Президенти Тоҷикистон Эмомалӣ Раҳмон таъсиси ҳукумати фарогири манфиатҳо ва намояндагони ҳамаи қавму миллатҳоро дар Афғонистон бори дигар таъкид намуданд

Декабрь 21, 2021 14:00

ДУШАНБЕ, 21.12.2021. /АМИТ «Ховар»/. «Мо чунин мешуморем, ки сарҷамъ сохтани тамоми мардум ва таъсис додани ҳукумати фарогири манфиатҳо ва намояндагони ҳамаи қавму миллатҳо ва неруҳои сиёсӣ ягона роҳи расидан ба суботу оромӣ дар Афғонистон мебошад». Ин нуктаро имрӯз Президенти Ҷумҳурии Тоҷикистон муҳтарам Эмомалӣ Раҳмон дар Паёми худ ба Маҷлиси Олии мамлакат изҳор доштанд.

Сарвари давлати Тоҷикистон гуфтанд, ки мо ҳамеша ҷонибдори он ҳастем, ки дар кишварҳои ҳамсояи мо сулҳу оромӣ ва суботи сиёсӣ ҳукмфармо  бошад ва тавонем, ки бо онҳо дар фазои ҳамсоягии нек ва ҳамкории созанда зиндагӣ кунем. Маҳз бо ҳамин сабаб Тоҷикистон ҳамчун ҳамсояи наздиктарини Афғонистон ба тақдири мардуми азияткашидаи ин кишвар бетафовут буда наметавонад.

«Такроран хотирнишон месозам, ки мардуми Афғонистон бо имконияту иқтидори бузурги сиёсӣ, тамаддунӣ, таърихӣ, фарҳангӣ ва иҷтимоие, ки доранд, бояд тақдири имрӯзу ояндаи худро ба даст гиранд. Яъне сохти давлатдорӣ ва тарзи идораи давлат бо майлу ирода ва раъйи худи мардуми ин кишвар муайян ва муқаррар карда шавад», — тазаккур доданд Пешвои миллат.

Тавре маълум аст, имрӯз Афғонистон, мутаассифона, пас аз қутратро гирифтани ҳаракати радикалии «Толибон» дар моҳи августи соли ҷорӣ, гирифтори буҳрони амиқи сиёсӣ ва гуманитарӣ мебошад, ки метавонад оқибатҳои ҷиддии дарозмуддат ба бор оварад.

Мавриди зикр аст, ки Президенти Ҷумҳурии Тоҷикстон муҳтарам Эмомалӣ Раҳмон аз рўзҳои нахусти мавзеъгирӣ дар қазияи Афғонистон ягона роҳи бурунрафт аз вазъияти буҳронии имрўзаи Афғонистонро ба ташкили ҳукумати фарогир рабт дода буданд.

Миёни сарони давлатҳо бори аввал пешниҳод дар бораи зарурати таъсиси ҳукумати фарогир дар Афғонистон аз ҷониби Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон 25 августи соли равон дар мулоқот бо Вазири корҳои хориҷии Покистон Маҳмуд Қурейшӣ садо дод. Баъдан, Сарвари давлат дар ин бора борҳо дар ҷаласаҳои СҲШ ва СААД дар Душанбе ва ҳамчунин дар мулоқот бо роҳбарон ва сиёсатмадорони дигар кишварҳои ҷаҳон изҳори назар карданд. Чунин мавқеъгирии Сарвари давлати Тоҷикистон аз ҷониби роҳбарони аксари давлатҳо ва созмонҳои бонуфузи байналмилалӣ ҷонибдорӣ ёфт.

СММ аз «Толибон»*  интизор дорад, ки ҳукумати нави Афғонистон фарогир хоҳад буд. Дар ин бора 1 сентябр дар брифинг муовини намояндаи расмии Дабири кулли СММ Флоренсия Сото Нин изҳори назар намуд.

«Шӯрои Амният қаблан (дар изҳороте, ки 16 август интишор шуд. — Тавзеҳи АМИТ «Ховар») ва Дабири кули СММ (31 август дар мулоқот бо намояндагони доимии панҷ кишвари Шӯрои Амнияти СММ бахшида ба Афғонистон. —  Тавзеҳи АМИТ «Ховар») возеҳ иброз доштанд, ки мо интизори ҳукумати фарогир ҳастем», — гуфт ӯ.

