«Конститутсия — сарчашмаи таъмини адолат». Таҳти чунин унвон дар Душанбе ҳамоиши илмӣ-назариявӣ доир гардид
ДУШАНБЕ, 05.11.2021 /АМИТ «Ховар»/. Конститутсияи Ҷумҳурии Тоҷикистон роҳнамоест барои имрӯзу фардои давлату миллат. Чун бахтномаи сарнавиштсоз моро ҳифз мекунад ва мебарад сӯйи ояндаи неку дурахшони Тоҷикистони соҳибистиқлол. Бо эътимод метавон изҳор намуд, ки 27 — солагии Конститутсияи Ҷумҳурии Тоҷикистон ҳамчун ҷашни мубораки миллӣ ба густариши бештари худогоҳиву худшиносӣ, ваҳдати миллӣ, ҳисси ватандӯстиву ватанпарастӣ ва ифтихори ватандории ҳар фарди бонангу номуси Тоҷикистони соҳибистиқлол неруи тоза мебахшад. Ин нукта имрӯз зимни баргузории ҳамоиши илмӣ-назариявӣ таҳти унвони «Конститутсия- сарчашмаи таъмини адолат» бо иштироки роҳбарият ва кормандони Муассисаи нашриявии «Ирфон» баён шуд, иттилоъ дод ба АМИТ «Ховар» корманди муассисаи мазкур Дилрабо Ибодова.
Директори муассиса Қурбон Ғуломзода иброз намуд, ки дар тӯли 27 соли амали Конститутсия Тоҷикистон аз ҷониби ҷомеаи ҷаҳонӣ ҳамчун давлати соҳибихтиёр, демократӣ, ҳуқуқбунёд ва дунявӣ эътироф шуда, соҳиби рамзҳои давлатӣ гардид. Конститутсия- ин рамзи озодӣ ва мустақилияти давлатамон аст, инчунин дар Қонуни асосии давлат ҳуқуқи ҳар кас ба меҳнат, музди кор, истироҳат, таҳсил, истифодаи арзишҳои фарҳангӣ, ҳифзи ёдгориҳои таърихиву фарҳангӣ зикр гардидааст.
Дар ҷараёни ҳамоиш аз ҷониби иштирокдорон маърӯзаҳо ироа гардида, зикр шуд, ки Конститутсия ҳамчун падидаи ҳуқуқӣ дар он ифода меёбад, ки дорои қувваи баланди ҳуқуқӣ мебошад. Меъёрҳои Конститутсия мустақиман амал карда, ҳуқуқу озодиҳои инсон ва шаҳрвандро кафолат медиҳанд ва дигар унсурҳои давлатро ба танзим медароранд.
АКС аз Муассисаи нашриявии «Ирфон»
Шоири халқии Тоҷикистон Камол Насрулло: «Ҳақиқат ин аст, ки Пешвои миллат ваҳдатро бунёд гузошту таҳким доду қавӣ сохт»
Дар Осорхонаи миллӣ гӯшаи доимоамалкунандаи «Ваҳдати миллӣ» ташкил гардидааст
Тамоми комёбиҳои миллат ва саодати рӯзгори мардум аз иттиҳоди миллӣ ибтидо мегирад
«ЭМОМАЛӢ РАҲМОН – МЕЪМОРИ СУЛҲУ ВАҲДАТ». Дар Вазорати фарҳанг ҳамоиши илмӣ доир гардид
Таҳти унвони «Қисса ва ҳикояҳо» китоби Абдурофеъ Рабизода нашр гардид
«ДАР МЕҲМОНИИ ДУШАНБЕ». Фестивали байналмилалии эҷодиёти бадеии кӯдакон ва наврасони ИДМ оғоз гардид
Дар Агентии ҳифзи мероси таърихию фарҳангӣ таҳти унвони «Ваҳдати миллат — бақои миллат!» ҳамоиш баргузор шуд
Дар ёдгории Ҳалқаҷари ноҳияи Хуросон бозёфти нодири таърихӣ — «обкӯзаи хонуми Сагкин» кашф гардид
«Душанбе — нусхае аз биҳишт». Таҳти ин унвон дар васфи пойтахти Тоҷикистон китоб ба нашр расид
Донишҷӯдухтарони Донишгоҳи давлатии Кӯлоб ба меҳмонони хориҷӣ либосҳои миллиро намоиш доданд
Дар Институти биологии Помир озмоишгоҳи биотехнологӣ ба истифода дода шуд
Байни нашрияи «Народная газета» ва Медиакорпоратсияи Чин Ёддошти ҳамкорӣ ба имзо расид
