ЧЕМПИОНАТИ ОСИЁ ОИД БА ВЕЛОСИПЕДРОНӢ. Ғолибони рӯзи чорум муайян шуданд

Март 29, 2022 09:32

ДУШАНБЕ, 29.03.2022 /АМИТ «Ховар»/. 28 март дар доираи Чемпионати Осиё оид ба велосипедронӣ дар шоҳроҳ, ки 25 март дар шаҳри Душанбе оғоз гардид, мо шоҳиди се сабқат миёни ҷавонон гардидем, иттилоъ медиҳад шореҳи варзиши АМИТ «Ховар» бо истинод ба Кумитаи миллии олимпии Тоҷикистон.

Дар ин рӯз бонувони ҷавон дар масофаи 61км, бонувони то 23-сола дар масофаи 111км ва ҷавонписарон дар  масофаи 130км сабқат карданд.

Миёни бонувони ҷавон ва ҷавонписарон варзишгарони Узбекистон София Каримова ва Самандар Султонов ғалаба карданд. Миёни ҷавонони то 23-сола намояндаи Қазоқистон Глеб Бруссенский пирӯз шуд.

Дар рӯзи чорум миёни бонувон ду варзишгари тоҷик Гулшан Қурбонова, Гулширин Ҷумақулиева, миёни ҷавонписарон Наҷибулло Рустамов, Ҷамолиддини Ҷумахон, Фирдавсҷон Қодиров, Абдусамад Одилов ва миёни ҷавонписарони то 23-сола Манучеҳр Юнусов, Манучеҳр Абдуллоев, Хуршед Маҳмадалиев, Муҳаммадҷон Азизов иштирок карданд. Натиҷаи беҳтарро Наҷибулло нишон дод. Ӯ масофаи 111 километрро бо натиҷаи 3:21:06 тай намуда, миёни 32 нафари иштирокчӣ ҷои 10-умро ишғол кард. Манучеҳр бо натиҷаи 3:21:06 миёни 32 нафар 16-ум шуда, ба марра расид.

Чемпионати Осиё оид ба велосипедронӣ дар шоҳроҳ

Натиҷаҳои рӯзи чорум

Мусобиқаи инфиродии умумӣ, ҷавондухтарон, 61км
1. София Каримова (Узбекистон), 1:36:45
2. Алина Спирина (Қазоқистон), 1:36:45
3. Даря Казакбай (Қазоқистон), 1:40:39

Мусобиқаи инфиродии умумӣ, ҷавонписарон, 111км
1. Самандар Султонов (Узбекистон), 2:47:13
2. Максим Тараскин (Қазоқистон), 2:47:13
3. Иля Карабутов (Қазоқистон), 2:56:50

Мусобиқаи инфиродии умумӣ, ҷавонписарони то 23-сола, 130км
1. Глеб Бруссенский (Қазоқистон), 3:10:42
2. Даниил Пренский (Қазоқистон), 3:10:42
3. Николас Винокуров (Қазоқистон), 3:10:42

Мусобиқаҳои оянда:

29 март
Мусобиқаи инфиродии умумӣ, занҳо (111км)
Мусобиқаи инфиродии умумӣ, занҳо, U-23 (111км)
Мусобиқаи инфиродии умумӣ, мардҳо (175км)

30 март
Мусобиқаи инфиродии умумӣ, мардҳо, дӯстдорон ва устодони варзиши велосипедронӣ (111км)

 

АКСҲО: КМО Тоҷикистон

Март 29, 2022 09:32

Хабарҳои дигари ин бахш

Бахшида ба Рӯзи варзишгарон дар Панҷакент майдончаи муосири варзишӣ ба истифода дода шуд
Дар Ниммарафони байналмилалии экологии кӯҳии «Seven Lakes» варзишгарони 10 давлати ҷаҳон иштирок намуданд
Ноибони Президенти ФФТ бо ҳолати омодагии варзишгоҳҳои шаҳри Ҳисор ба мусобиқаҳои байналмилалӣ шинос шуданд
Соли 2025 варзишгарони Тоҷикистон дар мусобиқаҳои байналмилалӣ 238 медал ба даст оварданд
НИШАСТИ МАТБУОТӢ. Донишҷӯёни Донишкадаи тарбияи ҷисмонӣ дар мусобиқаҳои байналмилалӣ соҳиби 26 медал шуданд
Таеквондочиёни тоҷик дар Чемпионати Осиё дар Малайзия ду медали биринҷӣ ба даст оварданд
Паҳлавонони тоҷик «Ulaanbaatar Grand Slam-2025»-ро бо як медали нуқра ҷамбаст намуданд
Марҳилаи якуми даврҳои омӯзишӣ оид ба барномаи литсензияи «B» идома дорад
Имрӯз мусобиқаи байналмилалии «Ulaanbaatar Grand Slam-2025» оид ба гӯштини ҷудо оғоз меёбад
Дар Чемпионати ҷаҳон оид ба варзиши намудҳои обӣ 2 варзишгари Тоҷикистон иштирок менамоянд
Бозии интихобии Ҷоми Осиё-2027 байни Тоҷикистон ва Малдив дар Хуҷанд баргузор мешавад
Тоҷикистон бозиҳои марҳилаи интихобии Ҷоми Осиё-2026 байни духтарони то 17-соларо мизбонӣ менамояд