Ғолибони Мусобиқаи ҷумҳуриявӣ оид ба вазнбардорӣ миёни варзишгарони маъюб муайян шуданд

Ноябрь 2, 2021 16:00

ДУШАНБЕ, 02.11.2021 /АМИТ «Ховар»/. Бахшида ба 30-солагии Истиқлолияти давлатии Ҷумҳурии Тоҷикистон дар шаҳри Кӯлоб Мусобиқаи ҷумҳуриявӣ оид ба вазнбардорӣ миёни варзишгарони имконияташон маҳдуд бо иштироки 5 даста аз шаҳру ноҳияҳои ҷумҳурӣ ҷараён гирифт, ки шумораи зиёди варзишгаронро   ба ҳам овард, хабар дод корманди Кумитаи кор бо ҷавонон ва варзиши назди Ҳукумати Ҷумҳурии Тоҷикистон Ҳалимҷон Набизода  ба шореҳи варзиши  АМИТ «Ховар» Меҳрони Қурбон. 

Мусобиқаи вазнбардорӣ дар баробари мардон миёни бонувон низ ҷолиб ҷараён гирифт ва баъди ба даст овардани ғолибият беҳтарин варзишгарон ба давраҳои ниҳоӣ роҳ ёфтанд. Тавре масъулини Федератсияи варзишгарони маъюби Ҷумҳурии Тоҷикистон иттилоъ доданд, шароити баргузории мусобиқа барои чунин афрод дар шаҳри Кӯлоб ба таври зарурӣ ба роҳ монда шуда, онҳо маротибаи чорум аст, ки маҳз дар ин макон мусобиқаҳои ҷумҳуриявӣ баргузор менамоянд. Масъулини бахши кор бо ҷавонон ва варзиши минтақаи Кӯлоб низ ҷиҳати дар сатҳи зарурӣ ба роҳ мондани ин ҳамоиш аз имконияти мавҷуда самаранок истифода карда, дар якҷоягӣ бо ситоди доварон беҳтарин варзишгаронро муайян намуданд.

Аз ҷониби масъулин  таъкид гардид, ки мақсад аз баргузории ин мусобиқа вусъат додани таваҷҷуҳ ва ташаккули муносибати мусбат ва ҳисси эҳтиром нисбат ба шахсони дорои имконияти маҳдуд, ҷалби чунин ашхос ба намудҳои гуногуни варзиш вобаста ба имконият, рушди қобилияти шахсӣ ва таҳкими зиндагии шахсони дорои маъюбият унвон карда шуд.

Мавриди зикр аст, ки  намудҳои варзиши вазнбардорӣ миёни варзишгарони имконияташон маҳдуд дар Тоҷикистон ривоҷ ёфта истода, таваҷҷуҳу ғамхорӣ ба ин қишри ҷомеа аз ҷониби масъулони соҳа метавонад ба рушду нумуъ ва дар сатҳи ҷаҳонӣ муаррифӣ намудани варзишгарони  мо мусоидати созгор намояд.

Ёдрас мешавем, ки мусобиқаи мазкур давоми ду рӯз идома карда, дар ҷамъбаст ғолибон ва беҳтарин варзишгарон аз ҷониби масъулини  Кумитаи кор бо ҷавонон ва варзиши мамлакат  бо нишону ифтихорнома қадршиносӣ карда шуданд.

                                                                                                   АКС: КМО Тоҷикистон

Ноябрь 2, 2021 16:00

Хабарҳои дигари ин бахш

Таҳкими ҳамкорӣ байни Тоҷикистон ва вилояти Форси Эрон дар бахши ҷавонон ва варзиш баррасӣ гардид
Дар Ҳисор мусобиқаи «CAFA Nations Сup 2025» дар гурӯҳи «В» оғоз мешавад
Ҳайати Кумитаи кор бо ҷавонон ва варзиши Тоҷикистон бо Академияи Кумитаи миллии олимпии Эрон шинос шуд
Барномаи иҷроии ҳамкорӣ байни Тоҷикистон ва Эрон дар соҳаи варзиш ва ҷавонон ба имзо расид
Бо иштироки ҷавонони Тоҷикистон ва Эрон ҳамоиш доир гардид
Дар Теҳрон густариши ҳамкории Тоҷикистон ва Эрон дар самти ҷавонон ва варзиш баррасӣ гардид
Ғолиби «Ҷоми Раиси ВМКБ» аз намуди волейбол муайян карда шуд
«Tojiktelecom» сарпарасти расмии мусобиқаи бонуфузи байналмилалии Осиёи Марказӣ ва Ҷанубӣ — CAFA Nations Cup 2025 гардид
ФУТБОЛ. Бозии ниҳоии Ҷоми Тоҷикистон-2025 байни «Регар-ТадАЗ» ва «Эсхата» дар Хуҷанд доир мегардад
Дар Тоҷикистон лоиҳаи «Football For Schools»-и ФИФА амалӣ карда мешавад
ҶОМИ ТОҶИКИСТОН. Дастаҳои футболи «Регар-ТадАЗ» ва «Эсхата» ба финали ин мусобиқа роҳ ёфтанд
Дар вохӯрии дастаҳои Тоҷикистон ва Ҳиндустон автомобили BYD ба бозӣ гузошта мешавад