Дастаи Донишгоҳи давлатии Хоруғ дар олимпиадаи умумирусиягӣ соҳиби ҷои ифтихорӣ гардид
ДУШАНБЕ, 22.12.2021 /АМИТ «Ховар»/. 20 декабр ректори Донишгоҳи давлатии Хоруғ, профессор Гулзорхон Юсуфзода зимни машварати ректорат ба донишҷӯёни факултети забонҳои хориҷӣ, ки ғолиби даври II озмуни «Чун афсона бигӯ ва ҳам бо қалам тасвир кун» дар Олимпиадаи умумирусиягии фосилавии донишҷӯён (бо иштироки байналмилалӣ) «Педагогика: амалияи самараноки таълим» гардиданд, диплом ва сертификатҳо тақдим намуд, хабар медиҳад АМИТ «Ховар» бо истинод ба Донишгоҳи давлатии Хоруғ.
Миёни 57 даста аз 35 донишгоҳи Федератсияи Русия ва кишварҳои ИДМ (Беларус, Қазоқистон, Қирғизистон ва Тоҷикистон) гурӯҳи ДДХ аз уҳдаи тамоми супоришҳои озмунӣ бомуваффақият баромада, дар Олимпиадаи умумирусиягӣ ҷои 3-юмро ишғол намуд. Ба ҳайати гурӯҳ донишҷӯёни факултети хориҷии ДДХ: Марҳабо Амирбекова, Соҳиба Раҳмонбекова, Саидаҳрор Ҳамидов, Марзия Шакарбекова ва Ниёзбегим Юсуфбекова шомил буданд.
Супоришҳои озмунии олимпиада аз рӯнамои мултимедиявии гурӯҳҳо дар мавзӯи олимпиада, иншо-эссе дар мавзӯъҳои «Нақши муаллим дар ташаккули коллективи бачагона», «Таҳлили педагогии наворҳои бадеӣ», озмуни «Чун афсона бигӯ ва ҳам бо қалам тасвир кун», таҳлили вазъи педагогиву иқтидори тарбиявии афсонаи халқии русии «Маша ва хирс» ва озмуни видеоии «Шакл ва усулҳои интерактивӣ дар амалияи таълимӣ» иборат буд, ки донишҷӯёни тоҷик аз уҳдаи он ба хубӣ баромаданд.
Зимни машварат профессор Гулзорхон Юсуфзода ва устодони ДДХ барои иштироки фаъолона дар омодагӣ ва гузаронидани олимпиадаи умумирусиягӣ бо сипосномаҳо сарфароз гардонида шуданд.
АКСҲО: ДДХ
Моҳи октябр дар Тоҷикистон Озмуни ҷумҳуриявии «Донандаи беҳтарини асарҳои Пешвои миллат» доир мегардад
Дар муассисаҳои илмӣ-таҳқиқотӣ 18 озмоишгоҳ таъмир ва бо таҷҳизоти замонавӣ муҷаҳҳаз карда шуд
ФАРҲАНГ — ҲАСТИИ МИЛЛАТ. Дар Душанбе аҳли фарҳангу ҳунар қадрдонӣ гардиданд
«МАН АВВАЛ ТОҶИКАМ, БАЪД МУСАЛМОН!». Миллатдӯстӣ шарти асосии муқовимат ба таҳдидҳои мафкуравӣ аст
Дар Душанбе Фестивал-озмуни «Як матову сад ранг» ва намоиш-фурӯши маҳсулоти чакан, нақшдӯзӣ ва зардӯзӣ доир мешавад
«ШОҲНОМАХОНӢ». Дар Суғд барои даври сеюми озмуни ҷумҳуриявӣ беш аз 400 ҳазор сомонӣ ҷудо гардид
«ШОҲНОМАХОНӢ». Дар Хатлон барои ғолибони даври сеюми озмуни ҷумҳуриявӣ беш аз 200 ҳазор сомонӣ ҷудо гардид
«САЙРИ ГУЛИ ЛОЛА». Моҳи апрел дар Тоҷикистон Фестивали гулҳо баргузор мегардад
Таҳкими худшиносии ҷавонон тавассути тарғиби фарҳангу тамаддун ва таърихи пурғановати миллӣ амали омӯзанда аст
Нашриёти «Орван» китоби «Ҳазор марворид»-ро ба нашр расонид
«ГАНҶИНАИ ТАЪРИХ ВА ФАРҲАНГИ ТОҶИКОН». Таҳти ин унвон маротибаи аввал озмуни ҷумҳуриявӣ баргузор мегардад
«ТОҶИКИСТОН-ВАТАНИ АЗИЗИ МАН». Барои баргузории озмуни ҷумҳуриявӣ беш аз ҳашт миллион сомонӣ ҷудо мегардад
