Дар Донишкадаи кӯҳию металлургии Тоҷикистон факултети нави иқтисодиёти саноатӣ таъсис дода шуд
ДУШАНБЕ, 15.02.2022 /АМИТ «Ховар»/. Дар Донишкадаи кӯҳию металлургии Тоҷикистон имсол факултети нави иқтисодиёти саноатӣ ва кафедраи менеҷмент бо ихтисосҳои нав таъсис дода шуданд. Дар ин бора 11 феврал зимни нишасти матбуотӣ ректори Донишкадаи кӯҳию металлургии Тоҷикистон Бахтиёр Маҳмадалӣ ба намояндагони воситаҳои ахбори омма гуфт.
Бахтиёр Маҳмадалӣ иброз дошт, ки «бо ташаббуси Президенти Ҷумҳурии Тоҷикистон муҳтарам Эмомалӣ Раҳмон дар мамлакат солҳои 2022-2026 Солҳои рушди саноат эълон карда шуданд ва дар ин самт мо низ талош менамоем, ки саҳми арзанда гузорем. Бо зиёда аз 72 корхонаи саноатӣ шартномаи ҳамкорӣ ба имзо расонида шудааст, ки донишҷӯён дар ин корхонаҳо дарсҳои амалӣ мегузаранд. Тибқи шартномаи баимзорасида бо ин корхонаҳои саноатӣ, хатмкунандагон барои омӯзиш ба онҳо фиристода мешаванд, яъне донишкада талош менамояд, ки тамоми хатмкунандагонро бо ҷойи кор таъмин намояд».
Феълан барои бо ҷойи кор таъмин намудани 5 ҳазор нафар мутахассис аз ҳисоби хатмкардаҳои Донишкадаи кӯҳию металлургии Тоҷикистон бо корхонаи ҶДММ КМ «Зарафшон» шартнома ба имзо расонида шудааст.
«Имсол дар озмуни олимони ҷавони Иттиҳоди давлатҳои мустақил омӯзгори донишкада Асомиддин Саидов иштирок намуда, соҳиби ҷойи аввал гардид. Дар озмуни «Илм- фурӯғи маърифат» ду нафар омӯзгорони донишкада соҳиби ҷойи дуюм гардиданд. Ҳамзамон дар ин давраи ҳисоботӣ 5 нафар унвонҷӯён рисолаҳои номзадии хешро дар равияҳои иқтисодиву техникӣ дифоъ намуданд ва дар назар аст, ки имсол сафи олимони ҷавон бештар шавад»-, гуфт ректори донишкада Бахтиёр Маҳмадалӣ.
АКСҲО: Донишкадаи кӯҳию металлургии Тоҷикистон
Дар шаҳри Москва ҷаласаи 109-уми Шурои иқтисодии ИДМ баргузор гардид
Ҳайати Тоҷикистон дар Тотористон бо фаъолияти корхонаҳои истеҳсолии парки технологии «ИСКРА-ВОЛГА» шинос шуд
Байни «Шабакаҳои интиқоли барқ»-и Тоҷикистон ва «Маркази илмӣ-техникии системаи ягонаи энергетикӣ»-и Русия Созишномаи ҳамкорӣ ба имзо расид
Рустам Минниханов: «Барои рушди ҳамкории бисёрҷониба байни Тоҷикистон ва Тотористон имконоти фаровон мавҷуданд»
Дар Қазон ҷаласаи 68-уми Шурои электроэнергетикии кишварҳои аъзои ИДМ баргузор шуд
«GEOSCIENCE & EXPLORATION CENTRAL ASIA». Ҳайати Тоҷикистон дар Форуми байналмилалии геологӣ иштирок намуд
Сармоягузорони Чин бо фаъолияти корхонаҳои истеҳсолии МОИ «Данғара» шинос шуданд
Вазири энергетика ва захираҳои оби Тоҷикистон дар Форуми байналмилалии электроэнергетикии Қазон – «ЭНЕРГОПРОМ» иштирок намуд
«Shohin Airlines» ҳавопаймои нави L410 NG харидорӣ менамояд
Вазири энергетикаи Тоҷикистон бо истеҳсоли таҷҳизоти турбинаҳои газии гурӯҳи ширкатҳои «АМКОР»-и Тотористон шинос шуд
Доир ба мушкилоти тағйирёбии иқлим, сабабҳо, пайомад ва усулҳои мутобиқшавӣ ба он китоб ба нашр расид
Дурнамои рушди ҳамкории гумрукӣ байни Тоҷикистон ва Корея баррасӣ гардид
