Меҳвари Паём — таъмини зиндагии шоистаи мардум,-бардошт аз ҷамъомад дар Кумитаи бехатарии озуқаворӣ
ДУШАНБЕ, 10.01.2021 /АМИТ «Ховар»/. 8 январ дар Кумитаи бехатарии озуқавории назди Ҳукумати Ҷумҳурии Тоҷикистон бо мақсади тавзеҳи нуктаҳои Паёми Президенти Ҷумҳурии Тоҷикистон ба Маҷлиси Олии Ҷумҳурии Тоҷикистон ҷамъомад доир шуд, хабар доданд ба АМИТ «Ховар» аз Кумитаи мазкур.
Дар ҷамъомад раиси Кумитаи бехатарии озуқаворӣ Муҳаммадсаид Файзуллозода зикр намуд, ки“Сарвари давлат дар Паёмашон иброз доштанд, ки зиёда аз 90 фоизи истеҳсоли маҳсулоти кишоварзӣ ба бахши хусусӣ рост омада, ин нишондиҳанда аз саҳми бузурги кишоварзони мамлакат дар раванди расидан ба яке аз ҳадафҳои стратегӣ – ҳифзи амнияти озуқавории кишвар, махсусан дар шароити ду соли охир пайиҳам омадани хушксоливу камобӣ гувоҳӣ медиҳад”.
«Дар соҳаи кишоварзӣ ҷиҳати истифодаи самараноки обу замин ва ҳифзи амнияти озуқавории мамлакат бори аввал дар таърихи давлати соҳибихтиёрамон ислоҳоти куллӣ гузаронида шуда, истифодаи замин ба соҳиби аслии он- деҳқон вогузор гардид, ки яке аз дастовардҳои муҳимтарини даврони соҳибистиқлолӣ ба ҳисоб меравад», -иброз дошт Муҳаммадсаид Файзуллозода.
Раиси Кумитаи иҷроияи Ҳаракати ваҳдати миллӣ ва эҳёи Тоҷикистон Рудобаи Мукаррам нуктаҳои меҳварии Паёми Президенти Ҷумҳурии Тоҷикистонро шарҳу тавзеҳ дода, вобаста ба таъриху фарҳанг, ваҳдати миллӣ ва асолати миллии тоҷикон ибрози назар намуд.
Мавсуф Паёми Президенти Ҷумҳурии Тоҷикистон муҳтарам Эмомалӣ Раҳмонро барои ҳамаи шаҳрвандон муҳим хонда, даъват намуд, ки ҳамагон бояд дар фаъолияту зиндагӣ нуктаҳои асосии онро мавриди истифода қарор диҳанд.
Дар ҷамъомад нуктаҳои асосии Паёми навбатии Пешвои миллат мавриди баррасӣ қарор гирифтанд.
Зикр шуд, ки Паёми Сарвари давлат барномаи амалест, ки ба саодат ва некуаҳволии зиндагии шоистаи мардум нигаронида шудааст.
АКС: Кумитаи бехатарии озуқаворӣ
Иҷлосияи дуюми Маҷлиси миллии Маҷлиси Олии Ҷумҳурии Тоҷикистон, даъвати ҳафтум баргузор мегардад
Дар Хатлон вобаста ба амалиёти пешгирикунандаи «Маданияти шаҳрдорӣ» ҷаласа баргузор гардид
Оид ба тайёр намудани мутахассисони касбӣ ва омӯзиши фанҳои дақиқ машварати илмӣ баргузор гардид
Туҳфаи Президенти Тоҷикистон ба иштирокчиёни Ҷанги дуюми ҷаҳонӣ супорида шуд
Дар Норак бахшида ба Рӯзи ҷавонони Тоҷикистон бо сарбозон вохӯрӣ доир шуд
Маҳмадсолеҳ Қосимов: «Ҳар қадаре заминро оқилонаю самаранок истифода барем, ҳамон қадар баракаташро мебинем»
Вакили Маҷлиси намояндагон иштирокчиёни Ҷанги дуюми ҷаҳонро дар шаҳри Ҳисор аёдат намуд
Дар Хуҷанд байни духтарон мусобиқаи дӯстонаи футбол баргузор гардид
Дар Файзобод оид ба пешгирии қонунвайронкуниҳо дар самти истифодаи қувваи барқ вохӯрӣ доир гардид
Имрӯз дар Тоҷикистон ҳавои тағйирёбанда дар назар аст
Дар вилояти Хатлон иқдоми ҳизбии «Ҳеҷ кас ва ҳеҷ чиз фаромӯш нашудааст» баргузор гардид
Масъалаҳои ташаккул ва рушди иқтисодиёти «сабз» дар шароити саноатикунонӣ баррасӣ карда шуданд
