МОДАРИ ЧИРАДАСТ. Дар Муъминобод ҳунарҳои мардумӣ эҳё мешаванд
МУЪМИНОБОД, 23.03.2022 /АМИТ «Ховар»/. Бо эълони Солҳои рушди деҳот, сайёҳӣ ва ҳунарҳои мардумӣ дар Тоҷикистон (2019-2021) ва эҳёю рушд ёфтани ҳунарҳои мардумӣ то имрӯз дар шаҳру деҳоти мамлакат даҳҳо мактаби ҳунармандон боз шуда, аксари занону духтарон ба дӯхтани куртаҳои чакан ва зардӯзӣ шурӯъ намуданд, хабар медиҳад мухбири минтақавии АМИТ «Ховар».
Ҳоло занони пиронсол низ ба чакандӯзӣ, зардӯзӣ ва қуроқбофӣ машғул буда, маҳбуби аҳли ҷомеа гаштаанд.
Сокини ноҳияи Муъминобод Сайёрамо Абдуллоева яке аз занони чирадасти машҳури ноҳия ба шумор рафта, айни ҳол дар синни 74- солагӣ ба дӯхтани куртаи арӯсӣ, рӯйпӯши гаҳвора, қуроқдӯзӣ, зардӯзӣ, ҷомаи мардона, тоқии чакан ва болишту кӯрпа машғул буда, ба шогирдони зиёде касб омӯзондааст. Имрӯз духтарон, келин ва наберагон ҳунари модарашонро омӯхта, мустақилона ба аҳолӣ хизмат мерасонанд.
Тавре Сайёрамо Абдуллоева иброз дошт, то инҷониб зиёда аз 200 адад либосҳои зардӯзӣ ва куртаҳои гуногуни чакан дӯхта, дар чандин чорабиниҳои фарҳангии ноҳиявӣ, вилоятӣ ва ҷумҳуриявӣ иштирок намуда, соҳиби ифтихорномаҳо гаштааст.
Ин зани пиронсоли чирадаст тасмим гирифтааст дар рӯзҳои таҷлили Наврӯзи хуҷастапай дар намоишҳои ҷумҳуриявӣ, вилоятӣ ва ноҳиявӣ иштирок намуда, ҳунари худро ба мардум нишон диҳад.
Аз суҳбати ин зани рӯзгордида маълум гардид, ки ӯ ба ғайр аз дӯхтани либос ба пухтани нон ва хӯрокҳои миллӣ низ машғул буда, имрӯзҳо маҳбуби аҳли маҳалла мебошад.
АКСҲО: АМИТ «Ховар»
«ЗАМИН — ГАНҶИНАИ ХАЙРУ САХОВАТ». Дар Бохтар бахшида ба Рӯзи умумиҷаҳонии замин ва Соли ҳифзи пиряхҳо ҳамоиш баргузор гардид
Дар Академияи миллии илмҳои Тоҷикистон таҳти унвони «Душанбе-сарзамини тахти воло» ҳамоиши илмӣ доир шуд
Сарвазири Тоҷикистон бо рафти корҳои бартарафсозии оқибатҳои офати табиӣ дар ноҳияи Тоҷикобод шинос шуд
«МАДАНИЯТИ ШАҲРДОРӢ». Дар Хатлон амалиёти пешгирии фурӯши ғайрисанитарии маҳсулоти хӯрокворӣ оғоз гардид
Сокинони вилояти Суғд ба мардуми аз офати табиӣ зарардидаи Рашт ва Тоҷикобод кумак расониданд
Мардуми саховатпешаю савобҷӯ даъват шуданд, ки маблағҳои сафари ҳаҷро ба зарардидагони заминларзаи Рашту Тоҷикобод низ равона созанд
«ОИЛАИ БЕҲТАРИН». Бо мақсади гиромидошти арзишҳои оиладорӣ озмуни ҷумҳуриявӣ доир мегардад
Дар ноҳияи Ҷалолиддини Балхӣ шумораи ақди никоҳ зиёд ва бекоршавии он коҳиш ёфтааст
ИМРӮЗ-РӮЗИ КОРМАНДОНИ МАҚОМОТИ АДЛИЯ. Дар замони соҳибистиқлолии Тоҷикистон адлия ба мақомоти давлатии калидӣ дар таҳкими ислоҳоти ҳуқуқӣ табдил ёфт
Академик Баҳром Сироҷев бо медали соҳавии «Аълочии соҳаи энергетика» сарфароз гардид
Бахшида ба Рӯзи кормандони мақомоти адлия ҳамоиши идона баргузор гардид
Дар ноҳияи Данғара ҷарроҳии пайвандсозии ҷигар гузаронида шуд
