Дар Санкт-Петербург Шаҳноза Нодирӣ ва Дмитрий Демиденко масъалаҳои вобаста ба самти муҳоҷирати меҳнатиро баррасӣ карданд
ДУШАНБЕ, 17.03.2022. /АМИТ «Ховар»/. Имрӯз муовини Вазири меҳнат, муҳоҷират ва шуғли аҳолии Ҷумҳурии Тоҷикистон Шаҳноза Нодирӣ дар доираи сафари корӣ ба шаҳри Санкт-Петербург бо муовини сардори Сарраёсати кор бо муҳоҷирати Вазорати корҳои дохилии Федератсияи Русия Дмитрий Демиденко мулоқот намуд. Дар мулоқот ҳамзамон роҳбари Намояндагии Вазорати меҳнат, муҳоҷират ва шуғли аҳолии Ҷумҳурии Тоҷикистон дар Русия оид ба муҳоҷират Зоҳир Мирзозода ва сардори Раёсати кор бо муҳоҷиратии шаҳри Санкт-Петербург ва вилояти Ленинград Андрей Колесников ҳузур доштанд.
Дар ин бора масъули бахши матбуоти Намояндагии Вазорати меҳнат, муҳоҷират ва шуғли аҳолии Ҷумҳурии Тоҷикистон дар Федератсияи Русия оид ба муҳоҷират Каримҷон Салимзода ба АМИТ «Ховар» хабар дод.
Дар мулоқот ҷонибҳо аз тавсеаи ҳамкории мутақобилан судманд дар самти муҳоҷирати меҳнатӣ изҳори қаноатмандӣ намуданд. Мусоҳибон баргузории мулоқоту суҳбатҳои муштаракро дар сатҳҳои гуногун барои беҳтар гардидани робитаҳои ҳамкорӣ муҳим арзёбӣ карданд.
Дар ҷараёни мулоқот тарафҳо маҷмуи масъалаҳоро дар самти муҳоҷират, аз ҷумла таъмини ҳифзи ҳуқуқи муҳоҷирати меҳнатӣ, мусоидат ба ҳалли мушкилот дар раванди фаъолияти меҳнатӣ, ваъзи ҳуқуқии оилаҳои муҳоҷирони меҳнатӣ, ба таҳсил фаро гирифтани фарзандони онҳо дар Федератсияи Русия, баргузории чорабиниҳои муштарак ва дигар масъалаҳои ба ин мавзӯъ алоқамандро мавриди баррасӣ қарор доданд.
Зимни мулоқот ҷонибҳо ба мувофиқа расиданд, ки вобаста ба ваъзи ҳуқуқии оилаҳои муҳоҷирони меҳнатӣ ва аъзои оилаи онҳо, ба таҳсил фаро гирифтани фарзандони онҳо тадбирҳои наву зарурӣ андешида мешавад.
Аксҳо: Намояндагии Вазорати меҳнат, муҳоҷират ва шуғли аҳолии ҶТ дар ФР оид ба муҳоҷират
Дар Коллеҷи технологии шаҳри Душанбе 5 синфхонаи иловагӣ ба истифода дода мешавад
Дар назди Коллеҷи тиббии ҷумҳуриявӣ бинои нави клиника ва дармонгоҳ бунёд мегардад
Соли равон 37 муассисаи таҳсилоти ибтидоии касбӣ таъмир ва навсозӣ мегардад
Кормандони Кумита оид ба таҳсилоти ибтидоӣ ва миёнаи касбӣ суханронии Сарвари давлатро ба муносибати Рӯзи дониш якҷоя тамошо намуданд
Ба намояндагони касбу кори гуногуни вилояти Хатлон мукофотҳои давлатӣ тақдим карда шуд
«Барномаи рушди соҳаҳои таҳсилоти ибтидоӣ ва миёнаи касбии Ҷумҳурии Тоҷикистон барои солҳои 2026-2030» қабул гардид
Татбиқи лоиҳаҳои сармоягузорӣ дар соҳаи таҳсилоти ибтидоӣ ва миёнаи касбӣ бо намояндаи Бонки Осиёии рушд баррасӣ гардид
Дар Душанбе оид ба татбиқи иммунизатсия бар зидди вируси папилломаи одам машварати омӯзишӣ оғоз шуд
Татбиқи лоиҳаи «Беҳтарсозии малакаҳои касбӣ ва имконияти бокортаъминшавӣ» баррасӣ гардид
НЕЪМАТЕ ХУШТАР ЗИ ИСТИҚЛОЛ НЕСТ! Муҳимтарин омили таҳкими истиқлоли Тоҷикистон густариши худшиносию худогоҳии миллӣ аст
Сиёсати иҷтимоии Пешвои миллат такягоҳи суботи иҷтимоӣ ва рушди устувори давлат мебошад
Беш аз 15 ҳазор оилаҳои дар минтақаи зериобшавандаи НБО «Роғун» қарордошта бо манзили доимии зист ва қитъаи замини наздиҳавлигӣ таъмин гардиданд
