Дар сохтори Академияи миллии илмҳои Тоҷикистон шуъбаи татбиқи илм дар истеҳсолот таъсис ёфт
ДУШАНБЕ, 11.02.2022 /АМИТ «Ховар»/. Соли 2021 дар сохтори Академияи миллии илмҳои Тоҷикистон шуъбаи татбиқи илм дар истеҳсолот таъсис дода шуд. Дар ин бора имрӯз зимни нишасти матбуотӣ президенти Академияи миллии илмҳои Тоҷикистон Фарҳод Раҳимӣ баён намуд.
Фарҳод Раҳимӣ иброз дошт, ки шуъбаи татбиқи илм дар истеҳсолот бо мақсади тарғибу ташвиқи дастовардҳои илмӣ, ҳамоҳанг сохтани фаъолияти муассисаҳои илмӣ-тадқиқотии АМИТ бо вазорату идораҳои соҳавӣ, корхонаҳои саноатию ширкатҳои истеҳсолии хусусӣ дар самти пайвасти илм бо истеҳсолот, татбиқи натиҷаи дастовардҳои илмӣ, коркардҳо ва технологияҳои олимони Академияи миллии илмҳои Тоҷикистон дар истеҳсолот ташкил гардидааст.
Соли 2021 аз ҷониби шуъба бо 75 корхонаи саноатии минтақаҳои гуногуни мамлакат оид ба муаррифии дастовардҳои илмии олимони Академияи миллии илмҳо ва ба роҳ мондани ҳамкорӣ дар самти пайвасти илм бо истеҳсолот робитаҳо ба роҳ монда шуданд.
Айни ҳол дар самти пайвасти илм бо истеҳсолот миёни муассисаҳои илмӣ-тадқиқотии АМИТ бо корҳонаҳои саноатӣ 13 созишномаи ҳамкорӣ баста шудааст, ки мавриди амал қарор доранд.
Дар нишаст зикр шуд, ки соли 2021 олимони Академияи миллии илмҳои Тоҷикистон таҳқиқотро аз рӯйи 111 мавзӯъ, аз ҷумла 68 мавзӯи илмӣ-таҳқиқотии бунёдӣ, 15 мавзӯи илмӣ-таҳқиқотии амалӣ ва 28 мавзӯи илмӣ-таҳқиқотии бунёдию амалӣ идома дода, натиҷаҳои назаррас ба даст оварданд.
Инчунин соли 2021 аз тарафи олимони АМИТ 18 патенти Ҷумҳурии Тоҷикистон барои ихтироот ва 21 қарори мусбат оид ба додани патенти Ҷумҳурии Тоҷикистон барои ихтироот ба даст оварда шуд. Барои истифодаи амалӣ дар истеҳсолот 26 коркард ва таклифу тавсияҳои олимони Академияи миллии илмҳои Тоҷикистон пешниҳод гардиданд.
АКС: АМИТ «Ховар»
ҲУКУМАТИ ЭЛЕКТРОНӢ. Дар Китобхонаи миллии Тоҷикистон беш аз 3 миллион нусхаи чопӣ нигоҳдорӣ мешавад
РУШДИ ҲУНАРҲОИ МАРДУМӢ. Дар Тоҷикистон сабадбофӣ бо шакли муосир рушд меёбад
Дар Ҷумҳурии Тоҷикистон Рӯзҳои фарҳанги Ҷумҳурии Мардумии Чин баргузор мегарданд
Оид ба муоширати бисёрфарҳангӣ, нақши забонҳо, адабиёт ва илм дар рушди ҷомеаи муосир конфронси байналмилалӣ доир шуд
Намояндаи Тоҷикистон дар Анқара дастовардҳои китобдорӣ ва рақамикунонии Тоҷикистонро муаррифӣ намуд
«ТОҶИКИСТОН». Таҳти чунин унвон дар Ҷумҳурии Арабии Миср маҷалла бо забони арабӣ нашр гардид
Китоби «Забони миллат – ҳастии миллат» бо 7 забон тарҷума ва нашр гардид
Дар шаҳри Дюсселдорф барномаи фарҳангии тоҷикон баргузор гардид
Дар Донишкадаи санъати театрии Русия намоиши театрии «Ҷавонии Мушфиқӣ» баргузор шуд
Дар Тоҷикистон Анҷумани сеюми забоншиносони давлатҳои ҳамзабону ҳамфарҳанг баргузор мегардад
Дар Китобхонаи миллии Тоҷикистон оид ба нақши оила дар камолоти маънавии фарзанд ҳамоиш доир шуд
Ба беш аз 13 ҳазор оилаи ноҳияи Муъминобод «Шоҳнома»-и безавол тақдим мегардад
