Ваколатдор оид ба ҳуқуқи инсон: Заҳролудшавии маҳкумшудагон дар муассисаи ислоҳӣ асоси воқеӣ надорад
ДУШАНБЕ, 03.11.2021 /АМИТ «Ховар»/. Бо супориши Ваколатдор оид ба ҳуқуқи инсон дар Ҷумҳурии Тоҷикистон Умед Бобозода 2 ноябр аз ҷониби кормандони Ваколатдор оид ба ҳуқуқи инсон вобаста ба маводи нашршуда дар ВАО дар хусуси заҳролудшавии маҳкумшудагон аз оби ошомиданӣ дар Муассисаи ислоҳии ЯС3/1-и Сарраёсати иҷрои ҷазои ҷиноятӣ (СРИҶҶ)-и Вазорати адлияи Ҷумҳурии Тоҷикистон санҷиш гузаронида шуд.
Тавре аз хадамоти матбуоти Ваколатдор оид ба ҳуқуқи инсон дар Ҷумҳурии Тоҷикистон ба мухбири АМИТ «Ховар» хабар доданд, сараввал вобаста ба маводи нашршуда бо сардори Муассисаи ислоҳии ЯС3/1 — и СРИҶҶ Вазорати адлияи Ҷумҳурии Тоҷикистон Бахтиёр Турсунов суҳбат гузаронида шуд. Зимни суҳбат ӯ иброз намудааст, ки ин хабар асоси воқеӣ надорад. Инчунин ӯ ба кормандони мақомоти Ваколатдор маълумотномаи Муассисаи давлатии “Маркази экспертизаи санитарию эпидемиологӣ ва назорат дар нақлиёту сарҳадот”-и Вазорати тандурустӣ ва ҳифзи иҷтимоии аҳолии Ҷумҳурии Тоҷикистонро аз 20 августи соли 2021 пешниҳод намудааст, ки дар он чунин омадааст: «Намунаи оби озмоишшуда аз рӯи натиҷаи нишондодҳои физикию кимиёвӣ ва органолептикӣ ба талаботи ҚМС 2.1.4.004-07 ҷавобгӯ мебошад».
Баъдан, бо маҳкумшудагон вобаста ба маводи нашршуда суҳбат гузаронида, маълум шудааст, ки дар қисми тиббӣ ҳамагӣ 15 нафар бемор табобат гирифта истодаанд. Дар ҷараёни суҳбат маҳкумшудагон Сайфуллозода Ҳ., Мезанков В., Сангов Б., Тағоймуродов Ф., Абдуллоев Р., Ғаниев Ғ. ва Аёмбеков О. иброз намудаанд, ки оби нӯшокии муассиса хуб мебошад, аммо дар хусуси заҳролудшавӣ якумин маротиба воқиф шудаанд.
Ҳамчунин натиҷаи суҳбат бо маҳкумшудагон Шокиров Ҳ. ва Очилдиев А., ки ба сифати табиб дар муассисаи мазкур фаъолият менамоянд, нишон дод, ки ин хабарҳо асоси воқеӣ надоранд ва ягон нафари аз об заҳролудшуда дар қисми тиббӣ бистарӣ нашудааст. Инчунин онҳо иброз намуданд, ки миёни маҳкумшудагон нафароне ҳастанд, ки ҳар гуна овозаҳои иғвоангез паҳн менамоянд.
Хотиррасон менамоем, ки намояндагони ҷомеаи шаҳрвандӣ аз Омбудсмени тоҷик хоҳиш намуданд, ки ба қазияи 40 нафар зиндониёни заҳролудшуда дар Муассисаи ислоҳии ЯС3/1-и СРИҶҶ Вазорати адлияи Ҷумҳурии Тоҷикистон расидагӣ кунад.
АКС: Ваколатдор оид ба ҳуқуқи инсон дар ҶТ
Дар доираи дуюмин Фестивали ҷаҳонии ҷавонон барномаи фарҳангии «Шоми дӯстӣ» баргузор гардид
Дар Тоҷикистон Фестивали дуюми ҷаҳонии «Наврӯзи ҷавонон» ва Форуми ҷавонони давлатҳои аъзои СҲШ идома дорад
Сокинони ноҳияи Мастчоҳ ҷашни Наврӯзро бо тантана истиқбол гирифтанд
23 МАРТ — РӮЗИ ҶАҲОНИИ ОБУҲАВОШИНОСӢ. Ҳавошиносони Тоҷикистон барои пешгӯии боду ҳаво аз моделҳои пешрафта истифода мебаранд
Эмомалӣ Раҳмон: «Сиву панҷ сол барои таърих лаҳзаест, вале барои миллати тоҷик давраи сарнавиштсоз ба ҳисоб меравад»
Дар роҳи Душанбе – Чаноқ бинобар корҳои профилактикӣ пардохти ғайринақдӣ муваққатан қатъ мешавад
Фестивали дуюми ҷаҳонии «Наврӯзи ҷавонон» ва Форуми ҷавонони давлатҳои аъзои СҲШ оғоз мегардад
ИМРӮЗ ДАР ТОҶИКИСТОН НАВРӮЗ ФАРО МЕРАСАД! Он оғози баҳор, рамзи тавозун ва низоми дақиқи коинот ба шумор меравад
Фестивали дуюми ҷаҳонии «Наврӯзи ҷавонон» ва Форуми ҷавонони давлатҳои аъзои СҲШ доир мешавад
АНДАР ШИНОХТИ НАВРӮЗ. Мулоҳизаҳои академик Фарҳод Раҳимӣ дар бораи аҳамияти ин ҷашни бостонӣ
Эмомалӣ Раҳмон: «Соҳиби илму маърифат будан яке аз фазилатҳои бузурги инсонӣ аст»
Эмомалӣ Раҳмон: «Риояи сарфаю сариштакорӣ одоби баргузории ҳар гуна иду маросим мебошад»
