Дар арафаи ҷашни Наврӯз телевизиони «Сайёҳӣ ва ҳунарҳои мардумӣ» ба фаъолият шурӯъ мекунад
ДУШАНБЕ, 8.02.2022. /АМИТ «Ховар»/. Дар арафаи ҷашни байналмилалии Наврӯз телевизиони «Сайёҳӣ ва ҳунарҳои мардумӣ» ба фаъолият шурӯъ мекунад. Дар ин бора имрӯз зимни нишасти матбуотӣ раиси Кумитаи телевизион ва радиои назди Ҳукумати Ҷумҳурии Тоҷикистон Нуриддин Саид ба намояндагони ВАО хабар дод.
«Айни ҳол дар Муассисаи давлатии телевизиони «Сайёҳӣ ва ҳунарҳои мардумӣ» корҳои таъмиру навсозӣ ҷараён дошта, он бо дастгоҳу таҷҳизоти замонавии истеҳсоли Аврупо муҷаҳҳаз мегардад, ки дорои сифат ва дақиқияти баланди пахши навору садо мебошанд», — иброз дошт Нуриддин Саид.
Иттилоъ дода шуд, ки бо мақсади иҷрои қарори Ҳукумати Ҷумҳурии Тоҷикистон «Дар бораи дурнамои нишондиҳандаҳои макроиқтисодии Ҷумҳурии Тоҷикистон барои солҳои 2022-2024» Кумита 6 лоиҳаи сармоягузориро бо арзиши беш аз 73 миллион доллари ИМА таҳия намуда, барои муаррифӣ — пайдо намудани сармоягузорон аз ҳисоби ташкилоту созмонҳои байналмилалию минтақавии молиявӣ ва дигар шарикони рушд ба вазоратҳои рушди иқтисод ва савдо, молия ва Кумитаи давлатии сармоягузорӣ ва идораи амволи давлатии мамлакат пшниҳод намуд.
«Дастгирӣ ва татбиқ шудани лоиҳаҳои мазкур умдатарин мушкилоти соҳаи телевизион ва радиои мамлакат, аз ҷумла таъмини 100-фоизаи фазои иттилоотии мамлакатро бо барномаҳои шабакаҳои давлатии радио ва телевизиони рақамӣ, тақвияти иқтидори техникӣ ва таъмини самаранокии фаъолияти ҶСК «Телерадиоком», бунёди манораи радиотелевизионӣ берун аз ҳудуди шаҳри Душанбе, мутамарказ намудани ҷойгиршавӣ ва хубтар намудани фаъолияти шабакаҳои радиоӣ ва телевизионии давлатӣ, харидорӣ ва дастрас намудани таҷҳизот барои дар сатҳи баланд баргузор намудани чорабиниҳои давлатиро ҳал намуда, шароит ва рақобатпазирии шабакаҳои телевизион ва давлатиро беҳтар мегардонад», — изҳор намуд Раиси Кумита.
АКС: АМИТ «Ховар»
Дар Душанбе дуюмин Синамоҷашнвораи байналмилалӣ «Тоҷи сомон» баргузор мегардад
Дар театри Муҳаммадҷон Қосимов намоишномаи «Ман Таҳминаам…» аз рӯи достони «Шоҳнома» пешниҳод мегардад
Бо ташаббуси Агентии ҳифзи мероси таърихию фарҳангӣ дар ноҳияи Ховалинг Рӯзи Ваҳдати миллӣ ҷашн гирифта шуд
Шоири халқии Тоҷикистон Камол Насрулло: «Ҳақиқат ин аст, ки Пешвои миллат ваҳдатро бунёд гузошту таҳким доду қавӣ сохт»
Дар Осорхонаи миллӣ гӯшаи доимоамалкунандаи «Ваҳдати миллӣ» ташкил гардидааст
Тамоми комёбиҳои миллат ва саодати рӯзгори мардум аз иттиҳоди миллӣ ибтидо мегирад
«ЭМОМАЛӢ РАҲМОН – МЕЪМОРИ СУЛҲУ ВАҲДАТ». Дар Вазорати фарҳанг ҳамоиши илмӣ доир гардид
Таҳти унвони «Қисса ва ҳикояҳо» китоби Абдурофеъ Рабизода нашр гардид
«ДАР МЕҲМОНИИ ДУШАНБЕ». Фестивали байналмилалии эҷодиёти бадеии кӯдакон ва наврасони ИДМ оғоз гардид
Дар Агентии ҳифзи мероси таърихию фарҳангӣ таҳти унвони «Ваҳдати миллат — бақои миллат!» ҳамоиш баргузор шуд
Дар ёдгории Ҳалқаҷари ноҳияи Хуросон бозёфти нодири таърихӣ — «обкӯзаи хонуми Сагкин» кашф гардид
«Душанбе — нусхае аз биҳишт». Таҳти ин унвон дар васфи пойтахти Тоҷикистон китоб ба нашр расид
