Имрӯз дар Душанбе ҷаласаи навбатии Шӯрои ҳамоҳангсозӣ оид ба пешгирии суиистеъмоли маводи нашъадор баргузор шуд
ДУШАНБЕ, 28.10.2021 /АМИТ «Ховар»/. Имрӯз дар Китобхонаи миллии Тоҷикистон таҳти раисии муовини Сарвазири Ҷумҳурии Тоҷикистон Матлубахон Сатториён ҷаласаи навбатии Шӯрои ҳамоҳангсозӣ оид ба пешгирии суиистеъмоли маводи нашъадор баргузор гардид, ки дар кори он аъзои Шӯро ва дигар шахсони расмӣ иштирок намуданд, хабар медиҳад мухбири АМИТ «Ховар» Акрамхоҷа АКБАР.
Дар оғози ҷаласа муовини раиси Шӯро, Директори Агентии назорати маводи нашъаовари назди Президенти Ҷумҳурии Тоҷикистон Ҳабибулло Воҳидзода оид ба тақвияти ҳамкорӣ бо ташкилоти ҷамъиятӣ дар самти пешгирии нашъамандӣ, табобат ва офиятбахшии беморони нашъаманд дар доираи Стратегияи миллӣ оид ба назорати маводи нашъаовар дар Ҷумҳурии Тоҷикистон барои солҳои 2021-2030 сухан гуфт.
Муовини якуми Вазири тандурустӣ ва ҳифзи иҷтимоии аҳолии Ҷумҳурии Тоҷикистон Ғафур Муҳсинзода ҳамчун муовини Раиси Шӯро оид ба таҳлили омилҳое, ки ба каму зиёдшавии шумораи бемории нашъамандӣ мусоидат мекунад, ибрози назар намуд.
Ҳамчунин муовини якуми Раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон Ризо Назарзода ҳамчун аъзои Шӯро оид ба баррасии мушкилоти марбут ба пешгирии нашъамандӣ ва гардиши ғайриқонунии маводи нашъаовар миёни ҷавонон суханронӣ карда, фикру пешниҳодҳои худро дар ин самт манзур намуд.
Дар ҷараёни ҷаласаи Шӯро роҳбарони ташкилоти ҷамъиятии ҷумҳуриявии «АФИФ», «Спин Плюс» ва «Хонаи ҷавонон» оид ба фаъолияти ташкилоти худ, инчунин мушкилоти мавҷуда, пешгирии аввалиндараҷаи нашъамандӣ, табобат ва офиятбахшии беморони нашъаманд, ҳамкорӣ бо мақомоти ҳифзи ҳуқуқ ва дигар мушкилоти ҷойдошта дар ин самт сухан карда, пешниҳодҳои худро манзур намуданд.
Дар фарҷом масъалаҳои рӯзномаи маҷлис мавриди муҳокима қарор гирифта, ба мақомоти дахлдор тавсияҳо дода шуданд, ки фаъолиятро баҳри боз ҳам баланд бардоштани ҳисси тоқатнопазирӣ ба нашъамандӣ дар ҷомеа тақвият бахшида, ҷиҳати таъсири он ба пешгирӣ ва паст намудани сатҳи нашъамандӣ тадбирҳои иловагӣ андешида, ҳамкориро дар ин самт таҳким бахшанд.
Дар ин радиф оид ба фаъолитяи минбаъда нақшаи Шӯрои ҳамоҳангсозӣ оид ба пешгирии суиистеъмоли маводи нашъадор дар соли 2022 тасдиқ ва қарорҳои дахлдор қабул карда шуданд.
АКСҲО: АМИТ «Ховар»
ҲИФЗИ ВАТАН ШАРАФ АСТ! Дар ноҳияи Вахш нақшаи даъвати баҳорӣ ба сафи Қувваҳои Мусаллаҳ иҷро шуд
Имрӯз дар вилояти Хатлон даъвати баҳорӣ ба сафи Қувваҳои Мусаллаҳ пурра иҷро шуд
Нақшаи даъвати баҳорӣ дар ҷамоатҳои деҳоти Ворух ва Чоркӯҳи шаҳри Исфара дар рӯзи якум иҷро гардид
ХИЗМАТ ДАР МАКТАБИ БУЗУРГИ МАРДОНАГИЮ ВАТАНДӮСТӢ ШАРАФ АСТ. Ноҳияҳои минтақаи Рашт нақшаи даъвати баҳориро пурра иҷро намуданд
Нақшаи даъвати баҳорӣ дар Вилояти Мухтори Кӯҳистони Бадахшон дар рӯзи аввал иҷро шуд
Раиси Кумитаи бехатарии озуқаворӣ дар ҷаласаи Комиссия оид ба масъалаҳои иқтисодии ИДМ иштирок намуд
Дар ҷаласаи Шурои ҳамоҳангсозии фаъолияти мақомоти ҳифзи ҳуқуқи шаҳри Ҳисор кам кардани талафоти неруи барқ баррасӣ гардид
«ТУ МОДАРИ БА ҶОН БАРОБАРАМ, ВАТАН!». Дар ноҳияи Ёвон Рӯзи даъватшаванда баргузор гардид
БАР ВАТАН СОДИҚОНА ХИЗМАТ КУНЕМ! Маъракаи даъвати баҳории ҷавонон ба сафи Қувваҳои Мусаллаҳи Тоҷикистон оғоз гардид
Тоҷикистон ва Узбекистон ҳамкории амниятиро барои муқовимат ба таҳдидҳо тақвият мебахшанд
Ҳайати Тоҷикистон дар Форуми Осиё ва Уқёнуси Ором дар Филиппин иштирок намуд
Дар Кӯлоб ҷаласаи Шурои ҳамоҳангсозии фаъолияти мақомоти ҳифзи ҳуқуқ баргузор гардид
