2 апрел Фестивали ҷумҳуриявии «Ҳафтаи китоби кӯдакону наврасони Тоҷикистон» оғоз мешавад

Март 30, 2022 13:33

ДУШАНБЕ, 30.03.2022 /АМИТ «Ховар»/.  Аз 2 то 9 апрел дар ҷумҳурӣ Фестивали ҷумҳуриявии «Ҳафтаи китоби кӯдакону наврасони Тоҷикистон» таҳти унвони «Аниси кунҷи танҳоӣ китоб аст!» баргузор мегардад, иттилоъ доданд ба АМИТ «Ховар» дар маркази матбуоти Вазорати фарҳанги мамлакат.

Фестивали мазкур бо ташаббуси Вазорати фарҳанги Ҷумҳурии Тоҷикистон ва бо иштироки адибон, олимон, коршиносони соҳа дар шаҳри Душанбе ва шаҳру ноҳияҳои тобеи ҷумҳурӣ тӯли як ҳафта доир мегардад.

Фестивал 2 апрел, соати 10.00 дар Китобхонаи давлатии бачагонаи ҷумҳуриявии ба номи Мирсаид Миршакар бо намоиши китобии «Аниси кунҷи танҳоӣ китоб аст!», намоиши дастранҷи кӯдакону наврасон, намоиш-фурӯши китобҳои тозанашр, намоиши «Лаҳзаҳо аз фестивал», намоишҳои Театри давлатии ҷумҳуриявии «Лӯхтак» ва Сирки давлатии Тоҷикистон оғоз мешавад.

Идомаи фестивал 3 апрел, соати 10.00 дар Қасри фарҳанги ноҳияи Шаҳринав, Муассисаи таълимии миёнаи умумии № 32 ноҳияи Сино, соати 11.00 дар Муассисаи таълимит миёнаи умумии № 16 ноҳияи Шоҳмансури шаҳри Душанбе ва соати 14.00 дар Китобхонаи марказии шаҳри Турсунзода доир мегардад.

4 апрел, соати 10.00 дар Қасри фарҳанги ноҳияи Файзобод, Муассисаи  таълимии миёнаи умумии № 1 ноҳияи И. Сомонии пойтахт ва соати 14.00 дар Қасри фарҳанги шаҳри Роғун барномаҳо бахшида ба иди китоб идома меёбанд.

5 апрел, соати 10.00 дар Китобхона-филиали №10 ноҳияи Варзоб ва соати 11.00 дар Муассисаи таълимии миёнаи умумии №17 ноҳияи Фирдавсии шаҳри Душанбе ҳафтаи китоби кӯдакону наврасонро таҷлил менамоянд.

Фестивал 6 апрел, соати 10.00 дар Кохи маърифати шаҳри Ваҳдат, Муассисаи таълимии миёнаи умумии №55 –и ноҳияи Шоҳмансур ва соати 11.00 дар Муассисаи таълимии миёнаи умумии №33-и ноҳияи Синои пойтахт идома меёбад.

Барномаҳои маърифатии фестивал 7 апрел, соати 10.00 дар Китобхонаи марказии шаҳри Ҳисор ва соати 11.00 дар Мактаб-интернати № 1-и шаҳри Душанбе сурат мегиранд.

8 апрел, соати 10.00 дар Қасри фарҳанги ноҳияи Рӯдакӣ, Муассисаи таълимии миёнаи умумии № 51-и ноҳияи Фирдавсӣ ва соати 11.00 дар Муассисаи таълимии миёнаи умумии № 70-и ноҳияи И. Сомонии шаҳри Душанбе маҳфилҳои китобхонию маърифатӣ доир мегарданд.

Фестивали ҷумҳуриявии «Ҳафтаи китоби кӯдакону наврасони Тоҷикистон»  9 апрел, соати 13.00 дар Муассисаи давлатии «Маркази кӯдакону наврасони шаҳри Душанбе» бо намоиши барномаи фарҳангӣ, намоиши китобҳо ва супоридани туҳфаҳо ба иштирокчиёни фаъол ҷамъбаст мегардад.

АКС: Вазорати фарҳанги ҶТ

Март 30, 2022 13:33

Хабарҳои дигари ин бахш

Имрӯз даври ниҳоии Озмуни ҷумҳуриявии «Илм–фурӯғи маърифат» оғоз мегардад
Рӯзи дарҳои кушоди Академияи хурди илмҳои Тоҷикистон баргузор шуд
КИТОБ-МУАРРИФИ ДАСТОВАРДҲОИ АДИБОН. Бардошт аз баргузории Намоишгоҳи байналмилалии «Китоби Душанбе»
Байни «Тоҷикфилм» ва шаш киностудияи кишварҳои ИДМ ва хориҷи наздик Ёддошти тафоҳум ба имзо расид
Намоишгоҳи байналмилалии «Китоби Душанбе» оғоз гардид
Шоҳҷоизаи Синамоҷашнвораи дуюми байналмилалии «Тоҷи Сомон»-ро коргардони тоҷик Муҳиддин Музаффар соҳиб шуд
«КИТОБИ ДУШАНБЕ». Пагоҳ дар Душанбе намоиши сенздаҳуми байналмилалӣ оғоз мегардад
Эмомалӣ Раҳмон: «Таҷлили Меҳргон далели эҳтиром ба фарҳанги қадима ва суннатҳои созандаи миллати тоҷик аст»
Имрӯз дар Фестивали «Оши палов» намудҳои гуногуни ин таоми миллӣ омода карда шуданд
СЕБҲОИ ТОҶИКИСТОН БО ТАМЪИ ЛАЗИЗАШОН МАШҲУРАНД. Дар Душанбе Иди себ ва ангур таҷлил гардид
Дар Душанбе Иди Меҳргон ба таври тантанавӣ таҷлил гардид
Имрӯз ҷашни Меҳргон бо баргузории Фестивал-намоиши маҳсулот ва техникаи кишоварзӣ оғоз мегардад