Таълимгирандагони «Литсей барои хонандагони болаёқат»-и шаҳри Хуҷанд дар Олимпиадаи байналмилалии «FISO» 171 медал ба даст оварданд
ДУШАНБЕ, 26.03.2022 /АМИТ «Ховар»/. Таълимгирандагони «Литсей барои хонандагони болаёқат»-и шаҳри Хуҷанд дар натиҷаи ҷамъбасти даври финалии Олимпиадаи бонуфузи «FISO» 171 медали тилло, нуқра, биринҷӣ ва ифтихориро ба даст оварданд. Дар ин бора АМИТ «Ховар» бо истинод ба хадамоти матбуоти Раиси шаҳри Хуҷанд хабар медиҳад.
Даври байналмилалии озмуни мазкур 5 март тариқи фосилавӣ аз фанҳои математика, табиатшиносӣ, забони англисӣ ва санъати тасвирӣ баргузор гардида, ҳафтаи ҷорӣ аз ҷониби кумитаи тадорукоти озмун натиҷаи бадастовардаи хонанадагон расман эълон шуд.
Тибқи иттилои директори МДТ «Литсей барои хонандагони болаёқат»-и шаҳри Хуҷанд Сурайё Негматова дар натиҷаи ҷамъбасти даври финалии озмун хонандагони ин муассиса 171 медали тилло, нуқра, биринҷӣ ва ифтихориро ба даст оварданд, ки ин натиҷаи беҳтарин ба шумор меравад.
Зикр гардид, ки дар олимпиадаи мазкур 4000 нафар хонандагон аз 26 давлат иштирок варзиданд. Хонандагони Литсей дар 7 гурӯҳи синну солӣ бо маҳорати баланд иштирок намуда, аксари ҷойҳоро аз фанни математика ва забони англисӣ ба даст оварданд.
Бояд тазаккур дод, ки танҳо дар 7 моҳи соли хониши 2021-2022 хонандагони ин боргоҳи таълимӣ дар олимпиадаҳои фаннӣ ва забономӯзӣ дар кишварҳои Англия, Таиланд, Малайзия, Туркия, Русия, Чин, Амрико, Фаронса, Италия ва Ҳиндустон иштирок намуда, 313 медали тилло, нуқра ва биринҷиро ба даст оварданд.
Хонандагони МДТ «Литсей барои хонандагони болаёқат»-и шаҳри Хуҷанд дар соли хониши 2021-2022 дар олимпиадаҳои бонуфузи ҷаҳонии «Дониш» ва «Коперникус» дар Туркия ва Амрико ҳузури иштирок карда, ба дастовардҳои беназир соҳиб гардиданд.
Тибқи иттилои маъмурияти Литсей ҳоло дар ҳаракати олимпии муассиса беш аз 250 нафар хонандагон шомил буда, айни замон боз 42 нафар хонандагони Литсей ҷиҳати иштироки ҳузурӣ дар олимпиадаи байналмиллалӣ дар Англия ва Олмон омодагӣ дида истодаанд.
АКСҲО: Хадамоти матбуоти Раиси шаҳри Хуҷанд
Дар Донишгоҳи давлатии ҳуқуқ, бизнес ва сиёсати Тоҷикистон оид ба рушди илму маориф ҳамоиш баргузор шуд
Дар назди Донишгоҳи байналмилалии забонҳои хориҷии Тоҷикистон ду шурои нави диссертатсионӣ таъсис ёфт
Дар Донишгоҳи давлатии Бохтар даври муассисавии Озмуни ҷумҳуриявии «Фурӯғи субҳи доноӣ китоб аст» баргузор гардид
ИЛМУ МАОРИФ БА ОЯНДАИ БОСАОДАТИ ДАВЛАТУ МИЛЛАТ ТАВЪАМ АСТ. Андешаҳо дар ҳошияи Паёми Президенти Тоҷикистон ба Маҷлиси Олӣ
Ҷаласаи гурӯҳи кории Озмуни ҷумҳуриявии «Илм – фурӯғи маърифат» баргузор шуд
Дар Душанбе дар нуҳ сол беш аз 54 мактаб ва 42 муассисаи томактабӣ сохта шудааст
Оид ба тамоюлҳои рушди психологияи муосир ва татбиқи он дар низоми таҳсилоти рақамӣ конференсияи байналмилалӣ доир шуд
«ИЛМ – ФУРӮҒИ МАЪРИФАТ». Барои баргузории ин озмуни ҷумҳуриявӣ зиёда аз 9 миллион сомонӣ ҷудо гардид
Дар Донишгоҳи давлатии молия ва иқтисоди Тоҷикистон бахшида ба Рӯзи байналмилалии ҳадяи китоб ҳамоиш доир гардид
Бахшида ба «Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи илму маориф» дар Душанбе конференсияи илмӣ доир шуд
Дар оянда дар маҳали Донишкадаи инноватсионии Душанбе шаҳраки донишҷӯён сохта мешавад
РУШДИ САНОАТИ ФАРМАТСЕВТИИ ВАТАНӢ. Дар Парки технологии Донишгоҳи миллии Тоҷикистон аз пӯсти меваи анор дору тайёр мекунанд
