дар Варзишгоҳи марказии Ҳисор бо дастаи Малдив бозӣ мекунад
Муҳиддин Асадуллоев дар Чемпионати ҷаҳон оид ба ҷудо байни ҷавонон дар Перу сазовори медали тилло гардид
Варзишгарони тоҷик дар Бозиҳои сеюми ИДМ дар Озарбойҷон соҳиби 18 медал гардиданд