КОБУЛ ЯКЕ АЗ ХАВФНОКТАРИН НУҚТАҲОИ САЙЁРА ГАРДИД. Дар ин бора имрӯз сиёсатшинос, сардори Маркази омӯзиши сиёсати Афғонистон Андрей Серенко изҳори назар намуд
ДУШАНБЕ, 19.11.2021 /АМИТ «Ховар»/. Директори маркази таҳлилии ҷамъияти сиёсатшиносони Русия, роҳбари Маркази омӯзишии сиёсати Афғонистон Андрей Серенко зикр намуд, ки имрӯз Кобул ба яке аз нуқтаҳои хатарноки ҷаҳон табдил ёфтааст, иттилоъ медиҳад радиои «Sputnik».
Ба андешаи ӯ, имрӯз имконияти беҳбудбахшии вазъи Афғонистон хеле кам аст.
«Кобули имрӯза-яке аз шаҳрҳои хатарноки дунёст, дар мадди аввал ҳатто на танҳо ба сабаби ҳузури толибон*, балки аз боиси ҷинояткорони муқаррарияш»,-зикр намуд Серенко.
Ба гуфтаи ӯ, имрӯз толибон* қудатманди он нестанд, ки амнияти кишвар, аз ҷумла амнияти пойтахти Афғонистонро таъмин намоянд. Ҳарчанд ки онҳо пайваста хабар медиҳанд, ки баъди баромадани неруҳои иттиҳоди ғарб дар кишвар сулҳу субот пойдор аст.
Серенко изҳор медорад, ки вазъият куллан ин гуна нест, зеро дар минтақа ҳаракатҳои террористӣ низ фаъол гардидаанд. Ҳамлаҳои охир дар Кобул нишон медиҳанд, ки толибон вазъиятро идора намекунанд.
«Масъулияти бештари ҳамлаҳоро ДОИШ* ба дӯш мегирад, аммо онро ҳам одамони ба ДОИШ* алоқаманд ва ҳам ташкилоти ҷиҳодию гурӯҳҳои толибоне, ки миёни ҳам меҷанганд, бо истифода аз номи гурӯҳ метавонанд амалӣ намоянд»,-афзуд коршинос.
Роҳбари Маркази омӯзишии сиёсати Афғонистон ҳамзамон иброз медорад, ки дар Кобул ҳолати ҷинояткории дохилӣ низ муташанниҷ гаштааст.
«Дар Афғонистон вазъи ҷинояткорӣ: одамрабоӣ, ғоратгарӣ, куштор хеле ташаннӯҷ ёфт, ин ҳолат дар сар то сари кишвар, аз ҷумла шаҳрҳои калон низ чашмрас аст»,-гуфт таҳлилгар.
Зимни ибрози андеша оид ба ояндаи кишвар Серенко зикр намуд, ки аз ин гуна вазъият наметавон ояндаи хубро чашмдор шуд, балки ҳолат рӯз ба рӯз бадтар мешавад.
«Толибон* имрӯзҳо имконияти пурқувват кардани идораи кишварро надоранд. Онҳо худ ба анҷом додани амалҳои террористӣ одат кардаанд ва таҷрибаи пешгирӣ кардани ин гуна амалҳоро надоранд»,- баён дошт Андрей Серенко.
_______________________________
*«Толибон», ДОИШ (Давлати исломӣ-ташкилоте, ки чун созмони террористӣ дар Тоҷикистон, Русия ва дигар кишварҳо мамнуъ эълон шудааст).
АКС: youtube.com
АМАЛИЁТИ «БАЧАҲО». Бо мақсади пешгирии ҳодисаҳои роҳу нақлиёт бо иштироки кӯдакону наврасон гузаронида мешавад
Сатҳи забондонии кормандони милитсияи Хатлон санҷида мешавад
Дар шаш моҳ дар Тоҷикистон 495 ҳолати машғул шудан ба ҷодугарӣ ва фолбинӣ ошкор карда шуд
«МАДАНИЯТИ ШАҲРДОРӢ». Дар Хатлон бо мақсади таҳким бахшидани ҳамкорӣ бо аҳолӣ амалиёт гузаронида шуд
Дар Душанбе татбиқи марҳилаи дуюми лоиҳаи «Шаҳри бехатар» баррасӣ гардид
Дар Хатлон масъалаҳои ҳифзи тартиботи ҷамъиятӣ баррасӣ карда шуданд
Дар Вазорати мудофиаи Тоҷикистон тарҳрезии либоси хизматчиёни ҳарбӣ дар шакли ягонаи миллӣ баррасӣ гардид
Сатҳи забондонии кормандони Вазорати корҳои дохилӣ санҷида мешавад
ДАСТОВАРДИ ДАВРОНИ СОҲИБИСТИҚЛОЛӢ. Ба таъсиси Кумитаи ҳолатҳои фавқулода ва мудофиаи граждании Тоҷикистон 31 сол пур шуд
Ҳамкорӣ дар самти пешгирии ҷинояткорӣ байни милитсияи Душанбе ва Тошканд тақвият меёбад
Дар Хоруғ машқи омодабошии мудофиаи ҳудудӣ ва захираҳои сафарбарӣ баргузор шуд
Дар роҳҳои Душанбе санҷишҳо гузаронида мешаванд
