Бо мусоидати Ҳукумати Тоҷикистон расонидани кумаки башардӯстонаи Барномаи озуқавории ҷаҳонӣ ба Афғонистон оғоз гардид
ДУШАНБЕ, 26.11.2021 /АМИТ «Ховар»/. Имрӯз, 26 ноябр бо мусоидати Ҳукумати Ҷумҳурии Тоҷикистон маросими оғози расонидани кумаки башардӯстона аз ҷониби Барномаи озуқавории ҷаҳонӣ (БОҶ) ба Афғонистон баргузор гардид. Дар ин бора АМИТ «Ховар» бо истинод ба Вазорати корҳои хориҷии Ҷумҳурии Тоҷикистон хабар медиҳад.
Кумаки мазкур аз 2,500 тонна орди гандумӣ иборат буда, он ба минтақаи Бадахшони Афғонистон тавассути нуқтаҳои гузаргоҳи сарҳадии Тоҷикистону Афғонистон интиқол дода мешавад.
Расонидани кумаки башардӯстона дар ҳоле сурат мегирад, ки бо наздик шудани фасли зимистон дастрасии мардуми Афғонистон, бахусус сокинони минтақаҳои дурдасти кӯҳистон ба озуқа душвор мегардад.
Дар ҳоли ҳозир ҳеҷ созмон ва давлати кумакрасон ба минтақаҳои мазкури Афғонистон дастрасӣ надоранд.
«Бинобар ин Тоҷикистон тасмим гирифтааст, ки қаламрави худро барои интиқоли ин гуна мавод пешниҳод намояд», — таъкид намуданд дар ВКХ Тоҷикистон.
АКС: ВКХ ҶТ
Дар Қатар ифтитоҳи парвозҳои мустақими ҳавоӣ байни шаҳрҳои Душанбе ва Давҳа баррасӣ шуд
Дар Душанбе машваратҳои Тоҷикистон ва Чин дар масоили Созмони ҳамкории Шанхай доир шуданд
Маҷмаи Умумии СММ доир ба ташаббуси навбатии Тоҷикистон таҳти унвони «Даҳсолаи амал барои илмҳои криосфера, 2025-2034» қатънома қабул намуд
ДАР ТОҶИКИСТОН ДИНИ МУБИНИ ИСЛОМ ҶУЗЪЕ АЗ ФАРҲАНГИ МИЛЛӢ АСТ. Дар Вазорати корҳои хориҷӣ ҳамоиши матбуотӣ баргузор шуд
Густариши ҳамкории Тоҷикистон ва Эрон дар таъмини амният ва мубориза бо гурӯҳҳои муташаккили ҷиноӣ баррасӣ шуд
Тоҷикистон ва Корея густариши ҳамкорӣ байни ду давлатро дар соҳаҳои тиҷорату саноат баррасӣ намуданд
Дар Остона нишасти вазирони корҳои хориҷии давлатҳои Осиёи Марказӣ баргузор шуд
Тоҷикистон ва Созмони байналмилалии муҳоҷират дурнамои рушди ҳамкориро баррасӣ намуданд
Низоми бераводид байни Ҷумҳурии Тоҷикистон ва Ҷумҳурии Исломии Эрон мавриди амал қарор мегирад
Ҳамкории Тоҷикистон ва Шоҳигарии Таиланд баррасӣ гардид
Тавсеаи равобит байни Тоҷикистон ва Туркия баррасӣ шуд
Сафири Тоҷикистон ба Амири Давлати Қатар эътимоднома супорид
