Макрон: ҷаҳон ба толибон шарт гузошт

ДУШАНБЕ, 01.09.2021 /АМИТ «Ховар»/. Президенти Фаронса Эммануэл Макрон дар мусоҳиба бо шабакаи телевизионии TF1 гуфт, ки гуфтушунид бо «Толибон» (созмони террористӣ, ки дар Тоҷикистон мамнӯъ аст) маънои эътирофи минбаъдаи расмии онро надорад. Дар ин бора  «Рамблер»  хабар медиҳад. 

Роҳбари Ҷумҳурии панҷум дирӯз тасдиқ кард, ки музокирот бо толибон идома дошта, онҳо ба кумаки башардӯстона ва тахлияи  афғонҳое, ки ба муҳофизат ниёз доранд, дахл доранд.

Мо бояд иқрор шавем: онҳое, ки Кобул ва қаламрави Афғонистонро назорат мекунанд, толибон мебошанд. Аз ин рӯ, аз ҷиҳати амалиётӣ, аз нуқтаи назари амалӣ, мо бояд мубоҳисаҳо гузаронем, тавре ки ба ин кор шурӯъ кардем. Вақте ки ман «мо» мегӯям, сухан дар бораи ҷомеаи байналмилалӣ меравад, — гуфт Макрон.

Вай афзуд, ки ҷомеаи ҷаҳонӣ ба толибон шарт гузоштааст. Ба гуфтаи ӯ, ҳаракат бояд қонунҳои башардӯстона, ҳуқуқи инсон ва «шаъну шарафи занони афғон», ҳуқуқи шаҳрвандонро эҳтиром кунад ва инчунин бо гурӯҳҳои террористӣ дар Афғонистон фаъолияти муштарак набарад.

Қаблан маълум шуд, ки Фаронса ва Британияи Кабир аз СММ даъват хоҳанд кард, ки масъалаи таъсиси «минтақаи амниятӣ» дар Кобул- пойтахти Афғонистонро омӯзад. Дар ин бора Эммануэл Макрон изҳор дошт. Роҳбари Фаронса зикр кард, ки «минтақаи амният» барои гузаронидани амалиёти башардӯстона дар минтақа имкон медиҳад. Макрон афзуд, Фаронса ва Британияи Кабир лоиҳаи қатънома дар бораи таъсиси чунин минтақа дар Кобулро ба СММ пешниҳод хоҳанд кард. Дар ин бора «Рамблер» хабар медиҳад. 

АКС: «Global Look Press»