ФУТБОЛ. Аввалин бозии санҷишии ҷавонони Тоҷикистон дар Туркия мусовӣ анҷом ёфт

ДУШАНБЕ, 16.02.2022 /АМИТ «Ховар»/. Дастаи мунтахаби футболи ҷавонони то 20-солаи Тоҷикистон аввалин бозии санҷиширо дар доираи ҷамъомади таълимиву тамринӣ дар Туркия бо дастаи ҷавонони «Ворскла»- и Украина бо ҳисоби 0:0 анҷом дод, иттилоъ медиҳад шореҳи варзиши АМИТ «Ховар» бо истинод ба Федератсияи футболи Тоҷикистон.

Ин бозии санҷишӣ дар маҷмааи варзишии «Арслон Зекӣ Демирчӣ»-и шаҳри Сиде доир гардид.

Мавриди зикр кард, ки сармураббии дастаи мунтахаби ҷавонони то 20-солаи Тоҷикистон Аҳлиддин Турдиев, ки ин бозиро бо ду ҳайати мухталиф баргузор намуд, ҳамаи бозингарони дар ихтиёри даста бударо озмоиш кард.

Футболбозони ҷавони тоҷик дар бозии дуюми санҷишӣ дар Туркия имрӯз, 16 феврал, бо ҳамсолонашон аз Македонияи Шимолӣ рақобат мекунанд.

Бозии санҷишӣ

Тоҷикистон (U-20) – «Ворскла» (Украина, U-20) – 0:0

Тоҷикистон (U-20): Сафармад Ғаффоров (Шаҳобиддин Маҳмудзода, 69), Меҳрубони Абдурауф (Содиқҷон Қурбонов, 46), Раҳматшо Раҳматзода (Меҳрубон Каримов, 46), Шаҳриёри Иноятулло (Рӯзимуҳаммад Абдураҳмонов, 46), Фахриддин Аҳтамов (Асадбек Зиёзода, 46), Аббос Андалебов (Азизбек Ҳаитов, 46, Ҳамзаҷон Аҳтамов, 70), Абдулло Шарипов (Меҳроб Асоев, 46), Ҳамадонӣ Камолов (Кабир Салимшоев, 46), Фатҳулло Олимзода (Бежан Нишонбойзода, 46), Алиҷони Айнӣ (Хуршед Давлатзода, 46, Суннатулло Азизов, 72), Абдулфаттоҳ Худойдодзода (Азизбек Далиев, 60).

АКС: ФФТ