Раиси Маҷлиси миллӣ Рустами Эмомалӣ дар ҷаласаи тантанавии Шӯрои Ассамблеяи Байнипарламентии давлатҳои ИДМ иштирок намуданд
ДУШАНБЕ, 29.03.2022. /АМИТ «Ховар»/. 29 март дар шаҳри Алмаато Раиси Маҷлиси миллии Маҷлиси Олии Ҷумҳурии Тоҷикистон, Раиси шаҳри Душанбе муҳтарам Рустами Эмомалӣ дар ҷаласаи тантанавии Ассамблеяи Байнипарламентии давлатҳои иштирокчии Иттиҳоди Давлатҳои Мустақил (АБ ИДМ) бахшида ба 30-солагии Ассамблея иштирок ва суханронӣ карданд. Дар ин бора АМИТ «Ховар» бо истинод ба Маҷлиси миллии Маҷлиси Олии Ҷумҳурии Тоҷикистон хабар медиҳад.
Кори ҷаласа таҳти раёсати Раиси АБ ИДМ, Раиси Шӯрои Федератсияи Маҷлиси Федералии Федератсияи Русия Валентина Матвиенко сурат гирифт.
Дар кори ҷаласаи тантанавии АБ ИДМ ҳамчунин Раиси Милли Меҷлиси Ҷумҳурии Озарбойҷон, Раиси Маҷлиси Миллии Ҷумҳурии Арманистон, Раиси Шӯрои Маҷлиси миллии Ҷумҳурии Беларус, Раиси Сенати Парламенти Ҷумҳурии Қазоқистон, муовини Раиси Маҷлиси Парламенти Ҷумҳурии Қазоқистон, Раиси Жогорку Кенеши Ҷумҳурии Қирғизистон, муовини якуми Раиси Думаи давлатии Маҷлиси Федералии Федератсияи Русия, Раиси Сенати Оли Маҷлиси Ҷумҳурии Узбекистон, Раиси Меҷлиси Милли Генгеши Туркманистон ва муовини Раиси Кумитаи иҷроияи ИДМ иштирок намуданд.
Нахуст иштирокчиёни ҷаласа масъала «Дар бораи 30-солагии Ассамблеяи Байнипарламентии давлатҳои иштирокчии Иттиҳоди Давлатҳои Мустақил»-ро муҳокима ва изҳороти Шӯрои Ассамблеяи Байнипарламентии давлатҳои иштирокчии Иттиҳоди Давлатҳои Мустақилро «Дар бораи 30-солагии Ассамблеяи Байнипарламентии давлатҳои иштирокчии Иттиҳоди Давлатҳои Мустақил» қабул карданд.
Аъзои Шӯрои АБ ИДМ оид ба санаи муҳими 30-солагии Ассамблеяи Байнипарламентӣ андешаронӣ карда, таҳкими минбаъдаи ҳамкории байнипарламентиро дар доираи созмон зарур шумориданд.
Раиси Маҷлиси миллии Маҷлиси Олии Ҷумҳурии Тоҷикистон Рустами Эмомалӣ дар суханронии худ иброз доштанд, ки дар тӯли 30 сол АБ ИДМ муҳимияти нақш ва афзалияти худро ҳамчун шакли универсалии ҳамкории байнипарламентӣ собит намуд ва имрӯз ҳамчун сохтори босамари байнипарламентӣ эътироф гардидааст.
Рустами Эмомалӣ зикр намуданд, ки «Тоҷикистон ба фаъолияти АБ ИДМ аҳамияти хос дода, палатаҳои Маҷлиси Олӣ ҳамкории густурдаро бо сохторҳои Ассамблея ба роҳ мондаанд.
Дар ин давра мо сиғаи Ассамблеяро ҷиҳати таҳкими муносибатҳои сиёсӣ, иқтисодӣ ва фарҳангии байни кишварҳо, нигоҳдошт ва таъмиқи робитаҳои тарафайни дуҷонибаю бисёрҷониба бо давлатҳои иштирокчии ИДМ фаъолона истифода намудем».
Дар ҷараёни кори ҷаласа оид ба масъалаҳои дигари рӯзномаи он мубодилаи афкор сурат гирифта, қарорҳои дахлдор қабул гардиданд.
АКС: Ассамблеяи Байнипарламентии ИДМ/АМИТ «Ховар»
ПАРЛАМЕНТ ВА ДИПЛОМАТИЯИ МИЛЛӢ: 35 СОЛИ ТАҶРИБАИ ДАВЛАТДОРИИ МУСТАҚИЛИ ТОҶИКИСТОН. Андешаҳои муовини Раиси Маҷлиси намояндагон Мавсума Муинӣ
Дилноза Аҳмадзода: «Истиқлолият заминаи асосии таҳкими давлатдории миллӣ ва рушди Тоҷикистон гардид»
Файзалӣ Идизода сокинони Сангворро ба гиромӣ доштани дастовардҳои Истиқлоли давлатӣ даъват намуд
35 СОЛИ СОҲИБИСТИҚЛОЛӢ. Марҳилаи пур аз рӯйдодҳои муҳим, созандагӣ ва дастовардҳои беназири Тоҷикистон
Вакилони Маҷлиси намояндагон ба фаъолони ноҳияҳои Исмоили Сомонӣ ва Шоҳмансури пойтахт моҳияти Истиқлоли давлатиро шарҳ доданд
Муовини якуми Раиси Маҷлиси намояндагон бо фаъолони шаҳри Панҷакент вохӯрӣ намуд
Файзалӣ Идизода бо аскарону афсарон ва фаъолони ноҳияи Сангвор вохӯрӣ намуд
Вохӯрии вакили Маҷлиси намояндагон бо кормандони Раёсати Вазорати корҳои дохилӣ дар шаҳри Душанбе доир шуд
Дастовардҳои соҳаи маориф дар солҳои Истиқлолияти давлатӣ дар шаҳри Ҳисор баррасӣ шуданд
Вакили Маҷлиси намояндагон бо фаъолони ноҳияи Шамсиддин Шоҳин вохӯрӣ намуд
Вакилони Маҷлиси намояндагон бо фаъолони ноҳияи Фирдавсӣ вохӯрӣ намуданд
Вакили Маҷлиси намояндагон бо кормандони соҳаи тандурустии шаҳри Ҳисор вохӯрӣ намуд
