ТАҚВИМИ АМИТ «ХОВАР»: имрӯз 21 декабр, душанбе, 355-умин рӯзи соли 2021 аст

Декабрь 21, 2021 08:00

21 декабри соли 2015 дар шаҳри Москваи Федератсияи Русия Президенти Ҷумҳурии Тоҷикистон Эмомалӣ Раҳмон аввал дар ҷаласаи хосса ва сипас дар ҷаласаи васеи Шӯрои амнияти дастаҷамъии Созмони Аҳдномаи Амнияти Дастаҷамъӣ иштирок ва суханронӣ карданд.

***

5 сол пеш, 21 декабри соли 2016 Маҷмаи Умумии Созмони Милали Муттаҳид  қатъномаи «Даҳсолаи байналмилалии амал «Об барои рушди устувор, 2018-2028»-ро, ки аз ҷониби Ҷумҳурии Тоҷикистон пешниҳод шуда буд, қабул намуд.

***

Дар ин рӯзи соли 2015 Ассотсиатсияи журналистони риштаи варзиши Тоҷикистон дастаи футболи «Истиқлол»-и Душанберо, ки то даври финалии Ҷоми  КФО – 2015 баромад, дастаи соли Тоҷикистон эълон кард.

21 ДЕКАБР ТАҶЛИЛ КАРДА МЕШАВАД:

Дар Малави – Рӯзи парвариши дарахтон.

РӮЙДОДҲО:

21 декабри соли 2009 дар ҷаласаи навбатии Шӯрои Маҷлиси намояндагони Маҷлиси Олии Ҷумҳурии Тоҷикистон   Лоиҳаи қонуни Ҷумҳурии Тоҷикистон «Оид ба ворид намудани тағйиру иловаҳо ба Қонуни Ҷумҳурии Тоҷикистон «Дар бораи боҷи давлатӣ» муҳокима гардид.

***

21 декабри соли 2017 АМИТ «Ховар» хабар дод, ки Тоҷикистон дар Индекси ҷаҳонии пешрафти иҷтимоӣ  (Social Progress Index, SPI) аз 100 холи  эҳтимолӣ 58,87 хол касб карда, ҷойи 92-юмро ишғол намуд.

***

4 сол пеш,  21 декабри соли 2017 дар шаҳри Москва 20-солагии Маркази фарҳангии Тоҷикистон ҷашн гирифта шуд.

***

21 декабри соли 1901 дар Норвегия ба занон танҳо дар интихоботи маҳаллӣ ҳуқуқи овоздиҳӣ дода шуд.

***

21 декабри соли 1965 Ассамблеяи Генералии Созмони Милали Муттаҳид Конвенсияи байналмилалиро оид ба бартарафсозии ҳамаи намудҳои табъизи нажодӣ қабул намуд.

 ***

30 сол пеш аз ин, 21 декабри соли 1991 дар шаҳри Алматои Қазоқистон роҳбарони давлатҳои Тоҷикистон, Арманистон, Беларус, Қазоқистон, Қирғизистон, Молдова, Озарбойҷон, Русия, Туркманистон, Узбекистон ва Украина Декларатсия оид ба таъсис додани Иттиҳоди давлатҳои мустақилро ба имзо расониданд.

***

Дар ин рӯзи соли 1963  шабакаи асосии телевизиони ҷамъиятии Франсия-«France-2» таъсис дода шуд.

***

21 декабри соли 1899 дар Русия аввалин шумораи рӯзномаи «Огонек» нашр шуд.

ИНЧУНИН ДАР ИН РӮЗ…

 Соли 1913 дар рӯзномаи «New York World» (ИМА) аввалин маротиба дар таърихи ҷаҳон кроссворд нашр карда шуд.

***

Соли 2012 аввалин маротиба дар таърихи YouTube ва Интернет  шумораи тамошо намудани як видеоклип аз як миллиард боло рафт.

Декабрь 21, 2021 08:00

Хабарҳои дигари ин бахш

ТАҚВИМИ АМИТ «ХОВАР»: имрӯз 28 апрел, панҷшанбе, 118-умин рӯзи соли 2022 аст
ТАҚВИМИ АМИТ «ХОВАР»: имрӯз 26 апрел, сешанбе, 116-умин рӯзи соли 2022 аст
ТАҚВИМИ АМИТ «ХОВАР»: имрӯз 25 апрел, душанбе, 115-умин рӯзи соли 2022 аст
ТАҚВИМИ АМИТ «ХОВАР»: имрӯз 24 апрел, якшанбе, 114-умин рӯзи соли 2022 аст
ТАҚВИМИ АМИТ «ХОВАР»: имрӯз 23 апрел, шанбе, 113-умин рӯзи соли 2022 аст
ТАҚВИМИ АМИТ «ХОВАР»: имрӯз 22 апрел, ҷумъа, 112-умин рӯзи соли 2022 аст
ТАҚВИМИ АМИТ «ХОВАР»: имрӯз 21 апрел, панҷшанбе, 111- умин рӯзи соли 2022 аст
ТАҚВИМИ АМИТ «ХОВАР»: имрӯз 20 апрел, чоршанбе, 110- умин рӯзи соли 2022 аст
ТАҚВИМИ АМИТ «ХОВАР»: имрӯз 19 апрел, сешанбе, 109- умин рӯзи соли 2022 аст
ТАҚВИМИ АМИТ «ХОВАР»: имрӯз 18 апрел, душанбе, 108-умин рӯзи соли 2022 аст
ТАҚВИМИ АМИТ «ХОВАР»: имрӯз 17 апрел, якшанбе, 107-умин рӯзи соли 2022 аст
ТАҚВИМИ АМИТ «ХОВАР»: имрӯз 16 апрел, шанбе, 106-умин рӯзи соли 2022 аст