Сарвари давлат Эмомалӣ Раҳмон дар маркази ноҳияи Муъминобод майдони Парчами давлатӣ ва гулгаштро ифтитоҳ намуданд
ДУШАНБЕ, 04.10.2021 /АМИТ«Ховар»/. 4 октябр Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон Парчами давлатӣ ва гулгашти зебои ноҳияи Муъминободро ба истифода доданд.
Майдони Парчами давлатӣ ва гулгашт дар маркази ноҳияи Муъминобод бунёд гардидааст, ки ин мавзеъ барои истироҳату фароғати сокинону меҳмонон мувофиқу мусоид аст.
Баландии сутунпояи Парчами давлатӣ 45 метрро ташкил дода, аз тарафи коргарону мутахассисони Ҷамъияти дорои масъулияти маҳдуди «Ҳасанбегӣ» бунёд гардидааст.
Майдони Парчами давлатӣ дар масоҳати 0,60 гектар бунёд ёфта, дар саҳн ва атрофи он 320 бех ниҳоли дарахтони гуногуни ҳамешасабзу ороишӣ ва гулу буттаҳои зебою нодир шинонида шудааст.
Бунёди майдони Парчами давлатӣ дар қатори дигар иншооти таъйиноти гуногун дар ноҳияи Муъминобод дар доираи корҳои ободонӣ бахшида ба 30-солагии Истиқлолияти давлатии Ҷумҳурии Тоҷикистон сурат гирифта, дар баробари шукӯҳу зебоӣ бахшидан ба симои ноҳия, инчунин дар самти баланд бардоштани ҳисси ватандӯстию ифтихори миллӣ ва арҷгузории насли имрӯзу ояндаи мамлакат ба ин муқаддасоти миллӣ мусоидат хоҳад кард.
Саҳни майдони Парчами давлатиро дар ноҳияи Муъминобод бунёди гулгашти зебою назаррабо дилфиребу ҷолиб сохта, ин ҷо ба мавзеи мусоиди истироҳату фароғат ва сайру гашти сокинон табдил ёфтааст.
Пешвои миллат Эмомалӣ Раҳмон дар ноҳияи Синои шаҳри Душанбе Муассисаи давлатии «Мактаби бачагонаи мусиқии №3 ба номи Абдуфаттоҳ Одинаев»-ро ба истифода доданд
Президенти Ҷумҳурии Тоҷикистон Эмомалӣ Раҳмон дар ноҳияи Синои шаҳри Душанбе Муассисаи таҳсилоти томактабии «Гулистон»-ро ифтитоҳ намуданд
Сарвари давлат Эмомалӣ Раҳмон дар ноҳияи Фирдавсии шаҳри Душанбе «Кӯдакистони байналмилалии инноватсионии Басбӣ»-ро ба истифода доданд
Пешвои миллат Эмомалӣ Раҳмон дар ноҳияи Шоҳмансури шаҳри Душанбе Муассисаи таҳсилоти томактабии хусусии Ватанпарварро ифтитоҳ намуданд
Президенти Ҷумҳурии Тоҷикистон Эмомалӣ Раҳмон Раиси Маҷлиси Бузурги Миллии Ҷумҳурии Туркия Нуман Куртулмушро ба ҳузур пазируфтанд
Президенти Ҷумҳурии Тоҷикистон Эмомалӣ Раҳмон ба Президенти Ҷумҳурии Демократии Сотсиалистии Шри-Ланка Анура Кумара Диссанаяке барқияи изҳори тасаллӣ ирсол намуданд
Президенти Ҷумҳурии Тоҷикистон Эмомалӣ Раҳмон бо роҳбарони сохторҳои қудратӣ ва ҳифзи ҳуқуқу тартиботи кишвар машварати корӣ доир намуданд
35-СОЛАГИИ ИСТИҚЛОЛИ ДАВЛАТӢ. Дар Суғд беш аз 12 ҳазор иншоот ба истифода дода шуд
35-СОЛАГИИ ИСТИҚЛОЛИ ДАВЛАТӢ. 4 километр роҳи деҳаи Меҳргони Шаҳринав мумфарш карда шуд
35-СОЛАГИИ ИСТИҚЛОЛИ ДАВЛАТӢ. Бунёдкорӣ дар ҷамоатҳои деҳоти Роҳатию Гулистони ноҳияи Рӯдакӣ вусъат меёбад
