Кодекси нави андози Тоҷикистон ба соҳибкорон ва сармоягузорон муаррифӣ гардид
ДУШАНБЕ, 25.02.2022 /АМИТ «Ховар»/. Бо мақсади муаррифии Кодекси андози Ҷумҳурии Тоҷикистон дар таҳрири нав ба соҳибкорону сармоягузорон бо ташаббуси Кумитаи давлатии сармоягузорӣ ва идораи амволи давлатӣ дар ҳамбастагӣ бо Вазорати молия, Кумитаи андоз, Сафорати Ҷумҳурии Тоҷикистон дар Иёлоти Муттаҳидаи Амрико ва Шӯрои тиҷоратии ИМА ва Тоҷикистон бо аҳли намояндагии зиёда аз понздаҳ ширкати амрикоӣ дар шакли маҷозӣ мулоқот баргузор карда шуд.
Тавре ба АМИТ «Ховар» дар Кумитаи сармоягузорӣ ва идораи амволи давлатӣ хабар доданд, вохӯрӣ бо суханони ифтитоҳии муовини раиси Кумита Хуршедаи Қодир, Сафири Фавқулода ва Мухтори Ҷумҳурии Тоҷикистон дар Иёлоти Муттаҳидаи Амрико Фаррух Ҳамрализода ва директори иҷроияи Шӯрои тиҷоратии ИМА ва Тоҷикистон (USTJBC) Елена Сон оғоз шуда, дар робита ба ҳолати муносибати ҳамкории кишварҳо ва рушди густурдаи минбаъдаи онҳо табодули афкор анҷом дода шуд.
Дар вохӯрӣ зикр шуд, ки аз 1 январи соли 2022 дар ҷумҳурӣ Кодекси андоз дар таҳрири нав мавриди амал қарор гирифт, ки дар таҳияи он коршиносони маҳаллию байналмилалӣ, аз ҷумла Бонки ҷаҳонӣ, Хазинаи Байналмилалии Асъор, Бонки Осиёгии Рушд ва Бонки Аврупоии Таҷдид ва Рушд ва дигар шарикони тиҷоратӣ ҷалб гардиданд. Он дар заминаи омӯзиши таҷрибаи давлатҳои ҳамсоя тарҳрезӣ гардида, таклифу пешниҳодҳои намояндагони бахши хусусӣ, ассотсиатсияҳои соҳибкорӣ ва ташкилоти молиявӣ ба инобат гирифта шудаанд.
Изҳор гардид, ки ҳадаф аз таҳия ва қабули санад- ин ба равандҳои рушди иқтисодиёти ҷаҳонӣ дар самти рақамикунонии иқтисодиёт ҷавобгӯ намудани низоми андозбандии кишвар, сода ва оммафаҳм намудани муқаррароти он, муносибгардонии меъёрҳои андоз ва пешбинӣ гардидани имтиёзҳои иловагӣ барои бахши хусусӣ, ки дар маҷмӯъ мувозинатро миёни сиёсати фискалӣ ва ҳавасмандгардонии сармоягузорию бахши хусусӣ таъмин мекунад, маҳсуб мешавад.
Зимнан, намояндагони Кумитаи давлатии сармоягузорӣ ва идораи амволи давлатӣ, Кумитаи андоз ва Сафорати Ҷумҳурии Тоҷикистон дар ИМА оид ба муқаррароти маъмурикунонии расмиёти андоз, меъёрҳои андозӣ ва амалигардонии сиёсати раводиди Ҷумҳурии Тоҷикистон ба соҳибкорону сармоягузорони амрикоӣ рӯнамо манзур намуданд.
Дар ҷамъбаст зикр карда шуд, ки дар шароити имрӯза баргузор намудани чунин чорабиниҳо муҳим буда, дар назар аст, ки дар ояндаи наздик аз рӯи соҳаҳо байни бахши хусусии ду кишвар силсилавохӯриҳои маҷозӣ ташкил карда шаванд.
АКС аз бойгонии Кумитаи сармоягузорӣ ва идораи амволи давлатии ҶТ
Дар Душанбе нишасти нуздаҳуми Шурои роҳбарикунандаи СПЕКА баргузор гардид
Байни Агентии содироти Тоҷикистон ва Кумитаи рушди содироти Арабистони Саудӣ оид ба рушди содироти ғайринафтӣ Ёддошти тафоҳум ба имзо расид
Ҷаласаи гурӯҳи коршиносон оид ба ташкили бозори минтақавии неруи барқи мамлакатҳои Созмони ҳамкории иқтисодӣ баргузор шуд
Сулаймон Султонзода дар Нишасти дуюми вазирони мақомоти ҳифзи ҳуқуқи давлатҳои аъзои Созмони ҳамкории исломӣ иштирок намуд
Имсол аз Тоҷикистон беш аз ҳазор тонна хуч ба хориҷи мамлакат содирот гардидааст
Дар Риёз ҷаласаи чоруми Кумитаи муштараки Тоҷикистон ва Арабистони Саудӣ оид ба ҳамкории иқтисодӣ, тиҷоратӣ ва сармоягузорӣ доир гардид
Дар шаҳри Кӯлоб филиали «Саноатсодиротбонк» ифтитоҳ гардид
Таҷрибаи Ҷумҳурии Корея оид ба истифодаи технологияҳои ҳушманд дар соҳаи кишоварзӣ дар ноҳияҳои Тоҷикистон баррасӣ гардид
Вазири энергетикаи Тоҷикистон дар Риёз дар чорабинии канорӣ оид ба диверсификатсияи манбаъҳои энергия иштирок намуд
Конфронси 28-уми байналмилалии сармоягузорӣ дар шаҳри Риёзи Подшоҳии Арабистони Саудӣ ба анҷом расид
Дар шаҳри Риёз ҳамоиши доираҳои тиҷоратию сармоягузории Тоҷикистон ва Арабистони Саудӣ баргузор гардид
Байни Вазорати кишоварзии Тоҷикистон ва Вазорати муҳити зист, об ва кишоварзии Подшоҳии Арабистони Саудӣ Ёддошти тафоҳум ба имзо расид
