Вазири корҳои хориҷии Тоҷикистон дар нишасти 28-уми Шӯрои вазирони САҲА иштирок намуд
ДУШАНБЕ, 03.12.2021 /АМИТ «Ховар»/. Вазири корҳои хориҷии Ҷумҳурии Тоҷикистон Сироҷиддин Муҳриддин 2 декабр дар кори ҷаласаи 28-уми Шӯрои вазирони корҳои хориҷии кишварҳои ширкаткунандаи Созмони амният ва ҳамкорӣ дар Аврупо (САҲА), ки таҳти раёсати Шветсия дар шаҳри Стокҳолм оғоз шудааст, ширкат ва суханронӣ намуд. Дар ин бора АМИТ «Ховар» бо истинод ба Вазорати корҳои хориҷии Ҷумҳурии Тоҷикистон хабар медиҳад.
«Сироҷиддин Муҳриддин дар баробари авлавияти Тоҷикистон дар се ченаки фаъолияти САҲА – низомӣ-сиёсӣ, иқтисодӣ-муҳитизистӣ ва инсонӣ, инчунин доир ба чолишҳои умдаи ҷаҳони муосир, аз қабили мубориза алайҳи терроризму ифротгароӣ, вазъ дар Афғонистон ва тағйирёбии иқлим изҳори ақида кард»,- иттилоъ доданд аз ВКХ Тоҷикистон.
Ҷониби Тоҷикистон аз кӯшишҳои барои таҳкими сохтории САҲА равонашуда истиқбол намуда, омодагии Тоҷикистонро ҷиҳати роҳандозии ҳамкории созанда бо САҲА ва ниҳодҳои он бо мақсади пешбурди сулҳ, шукуфоӣ ва рушд дар кулли минтақаи Созмон иброз дошт.
Ёдовар мешавем, ки Шӯрои вазирон мақоми марказии тасмимгирӣ ва идоракунии САҲА ба ҳисоб рафта, солона ба вазирони корҳои хориҷии 57 кишвари ширкаткунандаи САҲА имкон медиҳад, то фаъолияти созмонро баррасӣ ва арзёбӣ намуда, муколамаро дар масъалаҳои амниятии минтақаи САҲА тақвият диҳанд.
АКС: ВКХ ҶТ
Ҳамкории Тоҷикистон ва Қатар дар соҳаҳои илму маориф баррасӣ шуд
Шараф Шерализода зарурати таҳкими ҳамкориро дар доираи Созмони умумиҷаҳонии савдо таъкид намуд
Намояндаи Тоҷикистон дар ҷаласаи 16-уми Конфронси СММ оид ба савдо ва рушд иштирок намуд
Ҳамкории Тоҷикистон бо Созмони Милали Муттаҳид баррасӣ гардид
Шурои Фонди глобалии ҷалби ҷомеа ва устуворӣ барои Тоҷикистон грант ҷудо намуд
Сафири Тоҷикистон бо Вазири тиҷорати хориҷии Амороти Муттаҳидаи Араб мулоқот намуд
Таҳкими ҳамкории Тоҷикистон ва Арабистони Саудӣ дар самти ҳифзи ҳуқуқи инсон баррасӣ шуд
Сафири Тоҷикистон бо Вазири нафти Давлати Кувайт мулоқот намуд
Тоҷикистон барои рушди устувор ва иқтисоди «сабз» бо Комиссияи иқтисодии СММ ҳамкорӣ менамояд
Тоҷикистон дар таҳкими ҳамкории сиёсӣ, иқтисодӣ ва башардӯстона дар доираи ИДМ саҳми назаррас дорад
Аҳмад ибни Муҳаммад Ас-Сайид: «Робитаҳои иқтисодии Тоҷикистону Қатар муҳим арзёбӣ мегарданд»
Қоҳир Расулзода бо Валиаҳди Салтанати Негери Сембилани Малайзия Шоҳзода Тунку Алӣ Ризауддин ибни Муҳри мулоқот намуд
