Ваколатдор оид ба ҳуқуқи инсон дар Тоҷикистон дар Форуми маҷозӣ оид ба ҳуқуқи инсони Чин сухан гуфт
ДУШАНБЕ, 09.12.2021 /АМИТ «Ховар»/. 8 декабр Ваколатдор оид ба ҳуқуқи инсон дар Ҷумҳурии Тоҷикистон Умед Бобозода дар Форум оид ба ҳуқуқи инсон «Ҷануб-Ҷануб 2021», ки аз ҷониби Идораи иттилооти Шӯрои давлатии Ҷумҳурии Мардумии Чин дар якҷоягӣ бо Вазорати корҳои хориҷии Чин доир гардид, сухан гуфт. Дар ин бора ба мухбири АМИТ «Ховар» аз хадамоти матбуоти Ваколатдор оид ба ҳуқуқи инсон дар Ҷумҳурии Тоҷикистон хабар доданд.
Ҷаласаи мазкур дар шакли маҷозӣ бо се забон – англисӣ, фаронсавӣ ва чинӣ сурат гирифта, дар кори он Ваколатдор оид ба ҳуқуқи инсон дар Ҷумҳурии Тоҷикистон Умед Бобозода маърӯза намуд.
Дар ҳамоиш намояндагони мақомоти давлатии зиёда аз 100 кишвари мухталифи ҷаҳон ширкат доштанд.
Мавзӯи онлайн-ҷаласа аз ду қисмат иборат буда, қисмати аввал дар шакли пленарӣ бо суханронии шахсони олимақоми ҳокимияти давлатии Чин ва қисмати дуввум дар шакли мувозӣ бо маърӯзаҳои намояндагони мақомоти давлатии кишварҳои даъватшуда гузашт.
Умед Бобозода вобаста ба раванди пешбурд ва таъмини ҳимояи ҳуқуқу озодиҳои инсон таҳти сиёсати инсондӯстонаи Президенти Ҷумҳурии Тоҷикистон муҳтарам Эмомалӣ Раҳмон сухан гуфта, иброз дошт, ки дар Ҷумҳурии Тоҷикистон таъмини ҳифзи ҳуқуқу озодиҳои инсон ва манфиатҳои арзишии он зери ҳимояи қонунгузории кишвар қарор дорад. Ҷумҳурии Тоҷикистон санадҳои зиёди ҳуқуқии байналмилалиро дар самти ҳуқуқи инсон ба имзо расонида, ҷиҳати иҷрои уҳдадориҳои байналмилалӣ саъю талош дорад.
Ҳамзамон Ҷумҳурии Тоҷикистон бисёр уҳдадориҳои байналмилалии самти ҳуқуқу озодиҳои инсонро ҳамаҷониба иҷро намуда, амалишавии онҳоро таъмин менамояд.
АКС: Ваколатдор оид ба ҳуқуқи инсон дар ҶТ
Ҳамкории Тоҷикистон ва Иттиҳоди Аврупо дар самти ҳуқуқи инсон тақвият меёбад
СОЛИ ТАҚВИЯТУ ТАҲКИМИ ХУДШИНОСИВУ ХУДОГОҲИИ МИЛЛӢ. Доир ба масоили ҳувияти миллӣ ва амнияти давлат ҳамоиши илмӣ баргузор шуд
Оид ба татбиқи нақшаи амали Стратегияи миллии фаъолгардонии нақши занон дар Тоҷикистон конференсия доир шуд
Дар Институти геология, сохтмони ба заминҷунбӣ тобовар ва сейсмология Маркази мониторинги сейсмикӣ ба истифода дода шуд
Намояндагони Сафорати Тоҷикистон дар Федератсияи Русия бо донишҷӯёни тоҷик вохӯрӣ намуданд
Дар Душанбе масъалаи ифлосшавии ҳавои атмосферӣ дар мамлакат баррасӣ гардид
Дар Тоҷикистон барои беҳтар намудани хизматрасонии тиббӣ иқдоми нав амалӣ мегардад
Тоҷикистону Чин дар бахши тандурустӣ Ёддошти ҳамкории сеҷониба ба имзо расониданд
«БАҲОРИ ҶАВОНӢ — НАВРӮЗИ ҶАҲОНӢ». Дар вилояти Суғд Фестивали ҷумҳуриявии дӯстии ҷавонон оғоз гардид
МАСЪУЛИЯТ БАРОИ ТАЪЛИМУ ТАРБИЯИ КӮДАК. Судяҳои ноҳияи Фирдавсӣ бо волидону хонандагон вохӯрӣ намуданд
Дар Душанбе оид ба нақши занон дар эҳёи суннатҳои наврӯзӣ форуми байналмилалӣ баргузор гардид
Байни Тоҷикистон ва Узбекистон дар соҳаи таҳсилоти касбӣ Ёддошти тафоҳум ба имзо расонида шуд
