ФУТБОЛ. Дар Душанбе Чемпионати CAFA-2022 миёни дастаҳои мунтахаби занонаи то 18-сола оғоз мешавад

ДУШАНБЕ, 09.03.2022 /АМИТ «Ховар»/. Аз 11 то 15  март дар шаҳри  Душанбе Чемпионати Ассотсиатсияи футболи Осиёи Марказӣ- CAFA-2022 миёни дастаҳои мунтахаби занонаи то 18-сола баргузор мешавад, иттилоъ медиҳад шореҳи варзиши АМИТ «Ховар» бо истинод ба Федератсияи футболи Тоҷикистон.

Дар мусобиқаи мазкур чаҳор дастаи мунтахаби духтарона аз Қирғизистон, Тоҷикистон, Узбекистон ва Эрон ширкат меварзанд. Дастаи мунтахаби Тоҷикистонро ба ин мусобиқа сармураббӣ Иззатулло Исҳоқов омода месозад. Дар доираи Чемпионати CAFA-2022 ҳамагӣ шаш бозӣ баргузор мешавад. Ҳамаи бозиҳо дар Варзишгоҳи марказии ҷумҳурияви шаҳри  Душанбе барпо мегарданд.

Мусобиқаи мазкур аз рӯи системаи даврӣ дар як давр доир гардида, дастаи ғолиб аз рӯи имтиёзҳои бадастоварда маълум хоҳад шуд.

Мавриди зикр аст, ки дастаи мунтахаби занонаи то 18-солаи Тоҷикистон нахустин бозиашро 11  март ба муқобили дастаи мунтахаби занонаи то 18-солаи Қирғизистон баргузор мекунад.

Чемпионати CAFA-2022 миёни дастаҳои мунтахаби занона (U-18)

Иштироккунандагон: Тоҷикистон, Узбекистон, Эрон, Қирғизистон.

Тақвими бозиҳо

Даври 1-ум

11 март (ҷумъа)

14:00 – Узбекистон – Эрон

17:00 – Тоҷикистон – Қирғизистон

Даври 2-юм

13 март (якшанбе)

14:00 – Қирғизистон – Узбекистон

17:00 – Эрон – Тоҷикистон

Даври 3-юм

15 март (сешанбе)

14:00 – Эрон – Қирғизистон

17:00 – Тоҷикистон – Узбекистон

 АКС: Федератсияи футболи Тоҷикистон