Прокуратураи генералии Тоҷикистон нисбат ба сарҳадбонони Қирғизистон парвандаи ҷиноятӣ боз намудааст
ДУШАНБЕ, 03.02.2022 /АМИТ «Ховар»/. Прокуратураи генералии Тоҷикистон баъди даргирии мусаллаҳона дар сарҳад, ки 27 январ рух дод, нисбат ба сарҳадбонони Қирғизистон парвандаи ҷиноӣ боз намудааст. Дар ин бора дирӯз зимни нишасти матбуотӣ прокурори генералии ҷумҳурӣ Юсуф Раҳмон хабар дод.
«Дар робита ба ҳодисаҳои охири сарҳадӣ Прокуратураи генералии Тоҷикистон парвандаи ҷиноятӣ боз кардааст. Ба сарҳадбонон ва чанд шаҳрванди дигари Қирғизистон барои содир намудани ҷиноятҳои муайян айб эълон шуда, тафтиш ҷараён дорад», — гуфт прокурори генералӣ. Ба гуфтаи ӯ, дар пайи муноқишаи марзӣ, ки моҳи апрели соли 2021 рух дода буд, низ парванда боз шуда, бархе афрод муайян ва боздошт шуданд ва баъзеи дигар дар ҷустуҷӯ қарор доранд. «Агар боздошт шаванд, мо онҳоро ҳатман ба ҷавобгарӣ мекашем», — таъкид намуд Юсуф Раҳмон.
Ёдовар мешавем, ки қаблан дар қитъаи сарҳадии Тоҷикистон ва Қирғизистон миёни марзбонони ду кишвар муноқиша рух дода буд. Тавре ба АМИТ «Ховар» аз маркази матбуоти Қӯшунҳои сарҳадии Кумитаи давлатии амнияти миллии Тоҷикистон иттилоъ доданд, 27 январи соли 2022, тахминан соати 18:40 дар чорроҳаи Зарафшонӣ ва маҳаллаи Сомониёни Ҷамоати деҳоти Чоркӯҳи шаҳри Исфара миёни сарҳадбонони Ҷумҳурии Тоҷикистон ва Ҷумҳурии Қирғизистон муноқишаи мусаллаҳона ба амал омад, ки дар натиҷа аз ҷониби Тоҷикистон 10 нафар, аз ҷумла 6 низомӣ ва 4 ғайринизомӣ ҷароҳат бардоштанд. Ба ҷуз ин, ду нафар шаҳрвандони Ҷумҳурии Тоҷикистон, яке Тӯйчиев Обидҷон, соли таваллудаш 1986, сокини Ҷамоати деҳоти Хоҷаи Аъло, ки бар асари таркиши миномёт аз ҷониби низомиёни қирғиз дар ҳавлиаш кушта шуд ва нафари дигар- Шарипов Абдулатиф Рабиевич, соли таваллудаш 1964, ронандаи шуъбаи кумаки аввалини тиббии беморхонаи шаҳри Исфара ҳангоми наҷот додани мардуми осоиштаи деҳаи Хоҷаи Аъло аз таркиши миномётҳои ҷониби Қирғизистон ба ҳалокат расиданд.
27 январ раисони кумитаҳои давлатии амнияти миллии Тоҷикистон Саймумин Ятимов ва Қирғизистон Қамчибек Ташиев дар минтақаи марзии ду кишвар, ки муноқиша ба вуҷуд омадааст, дидору гуфтугӯ анҷом доданд. Пас аз як рӯз дар ҳудуди Ҷамоати деҳоти Сурхи шаҳри Исфара ҷаласаи гурӯҳи кории мақомоти салоҳиятдори Тоҷикистон ва Қирғизистон баргузор шуд.
Дар айни замон вазъият дар сарҳади Тоҷикистон ва Қирғизистон муътадил буда, аз ҷониби комиссияи муштараки сохторҳои дахлдори ҳарду ҷониб сабаб ва омилҳои муноқишаи марзӣ омӯхта шуда истодаанд.
АКС: АМИТ «Ховар»
35 тавсифи пурарзиши Президенти Тоҷикистон дар ситоиши Истиқлолияти давлатӣ
ИСТИҚЛОЛИЯТ — РАМЗИ САОДАТ ВА АСОЛАТИ МИЛЛАТ. Тавсифҳои истиқлолият аз суханҳои пурарзиши Президенти Тоҷикистон
НУРИ ХУРШЕДИ ИСТИҚЛОЛ ТО АБАД РАВШАНГАРИ ҲАЁТИ ҶОМЕАИ МО БОД! Тавсифҳои истиқлолият аз суханҳои пурарзиши Президенти Тоҷикистон
ИСТИҚЛОЛУ ОЗОДӢ — РАМЗИ ВОҚЕИИ ИФТИХОР АЗ ВАТАНУ ВАТАНДӮСТӢ. Тавсифҳои истиқлолият аз суханҳои пурарзиши Президенти Тоҷикистон
ИСТИҚЛОЛИЯТ — МАРҲАЛАИ СИФАТАН НАВИ РУШДИ ТОҶИКИСТОН. Тавсифҳои истиқлолият аз суханҳои пурарзиши Президенти Тоҷикистон
ИСТИҚЛОЛИЯТ — РАМЗИ БАРҶАСТАИ ПОЙДОРИИ ДАВЛАТ. Андешаҳои Президенти Ҷумҳурии Тоҷикистон муҳтарам Эмомалӣ Раҳмон доир ба Истиқлолияти давлатӣ
ҶОИЗАИ БАЙНАЛМИЛАЛИИ ПРЕЗИДЕНТИ ТОҶИКИСТОН ДАР СОҲАИ ОБ–ВАСИЛАИ ТАҲКИМИ ДИПЛОМАТИЯИ ОБ ДАР ҶАҲОН. Андешаҳо дар ин маврид
ТИРГОН ШЕБУ ФАРОЗИ САДСОЛАҲОРО ГУЗАШТА, ТО БА РӮЗГОРИ МО РАСИДААСТ. Иқтибосҳо аз суханрониҳои Президенти Тоҷикистон ба муносибати ин ҷашн
Соли 2027 дар Тоҷикистон Конфронси байналмилалӣ доир ба Даҳсолаи байналмилалӣ оид ба таҳкими сулҳ барои наслҳои оянда баргузор мешавад
Фиристодаи махсуси СММ: «Давлатҳо бояд сиёсатҳо ва амалҳоро тағйир дода, сармоягузорӣ ва татбиқи лоиҳаҳоро дар соҳаи идораи захираҳои обӣ ба роҳ монанд»
Ҷоизаи байналмилалии Президенти Ҷумҳурии Тоҷикистон дар соҳаи об таъсис дода шуд
Сарвазири Бурунди: «Тоҷикистон ба маркази муколамаи глобалӣ оид ба масъалаҳои об табдил ёфтааст»
