ОГОҲИИ АГЕНТИИ ОБУҲАВОШИНОСӢ: 5-8 март дар Тоҷикистон вазъи ҳаво номусоид мешавад
ДУШАНБЕ, 04.03.2022 /АМИТ «Ховар»/. Аз 5 то 8 март бо сабаби номусоид гардидани вазъи обу ҳаво дар бештари ноҳияҳои ҷумҳурӣ бориш, дар водиҳо асосан боридани борон ва дар ноҳияҳои кӯҳӣ борону барф аз эҳтимол дур нест, иттилоъ доданд ба АМИТ «Ховар» дар Агентии обуҳавошиносии Кумитаи ҳифзи муҳити зисти назди Ҳукумати Ҷумҳурии Тоҷикистон.
5-9 март дар минтақаҳои доманакӯҳии ноҳияҳои тобеи ҷумҳурӣ ва вилояти Хатлон эҳтимоли сар задани зуҳуроти селӣ, дар минтақаҳои кӯҳии ғарби Вилояти Мухтори Кӯҳистони Бадахшон ва ноҳияҳои тобеи ҷумҳурӣ фаромадани тарма дар назар аст. 6-7 март дар дарёҳои Ёхсӯ, Қизилсӯ (ҷанубӣ) ва дарёҳои аз нишебиҳои ҷанубии қаторкӯҳҳои Ҳисор ҷоришаванда баландшавии сатҳи об пешгӯӣ мешавад.
Дар ин робита Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон ба диққати шаҳрвандон ва меҳмонони мамлакат мерасонад, ки бар асари бориш хатари баланд шудани сатҳи об дар дарёҳои Яхсу ва Қизилсу (ҷануб) ва дар рӯдхонаҳое, ки аз нишебиҳои ҷанубии қаторкӯҳҳои Ҳисор ҷорӣ мешаванд, боқӣ монда, дар роҳҳои кӯҳии ҷумҳурӣ фаромадани тарма ва сангрезиҳо, махсусан дар роҳҳои Душанбе — Айнӣ, Душанбе — Лахш, Душанбе — Сангвор, Душанбе — Хоруғ, Хоруғ — Ишкошим дар назар аст.
Аз ин рӯ тавсия дода мешавад, ки шаҳрвандон ҳангоми истифода аз роҳҳои кӯҳӣ эҳтиёткор бошанд, воситаҳои нақлиёти худро ба сафар омода намуда, то ҳадди имкон аз рафтан ба минтақаҳои хатарнок худдорӣ намоянд.
Дар ҳолати рух додани ҳолатҳои хатарнок бо рақамҳои 112, 93 880 28 19 ё ба шуъбаи навбатдор бо рақами 223 13 11 занг занед.
АКС: АМИТ «Ховар»
Дар шаҳри Омск Форуми 5-уми сарварони ҷавони Русия ва давлатҳои Осиёи Марказӣ оғоз ёфт
Масъалаи ба такмили ихтисос фаро гирифтани табибони тоҷик дар Эрон баррасӣ гардид
Дар Душанбе масъалаи густариши ҳамкории судӣ байни Тоҷикистон ва Арабистони Саудӣ баррасӣ гардид
Барои пешгирии заҳролудшавӣ аз дуди ангишт қоидаҳои муҳими истифодаи онро бояд риоя намуд
Доктор Ҳала бинти Мазид Ат-Тувайҷирӣ: «Дар «Стратегияи дурнамои рушди Арабистони Саудӣ то соли 2030» ҳифзи ҳуқуқи инсон ҷойгоҳи хос дорад»
Тавсеи ҳамкорӣ байни мақомоти Ваколатдор оид ба ҳуқуқи инсон дар Ҷумҳурии Тоҷикистон ва Кумитаи ҳуқуқи инсони Шоҳигарии Арабистони Саудӣ баррасӣ гардид
Ҳокимияти судӣ дар Тоҷикистон такягоҳи адолат ва пояи устувори қонун аст
Пешвои миллат: «Фалсафаи ҷашни Меҳргон инсонҳоро ба адолатхоҳӣ, баробарӣ ва меҳрубонӣ ҳидоят мекунад»
Дар Душанбе Форуми ёздаҳуми миллӣ оид ба волоияти қонун доир мешавад
Вазири меҳнат, муҳоҷират ва шуғли аҳолии Тоҷикистон дар Давҳа бо роҳбари ширкати қатарии «Jusour» мулоқот намуд
Дар Маркази ҷумҳуриявии илмии ҷарроҳии дилу рагҳо шуъбаи ҷарроҳии бариатрикӣ ва герниологӣ пас аз таъмиру азнавсозӣ ба истифода дода шуд
Ҳамкории Тоҷикистону Қатар дар самти меҳнат ва шуғли аҳолӣ тақвият меёбад
