Соли 2021 ба фонди Китобхонаи миллии Тоҷикистон зиёда аз 40 ҳазор китобҳои тозанашр ворид шуданд
ДУШАНБЕ, 26.01.2022 /АМИТ «Ховар»/. Дар соли 2021 ба Китобхонаи миллии Тоҷикистон зиёда аз 23 ҳазор нафар аъзо гардида, беш аз 259 ҳазор нафар барои дастрас намудани китобу иттилоот ворид шуда, зиёда аз 40 ҳазор китобҳои тозанашр ба фонди муассиса қабул карда гардиданд, ки яке аз нишондиҳандаҳои баландтарин ба ҳисоб меравад. Фонди Китобхонаи миллии Тоҷикистонро 3 миллиону 300 ҳазор адад китоб ва дигар маводи чопию иттилоотӣ ташкил медиҳанд. Дар ин бора муовини директори Китобхонаи миллии Тоҷикистон Гадобек Маҳмудов ба хабарнигори АМИТ «Ховар» изҳори назар намуд.
Ёдовар мешавем, ки таваҷҷуҳи ҳукумати мамлакат ба соҳаи китобу китобдорӣ сол аз сол беҳтар гардида, дар ин давра аз ҷониби Президенти Ҷумҳурии Тоҷикистон бо мақсади ҷалби таваҷҷуҳи аҳли ҷомеа ба китобхонӣ тадбирҳои зиёд андешида шуданд. Баргузории Озмуни ҷумҳуриявии «Фурӯғи субҳи доноӣ китоб аст» аз ҳамин ҷумла мебошад.
Муовини директори Китобхонаи миллии Тоҷикистон Гадобек Маҳмудов иброз дошт, ки Китобхонаи миллӣ дар соли таърихии 30-солагии Истиқлолияти давлатӣ фаъолияти худро бо нишондиҳандаҳои назаррас ҷамъбаст намуд.
Соли 2021 аз ҷониби Китобхонаи миллии Тоҷикистон “Донишномаи матбуоти даврии тоҷик”, дастури библиографии “Лоиқ Шералӣ: маҷмӯаи мақолаҳо ва китобномаи шарҳиҳолӣ”, китоби “Библиографияи забоншиносӣ”, “Ормони миллат: Роғун – бузургтарин сарбанди асри нав”, маҷмӯаи мақолаҳо ва китобномаи шарҳиҳолии Шоири халқии Тоҷикистон Аскар Ҳаким, маҷмӯаи мақолаҳои “Тоҷнома: суботи сиёсӣ-фарҳангӣ ва ваҳдати миллӣ” ба нашр расида, дастраси хонандагон гардонида шуданд.
Ба иттилои Гадобек Маҳмудов, дар соли сипаришуда 127 барномаи илмӣ-оммавӣ ва конфронсу вохӯриҳо доир карда шуданд. Новобаста ба паҳншавии бемории коронавирус дар ҷаҳон таваҷҷуҳи сайёҳон ба китобхона кам нагашта, соли сипаришуда зиёда аз 700 нафар меҳмонони дохилу хориҷи мамлакат аз осорхонаву марказҳои фарҳангии он дидан кардаанд, ки ин нишондиҳандаҳо нисбат ба соли 2020 зиёд мебошанд.
Қабули «Барномаи рушди китобхонаи миллии Тоҷикистон барои солҳои 2022-2027» аз ҷониби Ҳукумати Ҷумҳурии Тоҷикистон аз рӯйдодҳои муҳим ба ҳисоб меравад, ки умедвориҳои масъулинро дар самти рушди фаъолияти техникӣ–инноватсионии китобхона боз ҳам бештар кардааст.
АКС аз бойгонии АМИТ «Ховар»
ПАЁМЕ, КИ НАВИДИ ПИРӮЗИҲОСТ. Иҷрои дастурҳои он роҳнамои миллати тоҷик барои фатҳи қуллаҳои нави армонҳои миллӣ аст
Донишҷӯёни Донишкадаи давлатии санъати тасвирӣ ва дизайни Тоҷикистон дар озмуни «Тоҷикистон-Ватани азизи ман» соҳиби се Шоҳҷоиза шуданд
Чойхонаи тоҷикии «Шоми Ваҳдат» фарҳанги миллати тоҷикро дар шаҳри Краснодар муаррифӣ менамояд
Дар Донишкадаи давлатии фарҳанг ва санъати Тоҷикистон Маркази машваратӣ-равоншиносӣ таъсис дода шуд
НИШАСТИ МАТБУОТӢ. Дар Консерваторияи миллии Тоҷикистон даврҳои кӯтоҳмуддати омӯзишӣ таъсис дода шудаанд
Лоиҳаи «Барномаи давлатии рушди адабиёти бачагона дар Ҷумҳурии Тоҷикистон барои солҳои 2026-2030» таҳия мегардад
3 феврал дар якчанд вазорату идораҳо нишастҳои матбуотӣ баргузор мегарданд
Дар Муассисаи давлатии «Тоҷикфилм» барои дастгирии лоиҳаҳои филмсозони ҷавон ягон монеа вуҷуд надорад
1050-СОЛАГИИ РОБИАИ БАЛХӢ. Мавзуи асосии сурудаҳои ӯ ишқу муҳаббати инсонӣ, тасвири табиат ва зебоиҳои он мебошанд
Ёдгориҳои Хутали Қадим таъриху фарҳанги бостонии миллати тоҷикро дар арсаи ҷаҳонӣ муаррифӣ менамояд
«ҲАФТРАНГ БА ХОТИРАИ УСТОД». Дар Донишкадаи давлатии санъати тасвирӣ ва дизайни Тоҷикистон намоишгоҳ оғоз гардид
САДА — ҶАШНИ БОСТОНИИ МАРДУМИ ТОҶИК. Нуру гармӣ ҷавҳар ва рамзу асли зиндагиофарии ин ид мебошанд
