Дар Агентии содирот оид ба муайян кардани ишораҳои ҷуғрофии маҳсулот ҷаласаи гурӯҳи корӣ доир шуд

Декабрь 10, 2021 15:01

ДУШАНБЕ, 10.12.2021 /АМИТ «Ховар»/. Оид ба муайян кардани ишораҳои ҷуғрофии маҳсулот 9 декабр дар Агентии содироти назди Ҳукумати Ҷумҳурии Тоҷикистон бо иштироки гурӯҳи кории Агентӣ, ки аз намояндагони вазорату идораҳои дахлдор, бахши хусусӣ ва шарикони рушд иборат аст, ҷаласа баргузор шуд, хабар доданд ба АМИТ «Ховар» аз Агентии содирот.

Дар ҷаласа Директори Агентии содирот Шавкат Бобозода иброз дошт, ки ҳадаф аз баргузории ҷаласаи гурӯҳи корӣ- ин мавриди омӯзиш ва баррасӣ қарор додани масъалаҳо оид ба муайян кардани ишораҳои ҷуғрофии маҳсулот, ҷорӣ кардани стандартҳои байналмилалӣ, васеъ намудани ҷуғрофияи содирот, гузариш аз бозори фурӯшанда ба бозори харидор ва рақобатпазир будан дар сатҳи минтақа ва ҷаҳон ба ҳисоб меравад. Бо мақсади тақвият бахшидани корҳо дар ин самт соли равон дар вилоятҳои Суғд, Хатлон, ВМКБ, минтақаи Рашт ва Ҳисор ҷиҳати омодагӣ ба мавсими нави содироти маҳсулоти кишоварзӣ, инчунин муайян кардани ишораҳои ҷуғрофии маҳсулот, ҷорӣ ва истифода намудани стандартҳои байналмилалӣ бо иштироки масъулини соҳа аз мақомоти давлатии шаҳру ноҳияҳо ва соҳибкорон ҷаласаҳои корӣ баргузор шуда, оид ба муаррифии молҳои истеҳсоли ватанӣ ва сифати он дар бозорҳои хориҷӣ ба соҳибкорону содироткунандагон тавсияву пешниҳодҳо ироа гардиданд.

Дар кори ҷаласа рӯнамои Агентии содирот оид ба пешбурди фаъолияти муайян кардани ишораҳои ҷуғрофии маҳсулот пешниҳод карда шуд.

Дар фарҷоми ҷаласа аз ҷониби гурӯҳи корӣ якчанд пешниҳодҳо оид ба пешбурди фаъолияти ишораҳои ҷуғрофии маҳсулот дар соли 2022 ироа шуда, мавриди муҳокима қарор дода шуданд.

АКС: Агентии содироти назди Ҳукумати ҶТ

Декабрь 10, 2021 15:01

Хабарҳои дигари ин бахш

Баҳодур Шерализода дар Самарқанд доир ба омодагӣ ба Конференсияи байналмилалии сатҳи баланд оид ба ҳифзи пиряхҳо маълумот дод
Дар шаҳри Душанбе иҷрои «Барномаи фишанги ҳамоҳангсозии сиёсат» баррасӣ гардид
Ҳаҷми гардиши савдои хориҷии Тоҷикистон ва Узбекистон соли 2024 1,74 маротиба зиёд гардид
Барномаи савдои электронӣ дар Тоҷикистон ба баланд бардоштани малакаи рақамию молиявии аҳолӣ ва соҳибкорон равона шудааст
Оё дар Тоҷикистон низоми кишти пунбадона тағйир меёбад? Шарҳи коршиносон дар ин мавзуъ
Дар шаҳри Гулистон Бизнес-форуми Тоҷикистон ва Тотористон баргузор гардид
Имконоти сайёҳии Тоҷикистон дар Намоишгоҳи байналмилалии сайёҳии «Лето-2025» муаррифӣ шуданд
Ҳайати Тотористон бо фаъолияти як қатор корхонаҳои саноатии вилояти Суғд шинос гардид
Дар ноҳияи Кӯшониён дар 320 гектар гармхона бунёд карда шудааст
Гармхонаҳои ширкати «Моғиён- агро»-и шаҳри Панҷакент бозорро бо сабзавоти тоза таъмин менамоянд
Хатмкунандагони Барномаи гузариши иқлимӣ соҳиби шаҳодатнома шуданд
Дар шаҳри Турсунзода бинои нави маъмурии Истгоҳи роҳи оҳани «Регар» ба истифода дода шуд