Дар Кӯлоб Маркази ташхисию табобатии «Нурафшо» мавриди истифода қарор гирифт
ДУШАНБЕ, 30.12.2021. /АМИТ «Ховар»/. Дар доираи баргузории Форуми минтақавии соҳибкории Хатлон таҳти унвони «Саноат ва баланд бардоштани иқтидорҳои истеҳсолӣ», ки 28 декабр дар Донишгоҳи давлатии Кӯлоб ба номи Абӯабдуллоҳи Рӯдакӣ доир шуд, дар маҳаллаи Борбад 35-и ин шаҳр Маркази ташхисию табобатии «Нурафшо» мавриди истифода қарор дода шуд, хабар доданд аз бахши матбуоти мақомоти иҷроияи ҳокимияти давлатии шаҳри Кӯлоб.
Дар маросими ифтитоҳи ин муассисаи тиббӣ Раиси Кумитаи давлатии сармоягузорӣ ва идораи амволи давлатии Ҷумҳурии Тоҷикистон Саъдӣ Қодирзода, муовини раиси вилояти Хатлон Акрам Сулаймонзода, иҷрокунандаи вазифаи Раиси шаҳри Кӯлоб Бахтиёр Назарзода ва дигар намояндагони сохторҳои дахлдор иштирок намуданд.
Маркази ташхисию табобатии «Нурафшо» бо ибтикори соҳибкори ватанӣ Тағоймурод Мирзоев бунёд гардида, дар ин ҷо дар қатори мутахассисони варзидаи тиб, инчунин 8 нафар ҷавонони болаёқат баъди хатми Донишгоҳи тиббӣ соҳиби ҷой кор шуданд. Маркази мазкур бо таҷҳизоти муосири тиб муҷаҳҳаз гардонида шудааст.
Бояд гуфт, ки қаблан сокинони шаҳри Кӯлоб барои ташхис ба шаҳри Душанбе мерафтанд ва инак мушкили онҳо осон гардида, баъди ифтитоҳи ин марказ сокинони шаҳру навоҳии минтақа метавонанд аз хизматрасонии маркази мазкур истифода намоянд.
Зимни боздид меҳмонон ба соҳибкор Тағоймурод Мирзоев ҷиҳати фароҳам овардани шароитҳои мусоиди ташхису табобат барои сокинон изҳори миннатдорӣ намуда, баҳри беҳтар намудани шароиту имкониятҳои боз ҳам беҳтари хизматрасонӣ дар ин маркази тиббӣ тавсияҳои муфид доданд.
Аксҳо аз мақомоти иҷроияи ҳокимияти давлатии шаҳри Кӯлоб
Дар ноҳияи Мастчоҳ гурӯҳи ҷавонони синни даъватӣ даври омӯзишии ронандагиро хатм намуданд
Дар Тоҷикистон баландшавии ҳолати ифлосшавии ҳавои атмосферӣ дар назар аст
«ҲУНАРМАНДИ СОЛ-2025». Дар Душанбе озмуни ҷумҳуриявӣ ҷамъбаст гардид
Дар Душанбе беш аз 40 далели аз меъёри муқарраргардида гарон ба фурӯш гузоштани маҳсулоти гӯштӣ ошкор карда шуд
Ҳамкории Тоҷикистон бо Финляндия дар самти таҳкими ниҳоди миллии ҳифзи ҳуқуқи инсон тақвият меёбад
«Барномаи давлатии рушди соҳаи тандурустӣ ва ҳифзи иҷтимоии аҳолии вилояти Хатлон барои солҳои 2021-2025» баррасӣ гардид
Муколамаи навбатии занони Осиёи Марказӣ дар Узбекистон баргузор мегардад
Дар Душанбе таҳти унвони «Занон, сулҳ ва амният» форум баргузор шуд
МУКОЛАМАИ ЗАНОНИ ОСИЁИ МАРКАЗӢ. Дар доираи он таҳти унвони «Занон, сулҳ ва амният» форум баргузор мегардад
ПАРЧАМ ВА ПАРЧАМДОРӢ ДАР ТАЪРИХИ ДАВЛАТДОРИИ ТОҶИКОН. Дар Академияи миллии илмҳои Тоҷикистон конференсия доир шуд
ЭҲТИРОМ БА ПАРЧАМ- ЭҲТИРОМ БА ТАЪРИХИ МИЛЛАТ. Дар Агентии ҳифзи мероси таърихию фарҳангӣ ҷамъомад доир шуд
Беш аз 20 ҳазор нафар дар ҳамоиши идона дар вилояти Суғд иштирок намуданд
