Анзор Кавазашвили пешниҳод кард, ки футболбозони тоҷик ба дастаи мунтахаби ИДМ шомил шаванд

Март 30, 2022 14:28

ДУШАНБЕ, 30.03.2022 /АМИТ «Ховар»/. Собиқ дарвозабони дастаи футболи «Спартак»-и Москва ва дастаи мунтахаби ИҶШС Анзор Кавазашвили дар бораи пешниҳодаш ба Иттифоқи футболи Русия оид ба ташкили дастаи мунтахаби ИДМ, ки ба он намояндагони Точикистон низ дохил хоҳанд шуд, изҳори назар намуд.

«Пешниҳоди дигаре ҳаст, ки ман ба Иттифоқи футболи Русия дар бораи таъсиси дастаи мунтахаби кишварҳои ИДМ (Узбекистон, Тоҷикистон, Қазоқистон, Арманистон, Озарбойҷон ва ҳатто Гурҷистон) ирсол намудам. Кӯшиш карда, аз ҳар кишвар як мураббӣ гирифта шавад ва аз онҳо ҳайати мураббиён ташкил гардад. Кӯшиш бояд кард, ки 9 ё 1 май дар варзишгоҳи «Лужники» бозии санҷишии тиҷоратӣ бо мукофоти калон гузаронида шавад. Ин барои он зарур аст, ки мардум бинанд, ки Иттифоқи футболи Русия таслим нашудааст. Бозӣ бояд сиёсӣ бошад, то дар ҷаҳон ақидаи муайяне ба вуҷуд орад, ки мо дилгир намешавем ва ҳамеша спарринг-шарикон пайдо хоҳем кард», — гуфт Кавазашвилӣ ба «Комсомольская правда».

ДАР АКС: Пеле ва Анзор Кавазашвили баъди бозии дӯстона байни дастаҳои мунтахаби ИҶШС ва Бразилия, соли 1965. Акс: © Владимир Мусаэлян/ТАСС

Ёдовар мешавем, ки соли 1992 дастаи мунтахаби футболи ИДМ — вориси дастаи ИҶШС мавҷуд буд. Дар ҳайати он футболбозони Латвия, Литва ва Эстония бозӣ намекарданд, зеро ин кишварҳо узви ИДМ набуданд ва аллакай дастаҳои мунтахаби худро ташкил карда буданд. Дар баробари ин намояндаи Гурҷистон, ки соли 1992 дар ҳайати ИДМ набуд, дар ин мунтахаб бозӣ мекард, ки он Кахабер Тсхададзе буд. Дар ҳайати мунтахаб футболбозони Тоҷикистон набуданд — бозингарони маъруфи «Помир»-и Душанбе  Андрей Мананников, Абдулло Муродов, Рашид Раҳимов, Алексей Чередник, Вазген Манасян, Олег Ширинбеков, Муҳсин Муҳаммадиев ва дигарон аллакай ба дастаҳои кишварҳои дигар даъват шуда буданд.

Дастаи мунтахаби ИДМ дар чемпионати Аврупо оид ба футбол соли 1992 дар Шветсия ба ҷойи мунтахаби ИҶШС, ки ба ин мусобиқа роҳхат гирифта буд, ширкат кард ва зери парчами сафед, ки дар он бо забони англисӣ C.I.S. (Commonwealth of Independent States) навишта шуда буд, бозӣ намуд ва ба ҷойи гимн пеш аз вохӯрӣ қисми хотимавии симфонияи 9-уми Бетховен садо дод. Анатолий Бишоветс мураббии дастаи мунтахаби ИДМ буд.

АКС аз бойгонӣ

Март 30, 2022 14:28

Хабарҳои дигари ин бахш

Дар вилояти Суғд мусобиқаҳои миллии пойга ва бузкашӣ баргузор шуд
ФУТБОЛ. Дастаи мунтахаби наврасони Тоҷикистон (U-17) бо ҳамсолони худ аз Қатар бозии дӯстона доир намуд
Моҳи март бахшида ба Ҷашни байналмилалалии Наврӯз дар Тоҷикистон мусобиқаҳои гуногуни варзишӣ доир мегарданд
Дар вилояти Суғд мусобиқаи байналмилалии дӯстонаи варзишӣ аз намуди камонварӣ оғоз гардид
ФУТБОЛ. Дастаи мунтахаби наврасони то 17-солаи Тоҷикистон барои ҷамъомади тамринӣ ба Қатар рафт
Байни «Саноатсодиротбонк» ва Клуби футболи «Истиқлол» созишномаи ҳамкорӣ ба имзо расид
Дар шаҳри Панҷакент мусобиқаи байналмилалии гӯштингирӣ баргузор мешавад
ФУТБОЛ. Дастаи духтаронаи Тоҷикистон (U-17) дар чемпионати CAFA-2025 иштирок менамояд
ФУТБОЛ. Тоҷикистон мизбони марҳилаи интихобии Ҷоми Осиё-2026 байни дастаҳои мунтахаби занон интихоб шуд
Зуҳал Хуҷаназарова нахустин маротиба дар бозии Лигаи қаҳрамонҳои элитаи Осиё-2024/2025 ба ҳайси нозир фаъолият менамояд
Тоҷикистон, Узбекистон ва Қирғизистон барои мизбонии Ҷоми Осиё-2031 пешниҳоди муштарак ирсол менамоянд
Дастаи «Истиқлол» барандаи Ҷоми Федератсияи футболи Тоҷикистон-2025 гардид