Вазоратҳои корҳои дохилии Тоҷикистон ва Туркия мубориза бар зидди терроризмро пурзӯр менамоянд
ДУШАНБЕ, 27.10.2021 /АМИТ «Ховар»/. 26 октябр мулоқоти муовини якуми Вазири корҳои дохилии Ҷумҳурии Тоҷикистон Абдураҳмон Аламшозода бо сардори Раёсати мубориза бар зидди терроризми Вазорати корҳои дохилии Ҷумҳурии Туркия Ҳасан Йигит баргузор гардид, ки зимни он масъалаҳои ҳамкорӣ дар соҳаи мубориза бар зидди ҷинояткории муташаккили фаромиллӣ, терроризм, экстремизм, гардиши ғайриқонунии маводи мухаддир ва мубодилаи иттилоот мавриди баррасӣ қарор гирифт, хабар доданд аз Вазорати корҳои дохилии Ҷумҳурии Тоҷикистон ба АМИТ «Ховар».
Муовини якуми Вазири корҳои дохилии Ҷумҳурии Тоҷикистон А.Аламшозода мулоқоти мазкурро иқдоми муҳим дар самти роҳандозии ҳамкории дуҷонибаи вазоратҳои корҳои дохилии Тоҷикистон ва Туркия арзёбӣ намуд.
Ҳасан Йигит иброз дошт, ки яке аз масъалаҳои муҳим ва ногуворе, ки ҷомеаи ҷаҳониро ба ташвиш овардааст, ин вусъат ёфтани терроризм аст. Ин ҳолат моро водор месозад, ки тамоми имконоти мавҷударо дар муқобили хатарҳои замони муосир истифода бурда, дар якҷоягию ҳамбастагӣ бар зидди ин зуҳуроти номатлуб мубориза барем.
Дар хотимаи вохӯрӣ ҷонибҳо ҷиҳати тақвияти робитаҳои касбӣ изҳори боварӣ намуданд.
Мавриди зикр аст, ки ҳайати Вазорати корҳои дохилии Ҷумҳурии Туркия бо роҳбарии сардори Раёсати мубориза бар зидди терроризми Вазорати корҳои дохилии Ҷумҳурии Туркия Ҳасан Йигит барои иштирок дар ҷаласаи 6-уми Комиссияи муштарак оид ба ҳамкорӣ дар соҳаи мубориза бо терроризми байналмилалӣ, ҷиноятҳои муташаккилона, маводи нашъаовар ва моддаҳои психотропӣ ба Ҷумҳурии Тоҷикистон омадааст.
Ҷаласаи мазкур 26 октябр оғоз шуда, имрӯз ҷамъбаст мегардад. Бояд зикр намуд, ки дар доираи ҷаласа ҳайати мазкур ҳамчунин аз Академияи ВКД ва дигар ҷойҳои таърихию фарҳангии шаҳри Душанбе боздид ба амал меоранд.
АКС аз сомонаи Вазорати корҳои дохилӣ
Ҳайати Тоҷикистон дар Форуми Осиё ва Уқёнуси Ором дар Филиппин иштирок намуд
Дар Кӯлоб ҷаласаи Шурои ҳамоҳангсозии фаъолияти мақомоти ҳифзи ҳуқуқ баргузор гардид
ҲАР АМАЛИ НОДУРУСТ ҶАВОБГАРӢ ДАР ПАЙ ДОРАД! Дар Душанбе паҳнкунандагони доруи психотропии «Прегабалин» дастгир шуданд
Ҳайати Тоҷикистон дар Вена дар конфронси Созмони Милали Муттаҳид оид ба мубориза бо қаллобӣ иштирок дорад
Дар Вена ҳамкории Тоҷикистон ва Британияи Кабир дар соҳаи ҳифзи ҳуқуқ баррасӣ гардид
14 МАРТ — РӮЗИ КОРМАНДОНИ МАҚОМОТИ ПРОКУРАТУРА. Бо назардошти вазъи геополитикии ҷаҳон дар назди кормандони он масъулияти баланд меистад
Агентии назорати маводи нашъаовари Тоҷикистон ва Раёсати СММ оид ба маводи нашъаовар ва ҷинояткорӣ ҳамкориро тақвият медиҳанд
Ҷаласаи навбатии Комиссияи даъвати ҷумҳуриявӣ оид ба омодагӣ ба даъвати баҳории соли 2026 ба хизмати ҳарбӣ доир гардид
Нозирони мизҳои ҳарбӣ дар шаҳри Бохтар ба машғулияти такмили ихтисос фаро гирифта шуданд
Дар Хатлон ҳамкории милитсия, омӯзгорон ва волидайн дар самти пешгирии ҷинояткорӣ байни ноболиғон тақвият меёбад
Ташаккул ва рушди фарҳанги киберамният дар низоми таълиму тарбия аҳамияти аввалиндараҷа касб мекунад
Ҳайати Тоҷикистон дар иҷлосияи Комиссияи СММ оид ба воситаҳои нашъадор иштирок дорад
