Ман Ватанро беш аз ҳарвақта дорам дӯсттар. Бо ҷавонони фаъоли шаҳри Гулистон мулоқоти судманд доир шуд
ДУШАНБЕ, 07.03.2022 /АМИТ «Ховар»/. Дар муассисаи давлатии Маркази таҳсилоти иловагии шаҳри Гулистон бо иштироки таълимгирандагони маҳфилҳои амалкунандаи марказ доир ба дӯст доштани Ватан ва баланд бардоштани ҳувияти миллии наврасону ҷавонон маҳфили сиёсӣ баргузор гардид, хабар доданд дар Мақомоти иҷроияи ҳокимияти давлатии шаҳри Гулистон ба АМИТ «Ховар».
Дар маҳфил мудири бахши кор бо ҷавонон ва варзиши шаҳр Аҳлиддин Абдураҳмонов, мутахассиси татбиқи забони Мақомоти иҷроияи ҳокимияти давлатии шаҳр Фаридуншоҳ Абдуллоев ва директори Муассисаи давлатии Маркази таҳсилоти иловагии шаҳр Эмомалӣ Бобоев иштирок намуданд.
Дар ҳамоиш зикр гардид, ки ба истифода додани муассисаи давлатии Маркази таҳсилоти иловагии шаҳри Гулистон бо иштироки Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон барои таълимгирандагони муассисаҳои таълимии шаҳр имконияти васеи омӯзиши касбу ҳунар ва тақвияти донишҳои замонавиро фароҳам овард.
Марказ дорои тамоми шароити таълим ва касбомӯзӣ мебошад. Роҳбарияти олии кишвар ба ҷавонон таваҷҷуҳи хосса дошта, пайваста ҷиҳати фароҳам овардани шароити хуби таҳсил талош доранд. Раванди ҷаҳонишавӣ моро водор месозад, ки ба омӯхтани илму дониш ва забонҳои хориҷӣ саъй намуда, ба ин васила барои муаррифии кишвар дар сатҳи ҷаҳонӣ заминаи мусоид ба вуҷуд орем ва дар мубориза бар зидди зуҳуроти номатлуб омода бошем.
Зимни ҳамоиш доир ба пешгирии падидаҳои номатлуб, аз қабили шомилшавии ҷавонону наврасон ба ҳар гуна ҳизбу ҳаракатҳои экстремистиву террористӣ ва пешгирии ҷинояткорӣ миёни онҳо бо иштирокдорон корҳои фаҳмондадиҳӣ гузаронида шуд.
Аз хонандагон даъват карда шуд, ки дар олимпиадаҳои ҷумҳуриявию байналмилалӣ ва озмунҳои ҷумҳуриявии «Фурӯғи субҳи доноӣ китоб аст», «Илм-фурӯғи маърифат» ва «Тоҷикистон-Ватани азизи ман», стипендияи Раиси шаҳр ва стипедияи Президенти Ҷумҳурии Тоҷикистон, озмунҳо ва стипендияҳои дигар фаъолона иштирок намоянд ва бо комёбиҳои худ шаҳри Гулистонро дар сатҳи вилоят ва ҷумҳурӣ муаррифӣ намоянд.
АКС: МИҲД н.Гулистон
Дар Тоҷикистон аз 16 январ ҳарорати ҳаво паст мешавад
Дар Тоҷикистон ихтисосҳои серталаби коргарӣ кадомҳоянд?
ҲАМКОРӢ БАЙНИ МУАССИСАҲОИ ТАЪЛИМӢ ВА КОРФАРМО. Барои рақобатпазир будан дар бозори меҳнат чӣ бояд кард?
БАРНОМАИ ДАВЛАТИИ РУШДИ ОИЛА. Дар доираи он бо хонаводаҳои зиёде суҳбати инфиродӣ гузаронида шуд
«ҲУНАРМАНДИ СОЛ». Дар Тоҷикистон озмуни ҷумҳуриявии ҳунармандӣ баргузор мегардад
Гуфтори «Ман аввал тоҷикам, баъд мусулмон» заминаи ваҳдати миллӣ ва фарҳанги ҳамзистиро муҳайё месозад
АЗ СЕ ЯК ҲИССАИ УМРИ ИНСОН ДАР ҶОИ КОР МЕГУЗАРАД. Ва ё ба кормандон муҳайё намудани шароити хуби меҳнат зарур аст
АВВАЛ ҲУВИЯТИ МИЛЛӢ, БАЪДАН ҲУВИЯТИ ДИНӢ. Тоҷик касест, ки худро вориси тамаддуни ниёгон медонад
ТАНИ СОЛИМ МАҲСУЛИ АҚЛИ СОЛИМ АСТ. Ва ё чаро баъзе доруҳо ба саломатии инсон зарари ҷиддӣ мерасонанд?
Дар қаламрави Тоҷикистон заминларза ба амал омад
ПАСТ КАРДАНИ ХАВФИ ОФАТҲОИ ТАБИӢ. Соли 2025 аъзои 174 хоҷагӣ ба ҷойҳои бехатар кӯчонида шуданд
Ифлосшавии ҳавои атмосферӣ ба саломатии инсон чӣ таъсир мерасонад?
