Миёни Агентии миллии иттилоотии Тоҷикистон «Ховар» ва Агентии иттилоотии «Associated Press of Pakistan» Ёддошти тафоҳум оид ба ҳамкорӣ ба имзо расид

Сентябрь 18, 2021 09:30

ДУШАНБЕ, 17.09.2021 / АМИТ «Ховар» /. Тавре қаблан хабар додем, дирӯз дар Қасри миллат дар шаҳри Душанбе, пас аз анҷоми мулоқоту музокироти Президенти Ҷумҳурии Тоҷикистон муҳтарам Эмомалӣ Раҳмон ва Сарвазири Покистон Имрон Хон, дар ҳузур ва бо иштироки сарони ду давлат, чанд санади нави ҳамкорӣ ба имзо расид.

Аз ҷумла, миёни Агентии миллии иттилоотии “Ховар”- и назди Ҳукумати Ҷумҳурии Тоҷикистон ва Агентии миллии иттилоотии Ҷумҳурии Исломии Покистон «Associated Press of Pakistan» Ёддошти тафоҳум оид ба ҳамкорӣ ба имзо расид. Ин санадро Директори АМИТ «Ховар» Саидалӣ Сиддиқ ва Сафири Фавқулода ва Мухтори Ҷумҳурии Исломии Покистон дар Тоҷикистон Имрон Ҳайдар имзо карданд.

Ёдлвар мешавем, ки «Associated Press of Pakistan» (АРР) агентии давлатии миллии иттилоотии Покистон аст. Ин агентии иттилоотӣ бо 37 агентиҳои иттилоотии хориҷӣ (АМИТ “Ховар” 38-ум шуд) созишномаи мубодилаи ахбор дорад дорои  зиёда аз 500 хабарнигор мебошад.

«Associated Press of Pakistan» ҳамчун агентии миллии иттилоотии Покистон ахбори дохилӣ ва байналмилалиро ҷамъоварӣ намуда,  ба садҳо рӯзномаву маҷаллаҳо, шабакаҳои радио ва телевизион, муассисаҳои давлатии Покистон ва расонаҳои хориҷӣ паҳн мекунад. Арзиши обуна ба APP бо назардошти эътимоднокӣ ва мундариҷаи сифатан баланди маводҳояш нисбат ба дигар агентиҳои иттилоотии Покистон гаронтар аст. Бисёре аз рӯзномаҳои Покистон мекӯшанд ба хидматҳои он обуна шаванд. Ба қатори муштариёни маъруфи он ин рӯзномаҳо шомиланд: Dawn, Pakistan Times, Frontier Post, The Stateman, The Nation, The International International, Recorder Business, The Observer, The Post, and Nawa-i-Wakt, Jang, Khabrain, Daily Express. ), The Express Tribune ва баъзе рӯзномаҳои дигари миллӣ, ки  бо забонҳои англисӣ ва урду нашр мешаванд.

Ҳамчун як ниҳоди давлатӣ, дар баробари инъикоси соҳаҳои фарҳангӣ, иҷтимоӣ, иқтисодӣ ва бахшҳои иқтисоди миллӣ, фаъолияти APP асосан ба нашри хабаврҳои расмии давлатию ҳукуматӣ нигаронида шудааст.

APP фаъолият ва изҳороти ходимони давлатиро муфассал инъикос менамояд. Рӯзномаҳо, радио ва телевизионҳои давлатӣ ҳангоми пахшу нашри  хабарҳои расмӣ бештар ба APP такя мекунанд.

АКС: Хадамоти матбуоти Президенти ҶТ/АМИТ “Ховар”

Сентябрь 18, 2021 09:30

Хабарҳои дигари ин бахш

Президенти Тоҷикистон: «Ҷашни Наврӯз ва истиқлолу озодӣ – ин ду мафҳуми барои ҳар яки мо азизу муқаддас аст»
«КАЪБА ЧӢ МЕРАВӢ, ДИЛЕРО ДАРЁБ…». Андешаҳо дар ҳошияи мулоқоти Президенти Тоҷикистон бо фаъолону намояндагони ҷомеа ва ходимони дин
Пешвои миллат: «Боиси ифтихор аст, ки Наврӯз – калимаи асили тоҷикӣ, яъне «рӯзи нав» ҳоло барои миллионҳо аҳолии сайёра ҳамчун рӯзи ҷашни фархунда вирди забон аст»
Эмомалӣ Раҳмон: «Наврӯз аз ҷумлаи бузургтарин ва маҳбубтарин ҷашнҳои тоҷикон мебошад»
СИЁСИШАВИИ ДИН — ХАТАР БА ФАРҲАНГИ МИЛЛӢ ВА СУБОТИ ҶОМЕА. Андешаҳои профессор Нозим Маҳмадизода дар ин мавзуъ
Президенти Тоҷикистон: «Бо назардошти шароити замона анъанаи неки гузаштагон – сарфаю сариштакориро бояд риоя намоем»
Сулаймон Талбакзода: «Дарси хештаншиносӣ ва хизмат ба халқу Ватанро аз Пешвои миллат бояд омӯзем»
Президенти Тоҷикистон: «Мушкилоти таъмини аҳолии сайёра бо озуқаворӣ моро водор менамояд, ки ҳар қитъа заминро оқилонаву самаранок истифода барем»
Пешвои миллат Эмомалӣ Раҳмон: «Ойинҳои наврӯзӣ аҳли башарро ба таҳаммулгароӣ, бунёдкориву созандагӣ ҳидоят менамоянд»
Пешвои миллат: «Дар шароити кунунӣ зарур аст, ки ба кишти такрорӣ, гирифтани се – чор ҳосил аз заминҳои обӣ эътибори аввалиндараҷа дода шавад»
Наврӯз дар баробари забони тоҷикӣ бунёди худшиносии тоҷиконро низ ташаккул додааст
Пешвои миллат Эмомалӣ Раҳмон: «Мақому ҷойгоҳи Наврӯз он қадар баланд буд, ки ҳеҷ монеа ва қуввае онро натавонист аз байн барад»