ФУТБОЛ. Ҳарифони мунтахаби ҷавонони то 23-солаи Тоҷикистон дар марҳилаи финалии Ҷоми Осиё-2022 муайян шуданд

Февраль 18, 2022 09:51

ДУШАНБЕ, 18.02.2022 /АМИТ «Ховар»/. Дар шаҳри Тошканди Ҷумҳурии Узбекистон қуръакашии марҳилаи финалии Ҷоми Осиё-2022 миёни футболбозони то 23-сола баргузор шуда, ҳарифони дастаи мунтахаби олимпии Тоҷикистон муайян гардиданд, иттилоъ медиҳад шореҳи варзиши АМИТ «Ховар» бо истинод ба Федератсияи футболи Тоҷикистон.

Дар натиҷаи қуръакашӣ дар марҳилаи финалии Ҷоми Осиё-2022, ки 1-19 июн дар Ҷумҳурии Узбекистон баргузор мешавад, 16 даста ба 4 гурӯҳи иборат аз чордастаӣ тақсим шуданд. Дастаи мунтахаби олимпии то 23-солаи Тоҷикистон дар гурӯҳи «D» бо дастаҳои мунтахаби олимпии то 23-солаи Арабистони Саудӣ, АМА ва Ҷопон бозӣ мекунад.

Аз ҳар гурӯҳ ду даста мусобиқаро барои ба даст овардани медалҳо идома медиҳанд. Агар дастаи мунтахаби олимпии Тоҷикистон ба ¼-финал роҳхат гирад, бо яке аз дастаҳои гурӯҳи «С»– Кореяи Ҷанубӣ, Тайланд, Ветнам, Малайзия вомехӯрад.

Натиҷаи қуръакашии марҳилаи финалии Ҷоми Осиё-2022 (U-23):

Гурӯҳи «А»: Узбекистон, Эрон, Қатар, Туркманистон.
Гурӯҳи «В»: Австралия, Урдун, Ироқ, Кувайт.
Гурӯҳи «С»: Кореяи Ҷанубӣ, Тайланд, Ветнам, Малайзия.
Гурӯҳи «D»: Арабистони Саудӣ, АМА, Ҷопон, ТОҶИКИСТОН.

 

АКС: ФФТ

Февраль 18, 2022 09:51

Хабарҳои дигари ин бахш

ҶОМИ ОСИЁ-2026. Дастаи мунтахаби олимпии Тоҷикистон (U-23) бо тими олимпии Филиппин бозӣ менамояд
ҶОМИ ОСИЁ-2026. Дастаи мунтахаби олимпии Тоҷикистон (U-23) марҳилаи интихобиро бо пирӯзӣ бар Непал оғоз кард
«CAFA Nations Cup 2025». Имрӯз дастаи мунтахаби Тоҷикистон бо тими Эрон бозӣ мекунад
РӮЗИ БАЙНАЛМИЛАЛИИ ТАЭКВОНДО. Ин навъи варзиши олимпӣ дар Тоҷикистон рушди бештар меёбад
ҶОМИ ОСИЁ-2026. Дастаи олимпии Тоҷикистон (U-23) дар марҳилаи интихобӣ нахустин бозӣ доир менамояд
Дар Душанбе Мусобиқаи байналмилалӣ оид ба шиноварӣ оғоз ёфт
«CAFA NATIONS CUP 2025». Дастаи мунтахаби Тоҷикистон бо дастаи Афғонистон бозӣ менамояд
Таҳкими ҳамкорӣ байни Тоҷикистон ва вилояти Форси Эрон дар бахши ҷавонон ва варзиш баррасӣ гардид
Дар Ҳисор мусобиқаи «CAFA Nations Сup 2025» дар гурӯҳи «В» оғоз мешавад
Ҳайати Кумитаи кор бо ҷавонон ва варзиши Тоҷикистон бо Академияи Кумитаи миллии олимпии Эрон шинос шуд
Барномаи иҷроии ҳамкорӣ байни Тоҷикистон ва Эрон дар соҳаи варзиш ва ҷавонон ба имзо расид
Бо иштироки ҷавонони Тоҷикистон ва Эрон ҳамоиш доир гардид