БМТ фаъолияти ҶСП «Бонки байналмилалии Тоҷикистон»-ро тамдид намуд

ДУШАНБЕ, 24.02.2022 /АМИТ «Ховар»/. Бо қарори Раёсати Бонки миллии Тоҷикистон (БМТ) иҷозатномаи Ҷамъияти саҳомии пӯшидаи (ҶСП) «Бонки байналмилалии Тоҷикистон»-ро барои фаъолияти оператори низоми пардохтии «Осон» ба муҳлати 5 сол тамдид гардид. Дар ин бора ба АМИТ «Ховар» аз Бонки миллии Тоҷикистон иттилоъ доданд.

Ин тасмим тибқи қонунҳои Ҷумҳурии Тоҷикистон «Дар бораи хизматрасониҳои пардохтӣ ва низоми пардохтӣ», «Дар бораи иҷозатномадиҳӣ ба баъзе намудҳои фаъолият» гирифта шудааст.

Дар асоси ин қарор иҷозатномаи ҶСП «Бонки байналмилалии Тоҷикистон» барои фаъолияти оператори низоми пардохтӣ, ки бо қарори Раёсати Бонки миллии Тоҷикистон аз 18 феврали соли 2019 дода шудааст, аз эътибор соқит дониста мешавад.

Идораи низоми пардохт вазифадор аст, ки дар Феҳристи операторони низоми пардохтӣ сабти дахлдор ворид намояд.

АКС:БМТ