Дабири Шӯрои амнияти миллии Эрон пешниҳоди Президенти Тоҷикистонро ягона роҳи наҷоти Афғонистон хонд

Ноябрь 11, 2021 12:58

ДУШАНБЕ, 11.11.2021 /АМИТ «Ховар»/. Алӣ Шамхонӣ, Дабири Шӯрои олии амнияти миллии Эрон дар нишасти амниятии Ҳинд таъкид кард, ки ягона роҳи наҷоти Афғонистон ташкили ҳукумати фарогир бо ширкати ҳама қавму миллатҳои ин кишвар аст, хабар дод дирӯз радиои «Овози тоҷик» бо истинод ба гузориши хабаргузории «Шафақна»-и Афғонистон.  

Хотиррасон мешаваем, ки ин нишаст 10 ноябр дар Деҳлии Нав бо ширкати ҳафт кишвари минтақа баргузор шуд.

Дабири Шӯрои амнияти миллии Эрон бо ишора ба авзоъ дар Афғонистон гуфт:  «Дар муддати 20 соли охир терроризм,  фақру бадбахтӣ, кишту қочоқи  маводи мухаддир  ва муҳоҷирати мардум дар ин кишвар афзоиш ёфтааст».

«Ҳамаи мо медонем, ки Афғонистон як кишвари этникӣ ва дорои мазҳабҳои гуногун аст ва танҳо дар партави иштироки ҳама қавмҳо, динҳо, гурӯҳҳо ва ҷараёнҳои сиёсӣ метавон умед дошт, ки ин кишвар аз бӯҳрон берун ояд, аммо  нодида гирифтани яке аз инҳо, маънои ворид шудани Афғонистон ба ояндаи норушан ва бесубот мебошад», — гуфт ӯ.

Шамхонӣ дар идома таъкид кард: «Ягона роҳи наҷоти Афғонистон ташкили ҳукумати фарогир бо ширкати ҳама қавмҳо ва мазҳабҳост».

Ӯ ба ширкаткунандагони нишасти амниятии Ҳинд гуфт: «Мо ҳоло дар Афғонистон бо таҳдиде рӯбарӯ ҳастем, ки метавонад як ҷузъи нақшаи истилогарон барои минтақа бошад ва ҳадафҳои онҳоро пеш барад».

Ба гуфтаи Шамхонӣ, ин таҳдид аз «ҳузур, афзоиш ва тавсеъаи гурӯҳҳои террористии ДИИШ* ва такфирӣ аз як сӯ ва хатари ҷанги мазҳабӣ дар Афғонистон аз сӯи дигар» маншаъ мегирад. «Ин барои ҳамаи мо дар минтақа, чӣ ҳамсояҳо ва чи ғайриҳамсояҳо, мушкил хоҳад буд», — афзуд ӯ.

Мавриди зикр аст, ки Президенти Ҷумҳурии Тоҷикстон муҳтарам Эмомалӣ Раҳмон аз рўзҳои нахусти мавзеъгирӣ дар қазияи Афғонистон ягона роҳи бурунрафт аз вазъияти буҳронии имрўзаи Афғонистонро ба ташкили ҳукумати фарогир рабт дода буданд.

                                                      АКС аз манбаъҳои боз

Ноябрь 11, 2021 12:58

Хабарҳои дигари ин бахш

АҚЛИ РАСО ВА ДИДАИ БИНО. Омилҳое, ки барои дарки мазмуну моҳияти Паёми Пешвои миллат ба мақоми олии намояндагӣ ва қонунгузории мамлакат заруранд
СОЛИ 2022 МОРО ЧӢ ИНТИЗОР АСТ? Гузориши хабарнигорони АМИТ «Ховар» дар бораи дигаргуниҳо дар ҳаёти мардуми Тоҷикистон
Соҳибкор Маҳмудҷон Муродов дар арафаи Соли нави мелодӣ ба сарбозону афсарон ва оилаҳои ниёзманд кумаки моддӣ расонид
ДАР ТОҶИКИСТОН СУРЪАТИ ЭМГУЗАРОНӢ АЗ КОВИД-19-РО АФЗОИШ МЕДИҲАНД. Вале иҷрои нақша дар баъзе шаҳру ноҳияҳои мамлакат дар сатҳи паст қарор дорад
Рустам Ҳайдаров: Паёми Президенти Тоҷикистон дар шароити мураккаби геополитикӣ ва геоиқтисодии ҷаҳони имрӯза ҳуҷҷати роҳнамост
Зубайдулло Давлатов, коршиноси масоили сиёсӣ: Паёми навбатии Пешвои миллат фарогири як пешниҳод, як нақшаи чорабиниҳо, як барнома, ду стратегия, ду консепсия ва даҳ супориш аст
Ба Тоҷикистон боз 2 миллиону 962 ҳазору 800 воя ваксинаи «КоронаВак» ворид гардид
ДАР ҲОШИЯИ ПАЁМИ ПРЕЗИДЕНТ. Ҳукумати ҷумҳурӣ дар якҷоягӣ бо БРСММ оид ба рушди малакаи касбии ҷавонон ва пешбурди инноватсия дар Тоҷикистон лоиҳаи нав оғоз менамояд
Имшаб ба Тоҷикистон 2 миллиону 900 ҳазор воя ваксинаи «КоронаВак» ворид мегардад
Шумораи гирифторони COVID-19 дар ҷаҳон аз 276 миллион нафар гузашт
«ДИПЛОМ МЕДИҲЕМ, ВАЛЕ КАЛЛАҲО ХОЛӢ…». Пешвои миллат Эмомалӣ Раҳмон таъкид намуданд, ки бояд аз шакли кӯҳнаи таҳсил даст кашид ва таълимро ба талаботи замони муосир мутобиқ гардонид
Президенти мамлакат Эмомалӣ Раҳмон: «Ягона роҳи муассири эмин мондан аз бемории КОВИД-19 эмгузаронӣ мебошад»