27 октябр дар Теҳрон нишасти ҳузурии кишварҳои ҳамсояи Афғонистон баргузор мешавад

Октябрь 19, 2021 11:53

ДУШАНБЕ, 19.10.2021 /АМИТ «Ховар»/. Нишасти кишварҳои ҳамсояи Афғонистон 27 октябр дар Теҳрон дар сатҳи вазирони корҳои хориҷӣ баргузор мешавад. Тавре АМИТ «Ховар» бо истинод ба ТАСС хабар дод, дар ин бора дирӯз, 18 октябр зимни нишасти матбуотӣ намояндаи расмии Вазорати корҳои хориҷии Эрон Саид Хатибзода (ДАР АКС) хабар дод.

«Рӯзи чоршанбеи ҳафтаи оянда дар Теҳрон мо нишасти вазирони корҳои хориҷии кишварҳои ҳамсояи Афғонистонро баргузор хоҳем кард. Ин вохӯрӣ дар шакли ҳузурӣ доир мешавад»,- гуфт ӯ. Дипломат афзуд, ки «ҷаласа як рӯз идома хоҳад кард».

Ба гуфтаи ӯ, «дар рӯзнома идомаи муколамаест, ки дар марҳилаи аввал дар шакли онлайн сурат гирифта буд». «Шаш кишвар саъйи худро ба он равона мекунанд, ки чӣ гуна барои таъсиси ҳукумати фарогир [дар Афғонистон] бо ҳузури ҳама гурӯҳҳои миллӣ кумак кунанд»,-гуфт С. Хатибзода.

8 сентябр оид ба вазъи Афғонистон ҷаласаи онлайние баргузор шуд, ки дар он вазирони корҳои хориҷии Эрон, Чин, Покистон, Тоҷикистон, Туркманистон ва Узбекистон ширкат карданд. 16 сентябр дафтари матбуоти вазорати хориҷаи Эрон эълон кард, ки нишасти навбатии кишварҳои ҳамсояи Афғонистон дар Теҳрон баргузор мешавад.

АКС аз манбаъҳои боз

Октябрь 19, 2021 11:53

Хабарҳои дигари ин бахш

Дар Душанбе оид ба усулҳои нави ҷамъоварии маълумот дар самти муқовимат ба савдои одамон ҷаласа доир шуд
Нақшаи даъвати тирамоҳии шаҳрвандони Тоҷикистон ба сафи Артиши миллӣ пурра иҷро гардид
Ҳайати Тоҷикистон дар конференсияи 26-уми байналмилалии раисони судҳои олии кишварҳои ҷаҳон иштирок намуд
ҚОИДАҲОИ БЕХАТАРӢ АЗ СӮХТОРРО РИОЯ НАМОЕД! Дар Тоҷикистон беш аз 900 ҳодисаи сӯхтор ба қайд гирифта шудааст
Нақшаи даъвати ҳарбӣ дар Тоҷикистон 98 фоиз иҷро гардид
Милитсияи пойтахт дар муассисаҳои таълимӣ 115 ҳолати истеъмоли чилим ва сигорҳои электрониро ошкор намуд
Нисбат ба беш аз 1300 волидайн барои бемасъулиятӣ дар тарбияи фарзанд санади маъмурӣ тартиб дода шуд
Ба ноҳияи Лахш як экскаватор ва як мошини пуриқтидори сӯхторхомӯшкунӣ ворид карда шуд
Мулоқоти Президенти Покистон Осиф Алӣ Зардорӣ бо Вазири мудофиаи Тоҷикистон Эмомалӣ Собирзода дар Исломобод
Дар Остона Ҷаласаи XXIII Комиссияи байнидавлатии ҳамкории ҳарбӣ-иқтисодии СААД баргузор гардид
Дар Исломобод мулоқоти Вазири мудофиаи Тоҷикистон бо раиси Кумитаи муштараки сардорони ситодҳои Қувваҳои Мусаллаҳи Покистон баргузор гардид
Нақшаи даъвати ҳарбӣ дар Тоҷикистон қариб 96 фоиз иҷро гардид