Дар Душанбе вазъи маводи мухаддир дар Афғонистон ва минтақа баррасӣ шуд
ДУШАНБЕ, 09.12.2021. /АМИТ «Ховар»/. Вазъи маводи мухаддир дар Афғонистон ва минтақа имрӯз зимни мулоқоти Директори Агентии назорати маводи нашъаовари назди Президенти Ҷумҳурии Тоҷикистон Ҳабибулло Воҳидзода бо муовини Сафири Фавқулода ва Мухтори ИМА дар Тоҷикистон Бридҷит Уокер баррасӣ гардид, хабар медиҳад АМИТ «Ховар» бо истинод ба маркази матбуоти Агентӣ.
Зимни мулоқот директори Агентӣ оид ба вазъи маводи нашъаовар дар Тоҷикистон, дастовардҳои кишвар ва мақомоти ҳифзи ҳуқуқи мамлакат дар ин самт ба Бридҷит Уокер маълумот дод.
Ҷонибҳо ҳамчунин вазъи маводи мухаддир дар Афғонистон ва минтақа, интиқол ва қочоқи онро тавассути сарҳади давлатӣ, дастгирии молиявӣ ва моддӣ-техникии Ҳукумати ИМА-ро ба Агентӣ ва ҳамчунин таъсиси шуъбаҳои нави байниноҳиявии Агентиро дар минтақаҳои наздисарҳадии вилояти Хатлон мавриди баррасӣ қарор доданд.
Дар идомаи мулоқот Ҳабибулло Воҳидзода аз сатҳи хуби ҳамкории судманд дар самти назорати маводи нашъаовар, бахусус баррасии маблағгузории такмили ихтисоси кормандони Агентӣ изҳори сипосу қаноатмандӣ намуд.
Дар анҷоми мулоқот Бридҷит Уокер аз фаъолияти сагҳои хизматии Агентӣ ва намоиши машқҳои ҳарбӣ-тактикӣ дидан намуда, дар сӯзонидан ва нобуд кардани маводи нашъаовар иштирок намуд.
АКСҲО: Агентии назорати маводи нашъаовари назди Президенти ҶТ
«КОРВОНИ ДИДОР». Модарон дар қисмҳои ҳарбӣ бо шароити хизмати фарзандон шинос мешаванд
Дар Душанбе ду далели вайрон намудани қоидаҳои истифодаи неруи барқ ошкор карда шуд
Дар Душанбе ҷаласаи Шурои роҳбарони ниҳодҳои амниятӣ ва хадамоти махсуси кишварҳои аъзои Иттиҳоди Давлатҳои Мустақил оғоз шуд
Дар вилояти Хатлон санҷиши омодагии ҳайати захираҳои сафарбарӣ доир гардид
Раёсати Вазорати корҳои дохилӣ дар шаҳри Душанбе гурӯҳи муташаккили ҷиноятиро дастгир намуд
Дар Душанбе ҷаласаи мақомоти ҳифзи ҳуқуқ доир шуд
Президенти Тоҷикистон: «Ҳифзи сулҳи пойдор вазифаи муқаддаси ҳар фарди ҷомеа мебошад»
Дар Суғд ҷаласаи Шурои ҳамоҳангсози фаъолияти мақомоти ҳифзи ҳуқуқ доир шуд
Нақшаи даъвати баҳории шаҳрвандон ба сафи Артиши миллӣ 100 фоиз иҷро гардид
Ба сокинони шаҳри Роғун риояи талаботи қонунгузорӣ дар самти истифодаи самараноки неруи барқ фаҳмонида мешавад
Судяҳои Суди Олии Тоҷикистон дар форуми байналмилалӣ иштирок намуданд
Ҳайати Тоҷикистон дар ҷаласаи раисони судҳои олии давлатҳои аъзои Созмони ҳамкории Шанхай иштирок намуд
