ДӮСТИИ ҶАВОНОНИ ҶАҲОН ПОЯНДА БОД! Дар шаҳру ноҳияҳои Норак, Данғара ва Темурмалик Фестивали ҷавонони хориҷӣ доир шуд
ДУШАНБЕ, 18.03.22022. /АМИТ «Ховар»/. Бахшида ба ҷашни байналмилалии Наврӯз 17-18 март бо ташаббуси Кумитаи кор бо ҷавонон ва варзиши назди Ҳукумати Ҷумҳурии Тоҷикистон дар шаҳру ноҳияҳои Норак, Данғара ва Темурмалики вилояти Хатлон бо ҳамкорӣ ва мусоидати мақомоти иҷроияи ҳокимияти давлатии шаҳру ноҳияҳои ҷумҳурӣ таҳти унвони «Дӯстии ҷавонони ҷаҳон поянда бод» бо иштироки донишҷӯёни хориҷие, ки дар Тоҷикистон таҳсил доранд ва ҷавонони минтақаҳои ҷумҳурӣ Фестивали чоруми дӯстии ҷавонони хориҷӣ баргузор гардид.
Тавре дар Кумитаи кор бо ҷавонон ва варзиши назди Ҳукумати Ҷумҳурии Тоҷикистон хабар доданд, баргузории ин фестивал имкон дод, то ҷавонони гуногункасб дар як муҳит ҷамъ омада, аз бурду бохт ва дастовардҳои хеш барои ҳамсолон ва ҳамкасбон ибрози андеша намоянд, бо расму оин ва анъанаҳои таҷлили Наврӯз, фарҳангу тамаддуни бою пурғановат ва русуми меҳмоннавозии миллати тоҷик ошноӣ пайдо намуда, дӯстиву рафоқат ва ҳамдилию ҳамбастагӣ миёни онҳо қавӣ гардад. Ин майдон шароити мусоиди табодули маълумот, таҷрибаомўзӣ, шиносоӣ, фароғат, таҳкими дўстӣ, ҷаҳонбинӣ ва оғози ҳамкории навро барои ҷавонони кишварҳои гуногун фароҳам меорад.
Дар фестивали мазкур намояндагон аз кишварҳои гуногуни дунё, аз ҷумла, Русия, Чин, Қирғизистон, Қазоқистон, Узбекистон, Ҳиндустон, Туркманистон, Афғонистон, Беларус, Непал, Финландия, Покистон, Канада, дар умум 50 нафар ҷавонони хориҷӣ ва 80 нафар ҷавонони манотиқи ҷумҳурӣ иштирок намуданд.
Дар қисмати асосии фестивал, ки субҳи имрӯз дар Ҷамоати деҳоти Кангурти ноҳияи Темурмалик баргузор гардид, раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон Абдулло Раҳмонзода ҳамаи иштирокчиён ва дар симои онҳо тамоми ҷавонону варзишгарони кишварро ба муносибати ҷашни байналмилалии Наврӯз табрик намуд.
Дар қисмати фарҳангии фестивал аз ҷониби ҷавонони хориҷии дар Тоҷикистон таҳсилдошта ва ҷавонони соҳибистеъдоди тоҷик суруду таронаҳо бо забонҳои гуногун ва расму анъанаҳои кишварҳои ҳавзаи Наврӯз бахшида ба ин иди байналмилалӣ пешкаш карда шуд.
Ёдрас мешавем, ки дар доираи барномаи фестивал дар шаҳру ноҳияҳои Норак, Данғара ва Темурмалик якчанд барномаҳои гуногуни фарҳангӣ-фароғатӣ, сайёҳӣ ва намоишӣ баргузор карда шуд.
АКСҲО: Кумитаи кор бо ҷавонон ва варзиши назди Ҳукумати Ҷумҳурии Тоҷикистон
«ШАҲРИ ҶАҲОНИИ ҲУНАРМАНДӢ». Истаравшан ба ин унвони байналмилалӣ сазовор гашт
«ТОҶИКИСТОН-ВАТАНИ АЗИЗИ МАН». Дар Душанбе даври сеюми озмуни ҷумҳуриявӣ ҷамъбаст мегардад
НОБИҒАЕ ДАР ОЛАМИ МАЪРИФАТ. Ҷалолиддини Балхӣ шуҳрати фарҳангу адаби тоҷикро беназиру оламгир гардонидааст
Дар Кирмоншоҳи Эрон нахустин ҷашнвораи байналмилалии «Шоҳномахонӣ» баргузор гардид
ИМРӮЗ-РӮЗИ МАВЛОНО. Ҷалолиддини Балхӣ парвардаи обу хоки Хуросону Мовароуннаҳр буда, ашъораш саршор аз забони тоҷикӣ аст
1 октябр дар Истаравшан Фестивали байналмилалии ҳунармандӣ оғоз мегардад
«КИТОБИ ДУШАНБЕ». Дар пойтахт Намоишгоҳи 12-уми байналмилалӣ баргузор мегардад
Муассисаи давлатии «Тоҷикфилм» филми наверо бо номи «Ширин» пешкаши тамошобинон мегардонад
Дар Панҷакент сохтмони Боғи фарҳангию фароғатии Абулқосим Фирдавсӣ оғоз шуд
ФУРӮШИ КИТОБҲОИ БЕЗАВОЛИ МАВЛОНО ЯКЕ АЗ ДУ ҶОЙИ АВВАЛРО ДАР ҶАҲОН ИШҒОЛ МЕКУНАД. Ин нобиғаи сухан мояи ифтихори мо — тоҷикон ва тамоми башарият аст
«ХОНАНДАИ БЕҲТАРИНИ АСАРҲОИ ПЕШВОИ МИЛЛАТ». Озмуни ҷумҳуриявӣ ҷамъбаст гардид
«ПАНҶ ҚИТЪА». Таҳти чунин унвон дар Сирки давлатии Тоҷикистон намоиш баргузор мешавад
