Тоҷикистон дар раддабандии нави ФИФА ба зинаи 114-ум баромад

ДУШАНБЕ, 21.10.2021 /АМИТ «Ховар»/. 21 октябр Федератсияи байналмилалии футбол   раддабандии нави худро нашр намуд, ки тибқи он дастаи  мунтахаби Тоҷикистон оид ба футбол мавқеашро иваз карда, бо касби 1157.77 имтиёз ба зинаи 114-ум баромад, иттилоъ дод  шореҳи варзиши АМИТ «Ховар»  бо истинод ба Федератсияи футболи Тоҷикистон.

Миёни кишварҳои Осиё аз ҳама натиҷаи беҳтарро дастаи мунтахаби Эрон дошта, бо касби 1545.08 хол дар зинаи 22-юми раддабандӣ қарор дорад. Дар рейтинги КФО дастаи мунтахаби Тоҷикистон дар ҷои 21-ум мавқеъ гирифтааст. Дар феҳристи раддабандии нави ФИФА дастаҳои  мунтахаби  Белгия бо 1832.33 имтиёз дар зинаи якум, Бразилия бо 1811.73 имтиёз дар ҷойи дуюм ва Англия 1755.44 имтиёз дар ҷойи сеюм қарор доранд.

Ёдовар мешавем, ки қаблан дастаи мунтахаби Тоҷикистон дар зинаи 116-ум қарор дошт.

Топ-10 раддабандии ФИФА ҳоло ба таври зайл аст:

1. Белгия (1832.33)
2. Бразилия (1820.36)
3. Фаронса (1779.24)
4. Италия (1750.52)
5. Англия (1750.16)
6. Аргентина (1738.79)
7. Испания (1687.66)
8. Португалия (1681.73)
9. Мексика (1672.98)
10. Дания (1668.98)

…

114. Тоҷикистон (1158)

                                               АКС аз Федератсияи футболи Тоҷикистон