Шералӣ Кабир ва Шенни Кэмпбел рушди иқтисоди Тоҷикистонро баррасӣ намуданд
ДУШАНБЕ, 25.02.2022 /АМИТ «Ховар»/. Масъалаҳои дорои аҳамияти стратегӣ барои рушди иқтисоди Тоҷикистон зимни мулоқоти Вазири саноат ва технологияҳои нави Ҷумҳурии Тоҷикистон Шералӣ Кабир ва намояндаи Бонки Осиёии Рушд дар Тоҷикистон Шенни Кэмпбелл баррасӣ шуданд. Дар ин бора ба АМИТ «Ховар» дар маркази матбуоти вазорати мазкур хабар доданд.
Шералӣ Кабир зикр намуд, ки Тоҷикистон барои рушди саноат ва фанновариҳои нав дар бахшҳое, назири пахтакорӣ, истихроҷи маъдан, саноати хӯрокворӣ ва сабук зарфияти кофӣ дорад. Ӯ суръати афзоиши саноати кишварро зикр намуда, изҳор дошт, ки аллакай ҳоло метавон тасдиқ кард, ки ҳамаи нақшаҳо комилан иҷрошавандаанд.
Вазир таъкид намуд, ки муҳимтарин захираи Тоҷикистон мардуми он аст. Шералӣ Кабир бо истинод ба маълумоти оморӣ ба меҳмон иттилоъ дод, ки қариб 70%-и аҳолии кишварро ҷавонони то 35-сола ташкил медиҳанд. Бо назардошти ин, пешниҳод шудааст, ки барои таҳияи фанҳои мубрам, аз қабили “Технологияҳои иттилоотӣ” ва “Зеҳни сунъӣ” бо истифода аз усулҳои муосири таълим ва таҷҳизоти технологӣ курсҳои омодагӣ ташкил карда шаванд.
Дар заминаи пешниҳоди худ вазир аз сафари кориаш ба Ҷумҳурии Туркия мисол оварда, зикр намуд, ки дар мактабҳои махсус бо истифода аз технологияҳои нав дар муддати кӯтоҳ ихтисосҳои гуногуни сохтмонӣ, ки ҷавобгӯи меъёрҳои байналмилалиянд, таълим дода мешаванд. Таҷрибаи кишварҳои ҳамсоя дар бунёди марказ ва паркҳои технологӣ низ баррасӣ гардид.
Зикр карда шуд, ки Пешвои миллат муҳтарам Эмомалӣ Раҳмон солҳои 2022-2026-ро Солҳои рушди саноат эълон намуда, роҳбарияти Вазорати саноат ва технологияҳои нави Ҷумҳурии Тоҷикистонро вазифадор намуданд, ки иҷрои муҳимтарин вазифаҳои стратегиро таъмин намояд.
Қарор қабул шуд, ки бо мақсади омода намудани харитаи роҳ барои татбиқи лоиҳаҳои ояндадор ва судманд гурӯҳи кории муштараки Вазорати саноат ва технологияҳои нав дар Ҷумҳурии Тоҷикистон ва намояндагии Бонки Осиёии Рушд дар Тоҷикистон таъсис дода шавад.
АКС: Вазорати саноат ва технологияҳои нави ҶТ
Бонки миллии Тоҷикистон вазъи бозори дохилии асъор ва сиёсати қурбиро шарҳ дод
Раёсат дар Шурои иқтисодии Иттиҳоди Давлатҳои Мустақил дар соли 2025 ба ҷониби Тоҷикистон гузашт
Созмони ҷаҳонии сайёҳӣ: «Тоҷикистон аз ҳисоби афзоиши теъдоди ҷаҳонгардон ба мамлакат дар зинаи сеюм қарор гирифт»
Аз шаҳри Душанбе ба самти Давҳа парвозҳо оғоз гардиданд
Дар Душанбе нишасти нуздаҳуми Шурои роҳбарикунандаи СПЕКА баргузор гардид
Байни Агентии содироти Тоҷикистон ва Кумитаи рушди содироти Арабистони Саудӣ оид ба рушди содироти ғайринафтӣ Ёддошти тафоҳум ба имзо расид
Ҷаласаи гурӯҳи коршиносон оид ба ташкили бозори минтақавии неруи барқи мамлакатҳои Созмони ҳамкории иқтисодӣ баргузор шуд
Сулаймон Султонзода дар Нишасти дуюми вазирони мақомоти ҳифзи ҳуқуқи давлатҳои аъзои Созмони ҳамкории исломӣ иштирок намуд
Имсол аз Тоҷикистон беш аз ҳазор тонна хуч ба хориҷи мамлакат содирот гардидааст
Дар Риёз ҷаласаи чоруми Кумитаи муштараки Тоҷикистон ва Арабистони Саудӣ оид ба ҳамкории иқтисодӣ, тиҷоратӣ ва сармоягузорӣ доир гардид
Дар шаҳри Кӯлоб филиали «Саноатсодиротбонк» ифтитоҳ гардид
Таҷрибаи Ҷумҳурии Корея оид ба истифодаи технологияҳои ҳушманд дар соҳаи кишоварзӣ дар ноҳияҳои Тоҷикистон баррасӣ гардид
