Дар Суғд барои баргузории озмунҳои «Илм-фурӯғи маърифат» ва «Фурӯғи субҳи доноӣ китоб аст» беш аз 890 ҳазор сомонӣ ҷудо шуд
ДУШАНБЕ, 24.03.2022 /АМИТ «Ховар»/. Дар вилояти Суғд барои дар сатҳи баланд гузаронидани даври вилоятии озмунҳои ҷумҳуриявии «Илм-фурӯғи маърифат» ва «Фурӯғи субҳи доноӣ китоб аст» ва қадршиносии ғолибон беш аз 890 ҳазор сомонӣ ҷудо гардид. Дар ин бора корманди хадамоти матбуоти Раиси вилояти Суғд Андар Раҳмонӣ ба АМИТ «Ховар» хабар дод.
Тибқи қарорҳои Раиси вилояти Суғд ба ғолибони даври вилоятии озмунҳои ҷумҳуриявии «Илм-фурӯғи маърифат» қариб 400 000 сомонӣ ва «Фурӯғи субҳи доноӣ китоб аст» беш аз 490 000 сомонӣ мукофотпулӣ супорида мешавад.
Мавриди зикр аст, ки қарорҳои Раиси вилоят бо мақсади таъмини иҷрои Амрҳои Президенти Ҷумҳурии Тоҷикистон аз 3 феврали соли 2022 дар бораи гузаронидани озмунҳои зикршуда ба имзо расида, раёсатҳои маориф, фарҳанг, ҷавонон ва варзиш, шуъбаҳои рушди иҷтимоӣ ва робита бо ҷомеа, иттилоотию таҳлилии дастгоҳи Раиси вилоят, роҳбарони муассисаҳои таҳсилоти миёна ва олии касбӣ, бахши суғдии Иттифоқи нависандагони Тоҷикистон ва дигар сохторҳо, инчунин раисони шаҳру ноҳияҳо вазифадор гардидаанд, ки барои дар сатҳи баланд гузаронидани даври якуму дуюми озмунҳо тадбирҳои зарурӣ андешанд.
Ҳамин тавр, моҳи сентябри имсол даври вилоятии озмуни ҷумҳуриявии «Илм-фурӯғи маърифат» ва моҳи октябр даври вилоятии озмуни ҷумҳуриявии «Фурӯғи субҳи доноӣ китоб аст» гузаронида мешавад.
Дар маҷмӯъ ба ғолибони ин ду озмун беш аз 890 ҳазор сомонӣ мукофотпулӣ супорида шуда, ғолибони даври вилоятӣ ҳамзамон ба даври ҷумҳуриявӣ роҳхат мегиранд.
АКС: Хадамоти матбуоти Раиси в. Суғд
Ба пешвози 700-солагии Ҳофизи Шерозӣ дар Тоҷикистон барномаҳои фарҳангию маърифатӣ доир мешаванд
ШАҲРИСТОНИ ҲУЛБУК. Бозёфтҳои аз ин ёдгорӣ пайдогардида намунаи санъати олии ҳунармандӣ буда, нотакрор мебошанд
«КОРВОНИ КИТОБ». Ба китобхонаҳои шаҳру ноҳияҳои Бадахшон беш аз 6 ҳазор нусха китоб дастрас мегардад
АМИТ «Ховар» ва ҶСП «Ширкати байнидавлатии телевизион ва радиои «Мир»» Ёддошти тафоҳум ба имзо расониданд
Дар Душанбе мубодилаи барномаҳои фарҳангӣ ва намоиши филмҳо байни Тоҷикистон ва Чин баргузор гардид
Дар мавзуи ташаккул ва рушди синошиносӣ дар Тоҷикистон конфронси илмӣ доир гардид
Рӯзҳои фарҳанги Ҷумҳурии Тоҷикистон дар Ҷумҳурии Тотористони Федератсияи Русия доир гардид
Ду озмоишгоҳи Институти химияи Академияи миллии илмҳои Тоҷикистон бо технологияи муосир муҷаҳҳаз карда шуд
Дар Австрия барои шаҳрвандони Тоҷикистон Озмуни ҷумҳуриявии «Фурӯғи субҳи доноӣ китоб аст» гузаронида мешавад
Рӯзҳои фарҳанги Ҷумҳурии Тоҷикистон дар Федератсияи Русия идома доранд
Ёдгориҳои ёфтшуда аз шаҳристони Ҳулбук арзиши баланди илмӣ дошта, дар байни таҳқиқоти солҳои охир беназир маҳсуб мешаванд
«Шоҳнома»-и Фирдавсӣ бояд машъалафрӯзи ҳар хонадони тоҷик бошад ва анъанаи неки шоҳномасароӣ барқарор шавад
