ТАВАҶҶУҲ! Сармутахассиси ИМА оид ба бемориҳои сироятӣ реваксинатсияро боэътимодтарин муҳофизат аз «омикрон» медонад. Қаблан зарурати реваксинатсияро профессори тоҷик низ таъкид карда буд

Ноябрь 29, 2021 13:40

ДУШАНБЕ, 29.11.2021 /АМИТ «Ховар»/. Сармутахассиси бемориҳои сироятии ИМА Энтони Фаучи ба президент Ҷо Байден гуфт, ки реваксинатсия боэътимодтарин муҳофизатро аз штамми наву хавфноки  коронавирус омикрон таъмин хоҳад кард. Ба ақидаи ӯ, барои дарёфти маълумоти дақиқ дар бораи сироят, вазнинӣ ва дигар хусусияти намуди нави COVID-19 тақрибан ду ҳафта зарур аст, хабар медиҳад АМИТ “Ховар” бо истинод ба рӯзномаи «Коммерсантъ».

«Ӯ (Фаучи. — АМИТ Ховар) боварӣ дорад, ки ваксинаҳои мавҷуда эҳтимол то андозае аз ҳолатҳои вазнини COVID муҳофизат мекунанд. Фаучи инчунин тасдиқ кард, ки эмкунии бустерии (ваксинатсияи такрорӣ ё реваксинатсия) одамони пурра ваксинашуда муҳофизати боэътимодро аз COVID таъмин мекунад»- гуфта мешавад дар изҳороти Қасри сафед пас аз мулоқоти президент бо гурӯҳи ҳукуматӣ оид ба мубориза бар зидди коронавирус.

Коршиносони Қасри сафед ба ҳама калонсолони ваксинашуда тавсия доданд, ки “ҳарчӣ зудтар як маротибаи дигар эм карда шаванд”.

Онҳое, ки то ҳол ваксина нагирифтаанд, «бояд ​​фавран эм карда шаванд». Дар Иёлоти Муттаҳидаи Амрико онҳое, ки шаш моҳ пештар аз Pfizer ва Moderna ва бештар аз як ё ду моҳ пеш аз Johnson & Johnson ваксина гирифтаанд,  метавонанд  дубора ваксина  гиранд.

Ҷо Байден имрӯз, 29 ноябр, дар бораи вазъ бо штамми омикрон ва чораҳои мубориза бо паҳншавии коронавирус изҳори назар мекунад. Дар Иёлоти Муттаҳида то ҳол аз намуди нави COVID-19 ягон сироят ба қайд гирифта нашудааст.

СҶТ ба штамми омикрон мақоми “омили боиси нигаронӣ”-ро додааст. Коршиносон бар онанд, ки вай нисбат ба дигар бемориҳо сирояткунандатар аст.  Ин вирус  бори аввал дар Африқои Ҷанубӣ  пайдо шудааст. Ҳоло вирус дар Аврупо паҳн мешавад ва дар Канада ҳолатҳои сироятёбӣ ба қайд гирифта шудаанд.

Дар Тоҷикистон ва дигар кимшварҳои узви ИДМ вируси мазкур ба қайд гирифта нашудааст.

Ёдовар мешавем, ки қаблан профессори кафедраи микробиология, иммунология ва вирусологияи Донишгоҳи давлатии тиббии Тоҷикистон ба номи Абӯалӣ ибни Сино Саидбек Сатторов ба АМИТ «Ховар» гуфта буд, ки шаҳрвандони мамлакат бояд ҳар шаш моҳ як маротиба аз эмгузаронии такрорӣ гузаранд. Ба гуфтаи ӯ, дар афроде, ки ба ин беморӣ мубтало шудаанд, ба таври табиӣ масунияти баланд пайдо мешавад. Ва ин масуният қобилияти то 6 моҳ муҳофизат кардан дорад. Аз ин рӯ, пас аз 6 моҳи беморӣ ба ин шахс бояд ваксинаи нав гузаронида шавад.

Профессор Сатторов чунин мешуморад, ки ба далели вазъи муташанниҷи густариши ин вирус дар кишварҳои хориҷӣ ва мизони баланди бемории COVID-19 эҳтимоли аз хориҷа ба Тоҷикистон гузаштани ин беморӣ вуҷуд дорад. «Аз ин лиҳоз, мақсаднок мебуд, агар аҳолии мо «вояи бустер» мегирифт, яъне то ба охир расидани пандемия ҳар шаш моҳ такроран эм карда мешуданд», — гуфт ӯ.

                                                                               АКС: Reuters

Ноябрь 29, 2021 13:40

Хабарҳои дигари ин бахш

ДАР ТОҶИКИСТОН СУРЪАТИ ЭМГУЗАРОНӢ АЗ КОВИД-19-РО АФЗОИШ МЕДИҲАНД. Вале иҷрои нақша дар баъзе шаҳру ноҳияҳои мамлакат дар сатҳи паст қарор дорад
Роҳбари СҶТ Гебрейесус: Соли 2022 бояд анҷоми пандемияи COVID-19 гардад
Рустам Ҳайдаров: Паёми Президенти Тоҷикистон дар шароити мураккаби геополитикӣ ва геоиқтисодии ҷаҳони имрӯза ҳуҷҷати роҳнамост
Зубайдулло Давлатов, коршиноси масоили сиёсӣ: Паёми навбатии Пешвои миллат фарогири як пешниҳод, як нақшаи чорабиниҳо, як барнома, ду стратегия, ду консепсия ва даҳ супориш аст
Ба Тоҷикистон боз 2 миллиону 962 ҳазору 800 воя ваксинаи «КоронаВак» ворид гардид
ДАР ҲОШИЯИ ПАЁМИ ПРЕЗИДЕНТ. Ҳукумати ҷумҳурӣ дар якҷоягӣ бо БРСММ оид ба рушди малакаи касбии ҷавонон ва пешбурди инноватсия дар Тоҷикистон лоиҳаи нав оғоз менамояд
Имшаб ба Тоҷикистон 2 миллиону 900 ҳазор воя ваксинаи «КоронаВак» ворид мегардад
Шумораи гирифторони COVID-19 дар ҷаҳон аз 276 миллион нафар гузашт
«ДИПЛОМ МЕДИҲЕМ, ВАЛЕ КАЛЛАҲО ХОЛӢ…». Пешвои миллат Эмомалӣ Раҳмон таъкид намуданд, ки бояд аз шакли кӯҳнаи таҳсил даст кашид ва таълимро ба талаботи замони муосир мутобиқ гардонид
Президенти мамлакат Эмомалӣ Раҳмон: «Ягона роҳи муассири эмин мондан аз бемории КОВИД-19 эмгузаронӣ мебошад»
СҶТ истисно намекунад, ки штамми «омикрон» барои мағлуб кардани пандемия кумак хоҳад кард
ИМРӮЗ – РӮЗИ ЭНЕРГЕТИКҲО. Тоҷикистон аз рӯи фоизи истеҳсоли «энергияи сабз» кишвари шашуми пешсафи сайёра мебошад