Дар Боку намоишгоҳи аксҳо таҳти унвони «Тоҷикистон — кишвари қуллаҳои осмонбус ва дарёҳои тиллоӣ» ифтитоҳ ёфт
ДУШАНБЕ, 22.04.2022 /АМИТ «Ховар»/. Дар шаҳри Боку дар «Хонаи аксҳои Боку» ба муносибати 30-умин солгарди барқарорсозии муносибатҳои дипломатии Ҷумҳурии Тоҷикистон бо Ҷумҳурии Озарбойҷон 20 апрел намоишгоҳи аксҳо таҳти унвони «Тоҷикистон — кишвари қуллаҳои осмонбӯс ва дарёҳои тиллоӣ» ифтитоҳ гардид, ки то 25 апрел идома меёбад. Дар ин бора АМИТ «Ховар» бо истинод ба Вазорати корҳои хориҷии Ҷумҳурии Тоҷикистон хабар медиҳад.
Дар маросими ифтитоҳи намоишгоҳ вакилони Гурӯҳи дӯстии байнипарлумонии Тоҷикистону Озарбойҷон, намояндагони Вазорати корҳои хориҷӣ ва дигар вазорату идораҳо, роҳбарони ҳайати дипломатии муқими Боку, доираҳои тиҷоратӣ ва сармоягузории Озарбойҷон ва расонаҳои хабарии кишвари иқомат ҳузур доштанд.
Дар маросими мазкур директори Маркази осорхонаи «Ичеришеҳер» Амина Меликова, Роҳбари гурӯҳи дӯстии байнипарлумонии Тоҷикистону Озарбойҷон Айдин Мирзазаде ва аксбардори машҳури ҷаҳон Реза Дегатӣ ба сифати меҳмонони фахрӣ изҳори назар карданд.
Сафири Тоҷикистон дар Озарбойҷон Рустам Солӣ зикр кард, ки баргузории ин намоишгоҳ дар муаррифии имкониятҳо ва зебоиҳои Тоҷикистон ва таҳкими равобити Тоҷикистону Озарбойҷон ва мардумони минтақа муҳим мебошад. Номбурда инчунин ба иштирокдорон доир ба фарҳанги пурғановат, санъату ҳунари волои мардуми тоҷик, рушду иқтисодии кишвар ва минтақаҳои сайёҳии Тоҷикистон маълумоти муфассал дод.
АКС аз ВКХ ҶТ
Ба муносибати Рӯзи ваҳдати миллӣ дар Сафорати Ҷумҳурии Тоҷикистон дар Давлати Кувайт чорабинии тантанавӣ доир гардид
Нишасти навбатии Гурӯҳи корӣ дар қолаби С5+Олмон баргузор гардид
Тоҷикистон аз созиши оташбас байни Исроил ва Эрон истиқбол менамояд
Сафири Тоҷикистон ба Президенти Малдив эътимоднома супорид
Дар Душанбе тақвияти ҳамкорӣ байни Тоҷикистон ва Қатар дар соҳаи иқтисоду тиҷорат баррасӣ шуд
Сироҷиддин Муҳриддин дар ҷаласаи вазирони корҳои хориҷии давлатҳои аъзои Созмони ҳамкории исломӣ иштирок намуд
Тоҷикистон зарбаҳои неруҳои ҳарбии ҳавоии Амрико ва Исроилро ба иншооти ҳастаии Эрон қатъиян маҳкум мекунад
Роҳбарони агентиҳои давлатии иттилоотии кишварҳои ИДМ дар Санкт-Петербург рушди ҳамкориро баррасӣ намуданд
Дар Душанбе Конфронси байналмилалӣ «Осиёи Марказӣ – меҳвари СҲШ: 25 соли ҳамкорӣ ба хотири рушди муштарак» доир гардид
Дар Корея аз иқдомҳои Тоҷикистон дар самти мубориза бо биёбоншавӣ ва хушкӣ ёдовар шуданд
Дар Душанбе машваратҳои сиёсӣ байни вазоратҳои корҳои хориҷии Тоҷикистон ва Венесуэла баргузор шуд
Байни давлатҳои Осиёи Марказӣ ва Чин Паймони ҳамсоягии абадӣ, дустӣ ва ҳамкорӣ ба имзо расид