Тавре қаблан АМИТ «Ховар» хабар дод, дабири кулли СММ Антониу Гутерриш зимни суханронӣ дар нишасти марбут ба Афғонистон дар Теҳрон 28 октябр изҳор дошт, ки мардуми Афғонистон ба ҳукумати фарогире ниёз дорад, ки ба қонунҳои байналмилалии башардӯстона, ҳуқуқҳои инсон ва озодиҳои бунёдӣ эҳтиром гузорад. “Ман аз нақзи ҳуқуқи башар, аз ҷумла ҳуқуқи занон, кӯдакон ва ақаллияти этникӣ, инчунин ҳамлаҳои даҳшатноки террористии замони охир ба мавзеъҳои динӣ, ки боиси марги одамон шудааст, сахт нигаронам».

АКС: Хадамоти матбуоти Президенти ҶТ/АМИТ «Ховар»

_____________________________________

* «Толибон» — созмони террористии дар Тоҷикистон мамнӯъ

Декабрь 21, 2021 14:00

Хабарҳои дигари ин бахш

Гӯштини тоҷикӣ мақоми байналмилалӣ гирифт
ЭҲЁИ ҶАШНИ САДА ДАР ТОҶИКИСТОНИ СОҲИБИСТИҚЛОЛ. Мулоҳизаҳои мушовири бахши Ёрдамчии Президенти Ҷумҳурии Тоҷикистон оид ба масъалаҳои рушди иҷтимоӣ ва робита бо ҷомеа Масрур Абдуллозода
ТАВОНО БУВАД, ҲАР КӢ ДОНО БУВАД (андешаҳо перомуни Паёми Президенти Ҷумҳурии Тоҷикистон ба Маҷлиси Олии Ҷумҳурии Тоҷикистон)
ОБШАВИИ ПИРЯХҲО-МУШКИЛИ ҶАҲОНӢ. Пешниҳодҳо ва саҳми дурахшони Президенти Тоҷикистон дар масъалаи пешгирии маҳви пиряхҳои сайёра назаррас аст
ПАЁМ НАВИДЕ ФАРАҲБАХШ. Бардоштҳои мушовири бахши Ёрдамчии Президенти Ҷумҳурии Тоҷикистон оид ба масъалаҳои рушди иҷтимоӣ ва робита бо ҷомеа Муҳиддин Пайшанбезода дар ин бора
SIM-КОРТҲОЯТОНРО ДАР ВАҚТАШ АЗ ҚАЙД ГУЗАРОНЕД! Хабарнигори АМИТ «Ховар» бори дигар ба таваҷҷуҳ мерасонад, ки барои ин кор кадом ҳуҷҷатҳо заруранд
ЭҲТИЁТ: САКТАИ ДИЛ АЗ САРДӢ! Табиби қалб ба АМИТ «Ховар» доир ба сабабҳои авҷ гирифтани бемориҳои дилу рагҳо дар фасли зимистон маълумот дод
БИШКЕК ДАР САДРИ РӮЙХАТИ 100 ШАҲРИ ДОРОИ ҲАВОИ ОЛУДА ҚАРОР ГИРИФТ. Миёни чанд шаҳри ИДМ, ки ба ин феҳрист шомил шудаанд, ягон шаҳри Тоҷикистон нест
АМАЛИ ХАЙР ВА ИБРАТОМӮЗ! Дар Мастчоҳ ба беш аз 200 нафар кормандони идораи роҳ ва хоҷагии манзилию коммуналӣ, ки дар паи рафъи пайомадҳои бориши барф буданд, хӯроки гарм дода шуд
Дар Тоҷикистон нархи гази моеъ тақрибан 50% поён рафт
БА БИНОҲО НАЗДИК НАШАВЕД! КҲФ ва МГ аз сокинон даъват ба амал овард, ки чораҳои бехатариро риоя намоянд
ПАЁМИ ФАРОГИР ВА ДУРНАМОИ РУШДИ КИШВАР БО ТАШАББУСҲОИ ҶАҲОНӢ. Мулоҳизаҳои Президенти Академияи миллии илмҳои Тоҷикистон дар ҳошияи Паёми Сарвари давлат

Маводҳои таҳлилӣ