Аз Тоҷикистон дар нуҳ моҳи соли равон 149,4 ҳазор тонна маҳсулоти кишоварзӣ содирот гардидааст

Октябрь 19, 2021 14:49

ДУШАНБЕ, 19.10.2021 /АМИТ «Ховар»/.  Тибқи маълумоти Хадамоти гумруки назди Ҳукумати Ҷумҳурии Тоҷикистон, дар нуҳ моҳи соли равон аз ҷумҳурӣ ба дигар давлатҳо 149,4 ҳазор тонна маҳсулоти кишоварзӣ содирот карда шуд, ки нисбат ба ҳамин давраи соли гузашта 35,2 ҳазор тонна зиёд мебошад. Ин матлаб зимни баргузории ҷаласаи ҳайати мушовараи Вазорати кишоварзии Ҷумҳурии Тоҷикистон оид ба ҷамъбасти фаъолият дар нуҳ моҳи соли равон ва вазифаҳои минбаъдаи соҳа 15 октябр баён гардид, иттилоъ медиҳад АМИТ «Ховар» бо истинод ба шуъбаи матбуот ва иттилооти Вазорати кишоварзии Ҷумҳурии Тоҷикистон.

Ба иттилои Агентии омори назди Президенти Ҷумҳурии Тоҷикистон, дар ҳаҷми умумии маҳсулоти кишоварзӣ сабзавот 96,9 ҳазор тонна, меваҷот 24,5 ҳазор тонна, меваи хушк 25,2 ҳазор тонна ва дигар намуди маҳсулоти кишоварзӣ 3,2 ҳазор тоннаро ташкил медиҳад.

Дар таркиби умумии маҳсулоти кишоварзии содиротшуда ҳиссаи 9 номгӯй маҳсулот зиёд аст. Аз ин пиёз 95,8 ҳазор тонна,  меваи хушк 25,2 ҳазор тонна, ангур 16,2 ҳазор тонна, олу 2,6 ҳазор тонна, зардолу 2,1 ҳазор тонна, шафтолу 1,4 ҳазор тонна, олуболу ва гелос 1,2 ҳазор тонна ва тарбуз 98 ҳазор тоннаро ташкил мекунад.

Тавре  директори Агентии содироти назди Ҳукумати Ҷумҳурии Тоҷикистон Шавкат Бобозода зимни нишасти матбуотии шашмоҳаи аввали соли равон хабар дод, дар ин давра ба маблағи 1231,6 миллион доллар маҳсулоти ватанӣ содирот гардидааст, ки нисбат ба ҳамин давраи соли гузашта 577,5 миллион доллар ё 88,3 фоиз зиёд мебошад.

Мавсуф зикр намуд, ки Агентии содироти назди Ҳукумати Ҷумҳурии Тоҷикистон ҷиҳати густариши муносибатҳои хориҷӣ бо ҷонибҳои дахлдор, тақвият бахшидани фаъолият дар самти муаррифӣ кардани маҳсулоти ватанӣ, дарёфти бозорҳои содиротӣ, шарикони истеҳсоливу тиҷоратӣ тибқи тартиби муқарраргардида, бо якчанд намояндагони ширкатҳои дохиливу хориҷӣ вохӯриҳо ташкил намуда, масъалаҳои тақвият бахшидани фаъолият дар самти содироти маҳсулоти ватанӣ, роҳ ёфтан ба бозорҳои содиротӣ, ташкили марказҳои лигистикиву хариду фурӯши яклухти молҳоро мавриди баррасӣ қарор дод.

АКСҲО аз бойгонии АМИТ «Ховар»

Октябрь 19, 2021 14:49

Хабарҳои дигари ин бахш

Сарвазири Тоҷикистон бо Директори генералии Бонки Осиёии рушд оид ба Осиёи Марказӣ ва Осиёи Ғарбӣ мулоқот намуд
Дар Душанбе масоили самаранокии низоми идоракунии давлатӣ ва волоияти қонун баррасӣ шуд
Миёни Ҳукумати Ҷумҳурии Тоҷикистон ва Корпоратсияи байналмилалии молиявӣ Созишномаи ҳамкорӣ ба имзо расид
Дар Тоҷикистон истеҳсоли картошка нисбат ба ҳамин давраи соли гузашта 144 ҳазор тонна зиёд гардидааст
МУЖДАИ ЗАФАР. Кишоварзони ноҳияи Кӯшониёни вилояти Хатлон нақшаи истеҳсоли пахтаро иҷро намуданд
Иля Федоров, директори департаменти Вазорати рушди иқтисоди ФР: Иқтидори тиҷоратии Русия ва Тоҷикистон ба тавре ки мебояд, истифода нашудааст
ИМРӮЗ — РӮЗИ БАЙНАЛМИЛАЛИИ САРФАИ ЭНЕРГИЯ. Коршиноси АМИТ «Ховар» мегӯяд, ки чаро он ба Тоҷикистон ин қадар зарур аст
Дар Душанбе Муколамаи миллии сатҳи баланд оид ба низоми озуқаворӣ дар Ҷумҳурии Тоҷикистон баргузор шуд
Вазири кишоварзии Тоҷикистон дар ноҳияи Мастчоҳ бо ҷараёни ҷамъоварии пахта ва коркарди он шинос гардид
Таҳкими ҳамкории Тоҷикистон ва Туркия дар бахши ҳифзи муҳити зист дар Глазго баррасӣ шуд
Дар Душанбе Форуми занони соҳибкор гузаронида мешавад
IFAD дар Тоҷикистон бо назардошти масъалаҳои иқлим лоиҳаи нав татбиқ менамояд