ИҚТИСОД, МАОРИФ, ҶАВОНОН. Муовини Раиси Ҳукумати Федератсияи Русия Алексей Оверчук дар Тоҷикистон қарор дорад
ДУШАНБЕ, 30.11.2021 /АМИТ «Ховар» /. Иқтисод, маориф, ҷавонон — ҳамкории Тоҷикистон ва Русия дар ин бахшҳо мавзӯи асосии конфронси 8-уми ҳамкории байниминтақавии ду кишвар хоҳад буд, ки имрӯз дар маркази маъмурии вилояти Хатлон — шаҳри Бохтар бо иштироки ҳамраисони Комиссияи байниҳукуматии ҳамкории Тоҷикистон ва Русия — муовини Сарвазири Ҷумҳурии Тоҷикистон Усмоналӣ Усмонзода ва муовини Раиси Ҳукумати Федератсияи Русия Алексей Оверчук баргузор мегардад.
Дар доираи конфронс баргузории мизҳои мудаввар дар мавзӯъҳои «Рушди ҳамкории Тоҷикистону Русия дар соҳаҳои кишоварзӣ, саноат, логистика ва иқтисоди рақамӣ», «Минтақаҳои Тоҷикистону Русия: ҷавонон ва ҷанбаҳои таълимии ҳамкорӣ» ва «Рушди ҳамкории байниминтақавии Тоҷикистон ва Русия: масъалаҳои шаҳрдорӣ» дар назар аст.
Сипас ҷаласаи умумӣ баргузор мешавад, ки дар он муовини Сарвазири Ҷумҳурии Тоҷикистон Усмоналӣ Усмонзода, муовини Раиси Ҳукумати Федератсияи Русия Алексей Оверчук, инчунин раҳбарони вазорату идораҳои дахлдори Тоҷикистону Русия иштирок ва суханронӣ мекунанд.
Имрӯз маълум шуд, ки Ҳукумати Русия барои бунёди 5 мактаби русӣ дар Тоҷикистон ҳудуди 150 миллион доллар ҷудо кардааст. Дар ин бора Алексей Оверчук зимни боздид аз сохтмони муассисаи таълимӣ дар Душанбе изҳор дошт.
Ба гуфтаи ӯ, дар назар аст, ки дар мактабҳои нав омӯзгорони рус дарс диҳанд ва барномаи таълимӣ махсус барои Тоҷикистон мутобиқ карда шавад.
Тибқи нақша, мактабҳо бояд то моҳи сентябри соли 2022 ба истифода дода шаванд.
Тавре АМИТ «Ховар» қаблан хабар дода буд, моҳи апрели соли 2019 баъд аз музокироти сарони ҳарду давлат Эмомалӣ Раҳмон ва Владимир Путин дар Москва созишнома дар бораи бунёди 5 мактаби русӣ дар панҷ шаҳри ҷумҳурӣ – Душанбе, Хуҷанд, Бохтар, Кӯлоб ва Турсунзода бо таълим ба забони русӣ аз ҷониби Русия ба имзо расида буд. Ҳар мактаб барои таълими 1200 нафар хонандагон пешбинӣ шудааст.
АКС: Спутник








Ҷаласаи 45-уми пленарии Гурӯҳи Авруосиё ба таъмини амнияти иқтисодию молиявӣ мусоидат менамояд
Ҳайати Тоҷикистон дар чорабинии сатҳи баланди вазирони Осиёи Марказӣ оид ба тағйирёбии иқлим иштирок намуд
Дар Фурудгоҳи байналмилалии Душанбе беш аз 3,5 кило маснуоти тиллоӣ мусодира карда шуд
Фонди иқлими сабз барои рушди соҳаи тандурустии Тоҷикистон 2 миллион доллар ҷудо менамояд
Лоиҳаи «Барномаи нави саноатикунонии босуръати Тоҷикистон барои солҳои 2026-2030» таҳия гардидааст
Масъалаҳои баргузории Форуми B5+1 дар Душанбе баррасӣ шуданд
Тоҷикистон ба Конвенсияи СММ оид ба мубориза бо биёбоншавӣ пешниҳод намуд, ки соли 2027 миссияи техникӣ ташкил карда шавад
Бо сабаби фаъолият накардани корхонаи «Хишти Тоҷикобод» сокинон ин масолеҳи сохтмониро аз Душанбе ва Ваҳдат бо роҳкирои гарон ворид менамоянд
Дар Минтақаи озоди иқтисодии «Ишкошим» ба маблағи беш аз 1 миллион сомонӣ кору хизматрасонӣ анҷом дода шуд
Дар доираи ҷаласаи 45-уми пленарии ГАО ҳамоиш баргузор гардид
Тоҷикистон барои мубориза бо тағйирёбии иқлим ва ҳифзи пиряхҳо иқдомҳои мушаххасро тақвият мебахшад
Душанбе мизбони конференсияи миллӣ ва Намоишгоҳи технологияҳои рақамӣ дар соҳаи кишоварзӣ мегардад






