Ҷаласаи ҳисоботии хатмкунандагони лоиҳаи JDS- омоданамоии мутахассисони Тоҷикистон дар донишгоҳҳои Япония доир гардид
ДУШАНБЕ, 10.03.2022. /АМИТ «Ховар»/. Дар шаҳри Душанбе ҷаласаи ҳисоботии хатмкунандагони гурӯҳи 11-уми лоиҳаи JDS барои омода намудани мутахассисон, хизматчиёни давлатии Тоҷикистон бо фаро гирифтан ба таҳсил дар магистратура ва докторантура дар донишгоҳҳои Япония баргузор гардид, иттилоъ доданд дар Агентии хизмати давлатии назди Президенти Ҷумҳурии Тоҷикистон ба АМИТ «Ховар».
Дар он муовини директори Агентии хизмати давлатии назди Президенти Ҷумҳурии Тоҷикистон Дилноза Аҳмадзода, Сафири Фавқулода ва Мухтори Япония Тошиҳиро Аики, муовини роҳбари намояндагии Агентии ҳамкории байналмилалии Япония дар Тоҷикистон Кикучи Такеши ва масъулини хадамоти кадрии вазорату идораҳои калидӣ ва ҳамкор бо лоиҳаи мазкур иштирок намуданд.
Зикр шуд, ки дар доираи лоиҳаи JDS барои омода намудани мутахассисон, хизматчиёни давлатии Тоҷикистон давоми солҳои 2009-2021 90 нафар мутахассисон барои таҳсил ба магистратура ва докторантураи донишгоҳҳои Япония фиристода шуданд ва имрӯз дар зинаҳои мухталифи хизмати давлатӣ баҳри рушди ҷомеа фаъолият доранд.
Таъкид шуд, ки сиёсати давлатии кадрҳо дар сиёсати иҷтимоии Ҷумҳурии Тоҷикистон мақоми афзалиятнок дорад ва маҳз бо дарназардошти аҳамияти масъалаи мазкур Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон зимни ироаи Паёми навбатӣ ба Маҷлиси Олии Ҷумҳурии Тоҷикистон (21.12.2021) изҳор намуданд, ки “дар даврони соҳибистиқлолӣ мо бунёди маорифи миллӣ ва ворид гардидан ба фазои таҳсилоти байналмилалиро ҳадафи муҳимтарин ва самти афзалиятноки сиёсати иҷтимоии давлат ва Ҳукумати мамлакат қарор додем, зеро мо чунин мешуморем, ки бунёди миллат аз маориф оғоз меёбад ва ғамхорӣ нисбат ба маориф – сармоягузорӣ барои рушди неруи инсонӣ ва ояндаи ободи давлат ва Ватан мебошад”.
Баъдан тибқи барнома хатмкунандагони гурӯҳи 11-уми лоиҳаи JDS- корманди Бонки миллии Тоҷикистон Масрур Қурбонализода, хатмкунандаи Донишгоҳи Осиё ва Уқёнуси ороми Ритсумейкаи Япония, мутахассиси мақомоти иҷроияи ҳокимияти давлатии ВМКБ Анастасия Шукрикова, хатмкунандаи Донишгоҳи Осиё ва Уқёнуси ороми Ритсумейкаи Япония, корманди Агентии омори назди Президенти Ҷумҳурии Тоҷикистон Қиёмиддин Ташрифзода ва дигарон бо рӯнамоии ҳисоботӣ ва пешниҳоди корҳои таҳқиқотӣ-илмии анҷомдода аз рӯи соҳаҳои муталиф ва афзалиятнок сухан гуфтанд.
АКС: Агентии хизмати давлатии назди Президенти Ҷумҳурии Тоҷикистон
ЗАБОНИ ТОҶИКӢ — ЗАБОНИ ЛАТИФУ НАФИС ВА ГУВОРО. Ҷойгоҳи он дар таҳкими мафҳумҳои иқтисодӣ назаррас аст
Гирандагони Шоҳҷоизаи Озмуни ҷумҳуриявии «Тоҷикистон – Ватани азизи ман» дар соли 2025 муайян карда шуданд
Дар Осорхонаи миллии Тоҷикистон аз ҷониби Осорхонаи таърихи тиҷорати Гунди Шопури Эрон намоиши осори замони Сомониён ташкил мегардад
Маросими ҷоизасупорӣ ба ғолибони Озмуни ҷумҳуриявии «Тоҷикистон – Ватани азизи ман» оғоз гардид
Нишасти Платформаи шарикии байни Ҷумҳурии Тоҷикистон ва САҲА доир шуд
Даври сеюми Озмуни ҷумҳуриявии «Тараннуми Ватан» баргузор гардид
Забони тоҷикӣ садсолаҳост рафтори нек, гуфтори неку пиндори некро таблиғ менамояд, — бардошт аз конференсияи ҷумҳуриявӣ
Пагоҳ маросими ҷоизасупорӣ ба ғолибони Озмуни ҷумҳуриявии «Тоҷикистон – Ватани азизи ман» баргузор мегардад
«ПЕШВОИ МИЛЛАТ ВА МАСЪАЛАҲОИ РУШДИ ЗАБОНИ ДАВЛАТӢ». Таҳти ин унвон конференсияи ҷумҳуриявӣ доир шуд
Маликшо Неъматзода: «Имрӯзҳо бо забони тоҷикӣ зиёда аз 150 миллион нафар одамон дар як қатор кишварҳои олам муошират менамоянд»
Бахшида ба Рӯзи забони давлатӣ конференсияи илмию амалии ҷумҳуриявӣ баргузор мегардад
Ғолибони Озмуни ҷумҳуриявии «Донандаи беҳтарини асарҳои Пешвои миллат» қадрдонӣ гардиданд
